Morgunblaðið - 27.01.2000, Page 10

10 FIMMTUDAGUR 27. JANÚAR 2000
MORGUNBLAÐIÐ
FRETTIR
Áform um glæsihótel og
heilsustofnun í Hveragerði
Framkvæmdaaðili
bíður þess að fá
leigusamning ráð-
herra staðfestan
ÁFORM eru uppi um að reisa um
400 íbúða heilsuþorp í Olfusi, þar
sem rekið yrði glæsihútel og heilsu-
stofnun með aðbúnaði og þjónustu í
háum gæðaflokki. Knútur Bruun
lögfræðingur hefur unnið að þess-
ari hugmynd síðustu árin og telur
hentugast að reisa þorpið undir
suðurhlíðum Reykjafjalls á ríkis-
jörðinni Reykjum. Þar stæði þorpið
gegnt Heilsustofnun NLFÍ. með
Garðyrkjuskdla ríkisins til vesturs
og orlofsheimilin í Ölfusborgum til
austurs. Hann hefur mikla trú á
þessum áformum, enda séu úti-
vistarmöguleikar af öllu tagi frá-
bærir á Ölfussvæðinu, auk þess sem
jarðhiti og hverir geri svæðið ein-
stakt í augum ferðamanna.
Að sögn Knúts er það grundvall-
aratriði f undirbúningi málsins að
finna ákjósanlegan stað fyrir
heilsuþorpið væntanlega og
tryggja byggingarland og aðgang
að nægu heitu og köldu vatni. Að
því loknu verður unnt að hefjast
handa um stofnun undirbúningsfé-
lags, sem þá hrindi framkvæmdum
í verk. Ætlunin er að fjármagna
byggingarnar með erlendu fjár-
magni og hafa farið fram viðræður
við erlendar hótelkeðjur, sem sýnt
hafa málinu mikinn áhuga, að sögn
Knúts.
Ekki verður þó unnt að tryggja
fjármagn fyrr en að fyrir liggja
samningar um byggingarland og
vatnsréttindi auk nákvæmrar hönn-
unar á mannvirkjum og kostnaðar-
og rekstraráætlanir. Knútur fékk á
sínum tíma fyrirheit frá Guðmundi
Bjarnasyni, þáverandi landbúnað-
Sumir
vagnstjór-
ar hóta að
hafna allri
aukavinnu
SIGURBJÖRN Halldórsson,
aðaltrúnaðarmaður vagn-
stjóra hjá SVR, segir að all-
margir vagnstjórar hafí lýst
því yfir að þeir myndu ekki
vinna meiri yfírvinnu í þess-
um mánuði. Gangi þetta eftir
er hugsanlegt að truflanir
verði á þjónustu SVR um
helgina.
Sigurbjörn segir að ekki sé
um neitt yfirvinnubann að
ræða, en vagnstjórum sé eins
og öðrum stéttum heimilt að
afþakka boð um aukavinnu.
Vagnstjórum sé skylt sam-
kvæmt samningum að vinna
ákveðna yfirvinnu í hverjum
mánuði. Hann kveðst telja að
þorri vagnstjóra hjá SVR hafi
þegar uppfyllt þessa skyldu í
þessum mánuði.
Sigurbjörn segir að vakta-
kerfi vagnstjóra um helgar sé
byggt upp með þeim hætti að
það vanti ávallt 17 vagnstjóra
á vakt annan daginn og 14
hinn daginn. Þetta sé fyrir ut-
an veikindaforföll. Hann seg-
ist ekki geta svarað því hvort
vagnstjórar fáist til að taka að
sér þessar aukavaktir um
helgina. Það sé undir hverjum
og einum komið, en allmargir
hafi lýst því yfir við sig að þeir
séu hættir að vinna yfirvinnu.
STÓRKONUQiL
800- OS B'INGARSWSOi
Yfirlitsmynd af fyrirhuguðu heilsuþorpi undir Reykjafjalli í Hveragerði. Gert er ráð fyrir að þorpið muni
standa handan Varmár gegnt Heilsustofnun NLFI.
arráðherra, um leigu á 18 hektara
landspildu úr landi Reykja til bygg-
ingarframkvæmda, auk fyrirheita
um nýtingu nauðsy nlegra vatns-
réttinda fyrir þá starfsemi sem
áformað er að reka á þessu svæði.
Þá veitti Finnur Ingólfsson, þáver-
andi iðnaðarráðherra, Knúti leyfi f
fyrravor til rannsókna og nýtingar
á jarðhita í landi Reykja.
