Morgunblaðið - 11.08.1999, Qupperneq 14
14 MIÐVIKUDAGUR 11. ÁGÚST 1999
FRETTIR
MORGUNBLAÐIÐ
FRONSKU félagarnir létu
slæma vegi ekki aftra för sinni
um hálendið. Frá vinstri:
Clermont og Duguit-bræðurnir.
PARIÐ frá Tékklandi, Kudli-
acka og Bustova, fer um allt á
vélhjóli.
/
A ferð um Herðubreiðarfriðland og Hvannalindir
HERÐUBREIÐ, drottning allra fjalla á Islandi, eins og sumir segja, í allri sinni dýrð.
Morgunblaðið/Árni Sæberg
'
|
;
SVO virðist sem vaxandi um-
ræða um fyrirhugaðar
virkjanir á miðhálendi ís-
lands hafi orðið mörgum
landanum hvatning til þess að ferð-
ast um landið og líta nátt-
úruperlurnar eigin augum. Þetta
staðfestir alltjént Róbert Þór Har-
aldsson, landvörður í Herðubreið-
arlindum, en hann kveðst verða var
við mun fleiri íslendinga á hálend-
inu nú í sumar samanborið við sum-
arið í fyrra. Þar af séu mjög margir
að koma í fyrsta sinn. Hann telur
þessa þróun mjög ánægjulega og
bendir m.a. á máli sínu til stuðnings
að landverðir í Herðubreiðarlindum
séu mjög oft spurðir út í aðgengi að
fyrirhuguðum virkjanasvæðum há-
lendisins. Menn munu þó ekki ein-
göngu komnir til að virða fyrir sér
svæði sem hugsanlega verða virkj-
unum að bráð heldur vekja aðrar
náttúruperlur einnig áhuga og for-
vitni ferðalanga. Herðubreiðarlind-
ir eru þar engin undantekning sem
og Dyngjufjöll, Hvannalindir og
Kverkfjöll eða aðrir staðir á Norð-
urlandi eystra sem rómaðir eru fyr-
ir náttúrufegurð.
Ljósmyndari og blaðamaður
Morgunblaðsins fóru heldur ekki
varhluta af vinsældum svæðisins,
þegar þeir áttu leið þar um sl. föstu-
dag, enda veðrið eins og best verður
á kosið; heiðskýrt og rjómablíða.
Allmargir ferðamenn, íslendingar
og útlendingar, voru búnir að koma
sér fyrir á tjaldstæðinu í Herðu-
breiðarlindum og á hlykkjóttum
vegarslóða tii Hvannalinda og
Kverkfjalla var þónokkur umferð
ferðalanga sem ýmist ferðuðust um
á fjallahjólum, jeppum, langferða-
bílum eða vélhjólum. íslendingarnir
virtust aðallega nýta sér jeppana en
hinir erlendu ferðamenn voru
margir hverjir á hjólum, tveir eða
þrír saman i hóp. Sumir sáust
reyndar leiða reiðhjólið á grýttum
vegai-köflum en aðrir létu sig
greinilega hafa það og hjóluðu fim-
lega milli hraunsteinanna. Þeirra á
meðal voru þrír franskir náms-
menn, búsettir í París, bræðurnir
Duguit og félagi þeirra Clermont.
„Ekki mörg þorp
á Islandi“
Frönsku vinirnir virtust ekki vit-
und þreyttir þegar Morgunblaðs-
menn stöðvuðu þá skammt frá
Herðubreiðarlindum þrátt fyrir að
hafa verið á hjólaferðalagi um land-
Sífellt fleiri íslend-
ingar skoða
náttúruperlurnar
Margar af þekktustu náttúruperlum
---7--------------------------------------
Islands er að fínna á hálendinu norðan
Vatnajökuls. Má þar nefna Kverkfjöll,
Snæfell, Oskju, Hvannalindir og Herðu-
breiðarlindir. Arna Schram blaðamaður og
Árni Sæberg ljósmyndari áttu leið um
svæðið á dögunum og hittu þar fyrir fjölda
ferðamanna, bæði erlendra og innlendra,
sem margir hverjir voru að fara þar um í
fyrsta sinn.
ISLENSKI hópurinn stillti sér upp í Hvannalindum fyrir ljósmyndara
Morgunhlaðsins.
ið norðanvert í fimm eða sex daga.
