Morgunblaðið - 07.03.2000, Blaðsíða 12

12 ÞRIÐJUDAGUR 7. MARS 2000
MORGUNBLAÐIÐ
FRÉTTIR
s
Islenskur
fjárhund-
ur valinn
sá besti
Islenski fjárhundurinn Freyja bar
af öðrum hundum á alþjóðlegri
hundasýningu Hundaræktarfé-
lags Islands, sem fram fór um
helgina. Tæplega 270 hundar
voru þar leiddir fyrir dómara og
þegar upp var staðið heillaði
Freyja þá mest og sigraði.
Þetta er í fyrsta skipti sem
Freyja, fædd árið 1998, kemur
fram á hundasýningu. Eigandinn,
Anna Dóra Markúsdóttir, sýndi
tíkina og fórst það vel úr hendi
en þær komu úr sveitinni og
slógu í gegn, að sögn Emilíu Sig-
ursteinsdóttur sýningarstjóra.
Freyja hlaut á sýningunni sitt
fyrsta íslenska meistarastig,
fyrsta alþjóðlega meistarastigið
kom einnig og hún var valin besti
hundur sýningarinnar. Til þess
að verða Islandsmeistari þarf
þrjú fslandsmeistarastig og til að
geta talist alþjóðlegur meistari
þarf fjögur slík.
ÍSklU
Úl
Morgunblaðið/Jón Svavarsson
Tíkin Freyja var valin besti hundur alþjóðlegrar hundasýningar Hundaræktarfélags Islands sem haldin var um
helgina. Hér er Freyja ásamt eiganda sínum Önnu Dóru Markúsdóttur.
Rútubflsljóra bjargað fyrir
snarræði lögreglumanns
„Hefði ábyggi-
lega kafnað“
Ljósmynd/Már Guðmundsson
Bifreið alelda á
bifreiðastæði
BIFREIÐ er talin ónýt eftir bruna á
bifreiðastæði við Flétturima í Graf-
arvogi þegar kviknaði í bifreiðinni
aðfaranótt mánudags Við eldsvoð-
ann urðu einnig skemmdir á hlið
nærliggjandi bifreiðar. Þegar
Slökkvilið Reykjavíkur kom á vett-
vang var bifreiðin alelda en greið-
lega gekk að slökkva eldinn. Elds-
upptök voru ókunn í gær.
HEITA má víst að Helgi Gunnars-
son, lögreglumaður úr Grundarfirði,
hafi bjargað lífi rútubílstjórans Hilm-
ars Helgasonar á laugardaginn þegar
Hilmar lenti í þeirri ótrúlegu reynslu
að fá heilan jeppa ofan á sig í ofsaroki
í Kolgrafafirði á Vesturlandi.
Málsatvik voru þau að Hilmar var
ásamt sex farþegum sínum auk ann-
ars bílstjóra á leið inn fjörðinn í stilltu
veðri þegar feikna vindhviða kom eins
og hendi væri veifað og velti rútunni á
hliðina. Lögreglan kom skömmu síð-
ar og vann með Hilmari að því næstu
stundina að koma farþegum rútunnar
á aðvífandi bifreiðir til að flytja þá
áíram. Heldur fór að draga til tíðinda
þegar til stóð að koma síðasta farþeg-
anum á jeppa sem átti leið hjá. Sagði
Hilmar þá við Helga lögreglumann að
best væri að hinkra uns yfirstandandi
vindhviða liði hjá. „Ég gekk að jepp-
anum og ætlaði að segja ökumannin-
um að hann skyldi færa jeppann
þannig að vindurinn kæmi ekki á hlið-
ina, því annars hlyti hann að fjúka,“
sagði Hilmar.