Knútur segist nú vera að bíða eft-
ir endanlegu svari frá Guðna
Ágústssyni landbúnaðarráðherra
um frágang á leigusamningi á fyrr-
greindri landspildu á Reykjum. í
svari ráðuneytisins frá 6. júlí í
fyrrasumar segir að framtíðar-
hagsmunir Garðyrkjuskóla ríkisins
muni ráða mestu um ráðstöfun á
landi skólans i næsta nágrenni
hans.
Knútur segir að fyrrverandi
landbúnaðarráðherra hafi einnig
gert fyrirvara um umsögn skóla-
nefndar Garðayrkjuskólans á leigu
þessarar landspildu, en skólinn er
eini aðilinn sem á hagsmuna að
gæta varðandi svæðið. Svar skóla-
nefndar mun hafa borist síðasta
sumar og segir Knútur að hann sé
reiðubúinn að breyta leigusamningi
á þann hátt að gerður verði viðbót-
arsamningur sem taki tillit til um-
sagnar skólanefndar, svo framar-
lega sem byggingareiturinn verði
áfram í kjörlandi undir suðurhlíð-
um Reykjafjalls. Landbúnaðar-
ráðherra hefur nú sent sex aðilum,
Garðyrkjuskóla ríkisins, Hvera-
gerðisbæ, sveitarfélaginu Ölfusi,
Heilsustofnun NLFÍ, Dvalarheimil-
inu Ási og rekstrarfélagi Ölfus-
borga erindi þar sem óskað er eftir
umsögn um áform Knúts um upp-
byggingu heilsuþorps. Segist Knút-
ur trúa þvf að erindið fái jákvæða
umfjöllun, enda dyljist engum mik-
ilvægi þess fyrir byggð og mannlíf
á Suðurlandi, og reyndar landið
allt, að unnt verði að hrinda þessum
áformum í framkvæmd. Hann seg-
ist vita til þess að Hveragerðisbær
og sveitarfélagið Ölfus hafi þegar
tekið jákvætt í málið.
Tillaga skóla-
nefndar FVÍ
Skólinn
heiti
Mennta-
skólinn á
fsafírði
SKÓLANEFND Framhalds-
skóla Vestfjarða á Isafirði
(FVÍ) hefur lagt til að nafni
skólans verði breytt í
Menntaskólinn á ísafirði að
því er fram kemur í blaðinu
Bæjarins besta á ísafirði. Er
það í höndum menntamála-
ráðherra að úrskurða um
nafnbreytinguna og segir í
Bæjarins besta að ekki þyki
ósennilegt að ráðherra stað-
festi nafnið í væntanlegri
kynnisferð hans til skólans í
mars nk.
Skólinn hlaut nafnið
Menntaskólinn á Isafirði þeg-
ar hann var stofnaður fyrir
þremur áratugum en núver-
andi nafn var tekið upp fyrir
um áratug eftir að hann hafði
verið sameinaður Iðnskóla
Isafjarðar.
Hefur ekki áhrif á
núverandi starfsemi
í bókun skólanefndarinnar
um nafnbreytinguna segir að
hún muni ekki hafa áhrif á
núverandi starfsemi skólans
en samhliða henni sé fyrir-
hugað að skerpa áherslur í
starfi hans.
Vilji virðist vera fyrir því
meðal nemenda og kennara
skólans að breyta nafni hans í
fyrra horf enda skrifuðu 152
nemendur og kennarar skól-
ans undir áskorun þess efnis
á síðasta vori.
Nýtt launakerfí hjá félagsmönnum Starfsmannafélags Reykjavíkurborgar
Kerfíð endurspegli betur
hæfni manna í starfí
UM áramótin tók gildi nýtt launa-
kerfi fyrir félagsmenn í Starfs-
mannafélagi Reykjavíkurborgar
sem starfa hjá borginni. Ekki
liggja fyrir upplýsingar um hvað
þessi breyting skilar miklum
launahækkunum, en Reykjavíkur-
borg setti 55 milljónir í þetta verk-
efni.
Birgir Björn Sigurjónsson, hjá
starfsmannahaldi Reykjavíkur-
borgar, sagði að markmiðið með
nýju launakerfi væri að breyta
hugsuninni um hvernig laun væru
ákvörðuð. Tilgangurinn væri m.a.
sá að búa til vísi að kerfi sem væri
fært um að meta störfin innbyrðis
þannig að þau endurspegluðu bet-
ur hæfni starfsmanns en gert var í
gamla kerfinu. Hann sagði að í
kjarasamningunum, sem gerðir
voru árið 1997, hefði verið samið
um að taka upp nýtt launakerfi ár-
ið 1998. Það hefði hins vegar dreg-
ist af ýmsum ástæðum að ljúka
þessu verkefni. Þessari vinnu hefði
verið lokið um síðustu áramót en
sjálft launakerfið tæki gildi frá og
með 1. júlí 1999.
