Morgunblaðið - 14.06.2000, Blaðsíða 42

42 MIÐVIKUDAGUR 14. JÚNÍ 2000
MORGUNBLAÐIÐ
MORGUNBLAÐIÐ
MIÐVIKUDAGUR 14. JÚNÍ 2000 43
STOFNAÐ 1913
Útgefandi: Arvakur hf., Reykjavík.
Framkvœmdastjóri: Hallgrímur B. Geirsson.
Ritstjórar: Matthías Johannessen,
Styrmir Gunnarsson.
FJÁRMÁLAFYRIRTÆKI
OG NETIÐ
s
nýrri skýrslu hins heimskunna
bandaríska fjármálafyrirtækis
J.P. Morgan er því spáð, að mikill
vöxtur í bankaþjónustu á Netinu muni
þvinga bankastofnanir í Evrópu til
þess að ná niður rekstrarkostnaði, svo
að þær geti skilað viðunandi hagnaði.
Þótt í skýrslunni sé fyrst og fremst
fjallað um Evrópu er ljóst, að hið sama
hlýtur að eiga við í bankaþjónustu um
allan heim.
Raunar þarf enga sérfræðinga til að
sjá að Netið hentar mjög vel í banka-
viðskiptum. Islenzku bankarnir hafa
staðið sig vel í því að bjóða upp á
bankaviðskipti á Netinu og þótt aukn-
ing í notkun netbankanna hafi kannski
ekki orðið eins hröð og margir hafa
búizt við má gera ráð fyrir að sífellt
fleiri stundi bankaviðskipti sín á Net-
inu, einfaldlega vegna þess hversu
þægilegt og hagkvæmt það er.
Nú er hægt að stunda öll almenn
bankaviðskipti hér á Islandi á Netinu.
Hægt er að millifæra á milli reikninga,
borga reikninga og annað slíkt. Gera
má ráð fyrir, að innan tíðar verði al-
mennt hægt að óska eftir að allir al-
mennir reikningar verði sendir til fólks
á Netinu í stað þess að senda þá í pósti
og er þá átt við reikninga vegna síma,
rafmagns, hita, fasteignagjalda og
aðra slíka reikninga vegna fastra út-
gjalda heimila. Sú þjónusta er raunar í
boði nú í dag en er ekki orðin almenn.
Það liggur í augum uppi, að eftir því
sem þessi tegund bankaviðskipta fær-
ist í auknum mæli á Netið minnkar
þörfin fyrir starfsfólk í bönkunum til
að sjá um þessa þjónustu. Hins vegar
er það reynsla bankanna, að þörfin fyr-
ir persónulega fjármálaráðgjöf aukist
að sama skapi.
En jafnframt er ljóst, að auk al-
mennra bankaviðskipta eru verðbréfa-
viðskipti að færast yfir á Netið í stór-
auknum mæli. Sú þróun hefur verið
einna hröðust í Bandaríkjunum. í stað
þess að kaupa hlutabréf eða önnur
verðbréf með milligöngu verðbréfa-
miðlara geta einstaklingar og fyrir-
tæki stundað þessi viðskipti beint á
Netinu, að vísu á vettvangi verðbréfa-
fyrirtækjanna, en með rafrænum hætti
án beinnar milligöngu starfsmanna
þeirra.
Islenzku verðbréfafyrirtækin eru
byrjuð að bjóða upp á þessa þjónustu,
þannig að fólk geti keypt og selt hluta-
bréf og önnur verðbréf á Netinu með
sama hætti og það stundar bankavið-
skipti á Netinu. Varla leikur nokkur
vafi á því, að þessi viðskipti munu stór-
aukast.
Hið athyglisverða við þessa þróun er
ekki sízt það, að hún býður upp á mjög
hraða alþjóðavæðingu þessara við-
skipta. Þannig er engin þörf á því fyrir
einstaklinga hér á íslandi að notast við
milligöngu íslenzkra verðbréfafyrir-
tækja um kaup á t.d. hlutabréfum á er-
lendum mörkuðum. Fólk getur stund-
að þessi viðskipti sjálft á tölvunni
heima hjá sér.