„Við erum vanir hjólreiðum og
fjallaklifri ýmiss konar,“ segja þeir
brosmildir en bæta því þó við að
mun betra sé að hjóla á malbikuð-
um vegum en vegarslóðum sem
þessum. Þegar þremenningarnir
eru spurðir að því hvers vegna þeir
hafi ákveðið að verja sumarfríinu
sínu á Islandi segjast þeir einfald-
lega vera hrifnir af villtri og
óspilltri náttúranni en taka þó fram
að það hafi komið þeim á óvart hve
„fáir bæh- eða þorp væra á íslandi“.
Áðspurðir um ferðaplönin segjast
þeir hafa komið með áætlunarflugi
til Akureyrar og upplýsa að þaðan
hafi þeir hjólað og muni hjóla þvert
yfir hálendið í tæpar þrjár vikur og
enda að lokum í höfuðborginni
Reykjavík. Eftir að hafa dásamað
fegurð landsins halda þeir áfram
för sinni lengra inn til miðhálendis-
ins, lengra burt frá öllum manna-
byggðum.
I Hvannalindum hefur hópur Is-
lendinga, á nokkrum jeppum, tekið
sér hvíld frá akstri og fáein börn
leika sér á grónum bökkum lind-
anna sem spretta undan hraunjaðr-
inum. í ljós kemur að sumir í hópn-
um hafa verið á ferð um hálendið í
meira en tvær vikur en aðrir bætt-
ust í hópinn fyrir nokkrum dögum.
„Við höfum verið svo heppin að hit-
inn hefur ekki farið undir tuttugu
stig þessa daga sem við erum búin
að vera á ferðinni," segir Guðmund-
ur Eiríksson, sem fer fyrir hópnum.
Og aðrir í hópnum sem ferðast hafa
um hálendið í meira en tvær vikur
hafa sömu sögu að segja. Veðrið
hefur verið með eindæmum gott.
Guðmundur rekur ferðasögu
hópsins en flestir í honum ætla að
halda ferðalaginu áfram a.m.k.
nokkra daga til viðbótar. „Við höf-
um m.a. farið niður í Víti,“ segir
hann, „þar fengum við mjög gott
veður og sumir fóru í sund.“ Hann
bætir því reyndar við að þar hafi
ýmsir verið hræddir um „ákveðna
aðila“ og haft af því „áhyggur" að
þeim yrði kippt niður. „En þeir
voru greinilega í náðinni og fóru
ekki niður í þetta sinn,“ segir hann
kíminn. Rannveig Guðmundsdóttir
alþingismaður, sem einnig er með í
för, segir að ferðin hafi verið frá-
bær. Á daginn sé keyrt um og farið
í göngutúra en á kvöldin sé borðað-
ur góður mat og sagðar sögur. „Við
föram þó yfirleitt snemma í koju og
reynum að vera lögð af stað ekki
seinna en tíu á morgnana," bætir
Guðmundur við og Rannveig tekur
fram að það sé „unaðslegt“ að eiga
eftir að verja nokkram dögum til
viðbótar í þessum fallega hluta
landsins.
Ferðast um
á vélhjóli
Að sögn Róberts landvarðar í
Herðubreiðarlindum koma erlendu
ferðamennirnir, sem ferðast á þess-
um slóðum, flestir frá Þýskalandi,
Frakklandi, Hollandi og öðrum
löndum Vestur-Evrópu en sjald-
gæfara er, segir hann, að hitta
Skandínava þarna á ferð. Blaða-
maður og ljósmyndari rákust hins
vegar á par, Petr Kudliacka og
Jana Bustova, frá Tékklandi, sem
sagðist hafa ákveðið að ferðast um
ísland eftir að hafa séð fallega
mynd af landinu í tékknesku blaði.
Þau komu hingað til lands með Nor-
rænu og hyggjast hjóla um landið á
vélhjóli næstu tvær vikurnar. En af
hverju á vélhjóli? „Jú, vegna þess
að við förum um allt á slíku farai’-
tæki,“ segja þau, svolítið hissa á því
að lenda í blaðaviðtali svona í miðj-
um óbyggðum landsins.
Þau segjast hrifin af landinu og
nefna það sérstaklega hve veðrið sé
gott. „En mér skilst reyndar að gott
veður sé undantekning fremur en
regla hér á landi,“ segir Kudliacka
og blaðamaður reynir að komast hjá
því að svara svo „óþægilegri"
spurningu, en bendir á að veðrið sé
yfirleitt gott á hálendinu. Tékk-
neska parið segist hafa tekið allar
nauðsynjar, svo sem mat og lyf,
með sér hingað til lands, þar sem
þau hafi frétt að „allt væri mjög
dýrt á íslandi". Það eina sem þau
þurfa að kaupa hér er „bensín og
brauð“. Við þökkum fyrir viðtalið og
þau halda áfram för sinni um landið.
I
i
!'
»
i