Birgir Björn sagði að nýtt
launakerfí hefði ekki falið í sér
teljandi launabreytingar, enda
hefði ekki verið gert ráð fyrir því
þegar kjarasamningarnir voru
gerðir. Reykjavíkurborg hefði þó
látið ákveðna upphæð í þetta verk-
Heildaráhrifin þýða
0,5 til 1% launahækkun
efni til að tryggja að við röðun
manna í launaflokka væri tryggt
að enginn lækkaði í launum. Hann
sagðist meta heildaráhrifin af
kerfinu á 0,5-1% launahækkun.
Birgir Björn sagði að fyrir fáum
árum hefðu allar ákvarðanir um
launabreytingar hjá borgarstarfs-
mönnum verið teknar í Ráðhúsinu.
Núverandi borgaryfirvöld hefðu
hins vegar tekið ákvörðun um að
færa þetta vald í meira mæli út í
stofnanirnar sjálfar. Þetta nýja
launakerfi væri skref í þessari þró-
un. Hann sagði að stofnanirnar
sjálfar gætu t.d. tekið ákvörðun
um hvort þær legðu meiri áherslu
á menntun, starfsreynslu eða sér-
staka hæfni við röðun starfsmanna
í launaflokka.
Breytingin gerð á
félagslegum grunni
Hann kvaðst telja eðlilegt að
einhver munur væri þarna á milli
stofnana vegna þess að starfsemi
þeirra væri mismunandi. Hugsun
borgarinnar væri sú að færa
ákvarðanirnar hægt og bítandi út í
dreifstýrt kerfi. Háskólamenntaðir
starfsmenn borgarinnar hefðu
sýnt þessu nýja kerfi mestan
áhuga og þess vegna hefðu þeir
verið fyrstir til að ganga frá sam-
komulagi um slíkt kerfi. Starfs-
mannafélagið hefði nú gengið frá
hliðstæðum samningum og í sjálfu
sér væri ekkert því til fyrirstöðu
að fleiri félög gerðu samkomulag
við borgina um þessa eða sam-
bærilega breytingu.
Sjöfn Ingólfsdóttir, formaður
Starfsmannafélags Reykjavíkur-
borgar, sagði að þetta nýja launa-
kerfi fæli í sér hliðstæða breytingu
og háskólamenn hjá ríkinu hefðu
samið um. Þó væri sá grundvallar-
munur á að starfsmannafélagið
hefði valið að standa félagslega að
þessari breytingu. Stofnaðar hefðu
verið matsnefndir á 26 vinnustöð-
um Reykjavíkurborgar, en í þeim
ættu sæti fulltrúar starfsmanna og
stjórnenda viðkomandi vinnustað-
ar. Þessum nefndum væri ætlað að
leggja fram tillögur um hvaða
þætti ætti að leggja til grundvallar
við gerð nýs launakerfis. Bæði
launþegi og forstöðumaður hefðu
því í höndunum niðurstöðu mats-
nefndar þegar þeir ræddu saman
um röðun í launaflokka. Forstöðu-
maður tæki hina endanlegu
ákvörðun, en hann yrði að rök-
styðja ákvörðun sína og fara eftir
þeim meginreglum sem matsnefnd
hefði sett. Sjöfn sagði að nýja
launakerfið fæli ekki í sér að
launamanni væri gert að ná, einum
og óstuddum, samkomulagi við
vinnuveitandann um sín laun.
Þessi breyting væri því gerð á fé-
lagslegum grunni.
Tilraun þróuð í
ljósi reynslunnar
Sjöfn sagði að um væri að ræða
tilraun sem ætti eftir að þróa bet-
ur í ljósi reynslunnar og m.a. þess
vegna hefði verið ákveðið að mats-
nefndirnar störfuðu út samnings-
tímabilið, sem lýkur 31. október
árið 2000.
Sjöfn sagði að upplýsingar lægju
ekki fyrir um hvort þessi breyting
hefði leitt til launahækkana hjá fé-
lagsmönnum. Reykjavíkurborg
hefði varið 55 milljónum í þetta
verkefni, sem væri lág upphæð
þegar haft væri í huga að 2.400-
2.500 manns væru í félaginu. Auk
þess hefðu sumir forstöðumenn
eitthvert svigrúm til hækkana.
Ennfremur hefði í einhverjum til-
fellum föst yfirvinna verið færð
inn í launataxtann, en slík breyt-
ing fæli ekki í sér breytingu á
heildarlaunum.