Og með sama hætti og stærstu ís-
lenzku fyrirtækin hafa mörg hver flutt
bankaviðskipti sín að mestu leyti til
annarra landa, þar sem vextir eru
lægri en að vísu fyrir hendi ákveðin
gengisáhætta, má gera ráð fyrir að ein-
staklingar muni í vaxandi mæli eiga
kost á bankaviðskiptum í öðrum lönd-
um í gegnum Netið.
Það eru ekki mörg ár síðan talið var
að erlend samkeppni í bankaviðskipt-
um kæmi hingað í því formi að erlend-
ur banki setti hér upp útibú eða keypti
sig inn í íslenzkan banka. Það er ekki
lengur þörf á slíkum aðgerðum af hálfu
erlendra banka. Þeir þurfa ekki að
setja upp útibú hér með húsnæði og
starfsfólki. Þeir geta einfaldlega boðið
landsmönnum upp á bankaviðskipti
eða verðbréfaviðskipti á Netinu.
TÍMAMÓT í KÓREU
Heimsókn forseta Suður-Kóreu til
forseta Norður-Kóreu markar
mikil tímamót í sögu Kóreumanna. En
hún er einnig merkur áfangi á leið þjóða
heims til friðsamlegri sambúðar.
Stríðið á Kóreuskaga hafði ekki bara
áhrif og afleiðingar fyrir íbúa Kóreu.
Styrjaldarátökin höfðu áhrif um allan
heim. Þau áttu t.d. töluverðan þátt í að
sannfæra okkur íslendinga um nauðsyn
þess að gera varnarsamning við Banda-
ríkin.
Þegar saman fór valdarán kommún-
ista í nokkrum ríkjum Austur-Evrópu á
fyrstu árunum eftir heimsstyrjöldina
síðari og hernaðarátökin á Kóreuskaga
svo og valdataka kommúnista í Kína,
þarf engum að koma á óvart, þótt lýð-
ræðisríkin á Vesturlöndum teldu, að
allsherjarstríð væri í vændum af hálfu
hinna sósíalísku ríkja.
Styrjöldin í Kóreu var að því leyti sér-
stök, að hún var háð undir fánum Sam-
einuðu þjóðanna. Pólitísk mistök sovét-
manna urðu til þess að hersveitirnar,
sem að mestu leyti byggðust á banda-
rískum herafla, börðust undir fána SÞ.
Örlög Þjóðabandalagsisns voru mönnum
enn í fersku minni. Það stóð ekki til að
hin nýstofnuðu samtök Sameinuðu þjóð-
anna létu undan síga vegna ágengni ein-
ræðisherranna eins og Þjóðabandalagið
hafði gert.
Sjálfheldan í Kóreu hefur hins vegar
staðið miklu lengur en gera hefði mátt
ráð fyrir miðað við þróun mála annars
staðar á heimsbyggðinni. Norður-Kórea
hefur að verulegu leyti verið lokað land
og fólk jafnvel búið við hungursneyð.
A undanförnum árum hafa komið
fram vissar vísbendingar um að eitthvað
rofaði til. Heimsókn forseta Suður-Kór-
eu til Norður-Kóreu gæti hins vegar orð-
ið til þess, að ísinn yrði brotinn í sam-
skiptum þessara tveggja ríkja.
I augum umheimsins er Norður-Kór-
ea eitt þeirra ríkja, sem gæti hugsanlega
gripið til örþrifaráða. Hættan á eld-
flaugaárás frá Norður-Kóreu er ein af
ástæðunum fyrir því, að Bandaríkja-
menn leggja hart að bandamönnum sín-
um og Rússum, að þeir fallizt á háþróað
eldflaugavarnakerfí Bandaríkjanna, sem
að hluta til yrði starfrækt úti í geimnum.
Ef tekst að koma á vinsamlegri sam-
skiptum Kóreuríkjanna tveggja í fram-
haldi af heimsókn forseta Suður-Kóreu
til Norður-Kóreu eru það mikil tíðindi á
alþjóða vettvangi, skapar meira öryggi á
Kóreuskaganum og í Suðaustur-Asíu.