„Það skipti engum togum að þá
kom roka sem feykti jeppanum yfir
mig. Sílsinn lenti á brjóstkassanum á
mér og síðan fauk jeppinn áfram og
hafnaði á þakinu. Skömmu síðar kom
björgunarsveitarbíll og flutti mig
undir læknishendur á Grundarfirði.“
Hilmar þrýstist ofan í snjóinn undir
þunga jeppans og hefur það líklega
orðið honum til lífs að undirlagið
skyldi vera mjúkt. Hann er talsvert
marinn eftir atvikið og við læknis-
skoðun reyndust nokkur rifbein hafa
brotnað en að öðru leyti slapp Hilmar
við alvarleg meiðsli. Engu síður átti
hann mjög erfitt með andardrátt
strax eftir að jeppinn lenti á honum.
Helgi lögi'eglumaður áttaði sig þó
fljótt og kom honum til hjálpar. „Ég
náði ekki andanum fyrr en Helgi tók
undir herðamar á mér og ég hefði
ábyggilega kafnað ef hann hefði ekki
vitað hvað hann átti að gera,“ sagði
Hilmar, sem er rétt rúmlega sextug-
ur að aldri og á að baki rúmlega 40
ára feril undir stýri.
Skömmu eftir að jeppinn hafnaði á
þakinu eftir að hafa oltið ofan á Hilm-
ar kom enn ein vindhviðan og feykti
jeppanum upp þannig að hann hafn-
aði loks á hjólunum.
Samninganefndir Fióabandalagsins og Samtaka atvinnulífsins hittast í dag
Samkomulag
um nær öll at-
riði nema launin
SAMKOMULAG er um ílest atriði
nýs kjarasamnings milli Flóabanda-
lagsins og Samtaka atvinnulífsins,
önnur en launaliðinn. Halldór
Björnsson, formaður Eflingar, seg-
ist ekki útiloka að á samningafundi í
dag komi í ljós, hvort samningar
takast án beinna afskipta ríkissátta-
semjara.
Samninganefndir Flóabandalags-
ins og SA sátu á fundi föstudag,
laugardag og sunnudag. I gær voru
haldnir tveir fundir þar sem farið
var yfir kjör og réttindi blaðbera, en
Flóabandalagið hefur krafist þess
að gerður verði sérkjarasamningur
um kjör þeirra.
Halldór sagði að samkomulag
hefði tekist um helgina um breyt-
ingar á veikindarétti launþega.
Breytingarnar miða að því að auka
réttindi launþega sem flytja sig á
milli vinnustaða, bæta stöðu lang-
veikra launþega og auka rétt for-
eldra til að vera heima hjá veikum
börnum. Áður hafði tekist sam-
komulag um starfsmenntamál og líf-
eyrismál. Halldór sagði að búið væri
að ná samkomulagi um meginatriði
ákvæðis um tryggingar, en endan-
legt orðalag lægi ekki fyrir.
Ákvæðið gerir ráð fyrir tengingu við
almenna launaþróun, en einnig er
minnst á verðlag.
Á sunnudaginn lögðu vinnuveit-
endur fram tillögur um launabreyt-
ingar í samningi til þriggja ára.
Halldór sagði að þær fælu í sér tals-
vert minni hækkanir en Flóabanda-
lagið hefði krafist. Samninganefnd-
irnar myndu ræða áfram um
launabreytingar í dag. Á fundinum
ætti að koma í ljós hvort grundvöll-
ur væri fyrir því að menn næðu sam-
an um launin. Almennt hefðu þessar
samningaviðræður gengið vel, en ef
ekkert þokaðist með launaliðinn
gæti komið til þess að samninga-
nefnd Flóabandalagsins yrði að vísa
kjaradeilunni til sáttasemjara.
Flóabandalagið getur ekki boðað
verkfall nema að hafa áður vísað
deilunni til sáttasemjara, eins og
önnur félög í Verkamannasamband-
inu gerðu í síðasta mánuði.
Ari Edvald, framkvæmdastjóri
SA, sagðist vera sammála því mati
Halldórs, að samkomulag væri um
flesta þætti nýs samnings ef launin
væru undanskilin. Hann tók fram að
það samkomulag byggðist á því að
samkomulag næðist einnig um laun-
in. Hann kvaðst ekki treysta sér til
að spá fyrir um hvort niðurstaða
fengist á samningafundi í dag. Enn
væri talsvert bil á milli samnings-
aðila.