Uppbygging Vesturfarasetursins á Hofsósi hafin að nýju
með byggingu ættfræðiseturs og sýningaraðstöðu
Helstu fornleifarannsóknir sumarið 2000
Morgunblaðið/Helgi Bjarnason
Framkvæmdir við ættfræðisetrið eru langt komnar. Húsið stendur á árbakkanum, rétt innan við Vesturfarasetrið sem sést fjær á myndinni. í hús-
inu verður ættfræðimiðstöð, fræðimannsíbúð og sýningarsalur.
Mikilvægt að nýta
meðbyrinn
Tvær sýningar verða haldnar í sumar í
nýju húsi sem verið er að byggja við Vest-
*
urfarasetrið á Hofsósi. Aíorm eru um frek-
ari uppbyggingu, meðal annars hótels í
gamla þorpskjarnanum. Helgi Bjarnason
kynnti sér áformin.
Valgeir Þorvaldsson framkvæmdastjúri og Wincie Jóhannsson, ný-
ráðin menningar- og fræðslustjóri Vesturfaraseturins, hafa nóg að
gera við uppbyggingu safnsins og sýningarhald í sumar.
FRAMKVÆMDIR við
byggingu ættfræðiseturs
og sýningaraðstöðu við
Vesturfarasetrið á Hofs-
ósi eru langt komnar. Um helgina
var opnuð þar farandsýning frá
Nýja-Islandssafninu í Gimli og 3.
júlí verður húsið vígt með opnun
stórrar sýningar um ferðir íslend-
inga til Utah.
Framkvæmdirnai’ við ættfræði-
setrið voru ákveðnar í framhaldi af
samningi sem sjálfseignarstofnunin
Vesturfarasetrið gerði við ríkissjóð
um stuðning ríkisins við uppbygg-
ingu setursins. Valgeir Þorvaldsson
framkvæmdastjóri segir að með
samningnum haíi Vesturfarasetrið
formlega tekið að sér að vera þjón-
ustumiðstöð fyrir fólk af íslenskum
ættum í Vesturheimi og vinna að
vináttutengslum milli þjóðanna. I
því skyni mun fyrirtækið byggja
upp gamla þorpskjamann á Hofsósi
og standa þar fyrir ýmiskonar þjón-
ustu og afþreyingu. Ríkissjóður
leggur til þessa verkefnis 12 millj-
ónir kr. á ári í fimm ár, samtals 60
milljónir kr., og segir Valgeir að
stuðningurinn geri iyrirtækinu
kleift að ráðast í nauðsynlegar
framkvæmdir.
Ættfræðisetrið á lokastigi
Ættfræðisetrið er fyrsti liðurinn í
þessari fimm ára áætlun. Verið er
að byggja hús yfir það við höfnina,
rétt innan við aðalhús Vesturfara-
setursins. Húsið er 420 fermetrar
að gólfflatarmáli. I því er 120 fer-
metra fjölnotasalur sem Valgeir
segir að sé ætlaður til sýningahalds
og hvers konar menningarstarf-
semi. Ættfræðiþjónusta og skrif-
stofuhald sem nú er í aðalbygging-
unni flyst í ættfræðisetrið og uppi á
lofti verður bókasafn Vesturfaraset-
ursins. Þá verður fræðimannsíbúð í
nýja húsinu.
Ættfræðisetrið er byggt í göml-
um stfl, timburklætt með rennisúð á
þaki. Það er teiknað af Óla Jóhanni
Ásmundssyni sem einnig var
arkitekt að endurbyggingu gamla
kaupfélagshússins sem hýsir
V esturfarasetrið.
Framkvæmdir við nýja húsið era
langt komnar en ekki að fullu lokið
þótt þar sé nú búið að opna sýningu.
Farandsýning frá Nýja-Islands-
safninu í Gimli var opnuð í hluta
hússins síðastliðinn laugardag.