Samninganefndir VMSÍ og Sam-
taka atvinnulífsins hittust á stuttum
fundi hjá ríkissáttasemjara í gær.
Fundurinn var tíðindalaus að sögn
Björns Grétar Sveinssonar, for-
manns VMSI og sagði hann að ekki
væri grundvöllur til viðræðna að
óbreyttum forsendum. Nýr fundur
hefði ekki verið boðaður. Það væri í
höndum ríkissáttasemjara að meta
hvenær tilefni væri til að boða fund.
Sátu föst á
Möðrudals-
öræfum
TUTTUGU og þremur vai'
bjargað úr fjórum bílum eftir
að þeir festust á Þrívörðuhálsi á
Möðrudalsöræfum í fyrra-
kvöld. Björgunarsveitarmenn
af Jökuldal og frá Egilsstöðum
lögðu af stað til hjálpar fólkinu
um klukkan 20 á tveimur jepp-
um og snjóbíll lagði af stað
klukkutíma síðar.
Ferð björgunarsveitanna
gekk fremur hægt þar sem
stöðugt kófaði inn á bílana.
Voru þeir komnir með fólkið að
Skjöldólfsstöðum um klukkan
hálffimm í gærmorgun, og gisti
fólkið þar. I hópnum var meðal
annars skíðafólk frá Akureyri
og Olafsfirði á heimleið af móti í
Oddsskarði.
Einng var þar á ferð björg-
unarsveitarmaður af Jökuldal á
heimleið frá Akureyri og
stjórnaði hann björgunarað-
gerðum á vettvangi.
Bílarnir fjórir sem festust
voru allir skildir eftir á Möðru-
dalsöræfum.
Fjármála-
ráðherra
Milljón verð-
mætari í Af-
ríkii en hér
GEIR H. Haarde fjármálaráð-
herra segir að sú ákvörðun rík-
isstjórnarinnar að leggja eina
milljón til hjálparstarfs í Mos-
ambík hafi byggst á tillögu frá
utanríkisráðherra. Ekki náðist
í utanríkisráðherra í gær, en
hann er staddur í Rússlandi.
Geir sagði að þessi upphæð
væri sambærileg við það sem
ríkisstjómin hefði veitt til
hjálparstarfs þegar neyðar-
ástand hefði skapast. Hann
sagði að þótt okkur þætti þetta
ekki há upphæð yrðu menn að
hafa í huga að hægt væri að
gera miklu meira fyrir eina
milljón í Afríku en hér á landi.
Játaði að
hafa rænt
pítsusendil
ÁTJÁN ára piltur hefur viður-
kennt við yfirheyrslur hjá lög-
reglunni í Reykjavík að hafa
ráðist á pítsusendil í Álftamýri
sl. föstudagskvöld, tekið af hon-
um pítsuna og eitt þúsund kr. í
peningum.
Nokkur ungmenni höfðu ver-
ið í samkvæmi í húsinu og hafði
eitt þeirra pantað pítsuna. I
stað þess að greiða fyrir hana
brá eitt þeirra á það ráð að taka
hana af sendlinum með valdi.
Ræninginn var handtekinn
nokkru síðar og viðurkenndi
hann verknaðinn. Sendilinn
sakaði ekki.
Kviknaði í
út frá kerti
FJÓRIR voru fluttir á Sjúkra-
hús Reykjavíkur vegna gruns
um reykeitrun eftir að eldur
kviknaði í húsi við Sogaveg á
laugardagskvöld.
Eldsupptök vora þau að
sprittkerti sem stóð á sjónvar-
pstæki brann niður með þeim
afleiðingum að kviknaði í sjón-
varpinu og nokkrar skemmdir
hlutust af sökum reyks.
Þegar Slökkvilið Reykjavík-
ur kom á vettvang hafði þegar
tekist að slökkva eldinn.