„Segja má að við séum að segja
seinni hluta sögunnar sem við erum
með í Vesturfarasetrinu. Þar erum
við með aðstæður hér heima og bú-
ferlaflutningana til Kanada. Með
nýju sýningunni kemur hins vegar
landnámið og sagan eftir að fólkið
hafði komið sér fyrir vestan hafs.
Það er spennandi að skoða þessar
sýningar saman,“ segir Valgeir.
Sýningin er tileinkuð Ollu Stefáns-
son sem dó fyrir skömmu en hún
var kona Stefáns Stefánssonar sem
heíúr unnið ötullega að varðveislu
minninga um sögu landnámsins.
Sýningin verður á Hofsósi fram í
miðjan ágúst en fer þá aftur vestur
um haf.
Fordómum eytt
Unnið er að undirbúningi annarr-
ar sýningar sem opnuð verður í nýja
húsinu síðar í sumar. Mánudaginn
3. júlí verður húsið vígt með opnun
sýningar um ferðir Islendinga til
Útah. Sýningin er sett upp í sam-
vinnu við íslendingafélagið í Utah,
þaðan koma margir áhugavei'ðir
munir að sögn Valgeirs. Arni Páll
Jóhannsson, hönnuður íslandsskál-
ans á heimssýningunni Expo 2000 í
Hannover, hannar sýninguna, eins
og sýninguna í Vesturfarasetrinu
sjálfu, og bindur Valgeir vonir við að
hún muni vekja mikla athygli. Ætl-
unin er að sýningin verði í fjölnota-
salnum næstu árin.
„Utah-sýningin verður sett sam-
an á annan hátt en sýning okkar í
Vesturfarasetrinu. Forsendumar
em aðrar því flestir sem þangað
fluttust fóm af trúarástæðum, vom
mormónatrúar, og hafa alla tíð þurft
að búa við ákveðna fordóma. Við
vinnum með íslendingafélaginu í
Utah að uppsetningunni og leitumst
við að segja söguna eins og afkom-
u.
endur innflytjendanna upplifa hana.
Markmiðið er auðvitað að segja sög-
ima eins og hún var en ég vona líka
að hún muni hjálpa til við að eyða
þeim leifum af fordómum sem enn
em hér á landi gagnvart þessu
fólki,“ segir Valgeir.
Kveðjustundin
sett á svið
Samgönguráðuneytið hefur
ákveðið að veita 4 milljónir kr. til
smíði bryggju framan við Vestur-
farasetrið. Bryggjan á að vera
staurabryggja í gömlum stíl, um 30
metra löng. „Hún á að vera hluti af
leikmyndinni. Hægt verður að leika
söguna, jafnvel kveðjustundina á
bryggjunni,“ segir Valgeir. Einnig
er hugmyndin að bryggjan geti nýst
fyrirtækjum í ferðaþjónustu, meðal
annars við að taka ferðafólk í sigl-
ingar.
Valgeir hafði áhuga á að láta
smíða bryggjuna í þessum mánuði
og timbrið í hana er komið á staðinn.
Þá kom í ljós að ákveðinni skipu-
lagsvinnu er ólokið og tefur það
verkið eitthvað. Vonast Valgeir þó
til þess að unnt verði að smíða
bryggjuna í sumar.
Mikil verkefni framundan
Wincie Jóhannsdóttir, fyrrver-
andi konrektor Menntaskólans við
Hamrahlíð, hefur verið ráðin menn-
ingar- og fraeðslustjóri Vesturfara-
setursins og tók til starfa um síð-
ustu mánaðamót. Hún á ameríska
móður en þau tengsl réðu ekki
mestu um áhuga hennar á Vestur-
farasetrinu. „Eg hef alltaf verið
hrifin af Hofsósi, alveg frá því ég
kom til íslands til að fai-a í mennta-
skóla. Þá fór ég með rútu til Siglu-
fjarðar og féll fyrir þessum stað
þegar farið var hér í gegn. Síðan hef
ég oft komið hingað og eftii’ að Vest-
urfarasetrið var stofnað skoðaði ég
það og kynntist Valgeiri. í fyrra-
sumar langaði mig út á land og þar
sem ég vissi að hér vantaði starfs-
fólk bauðst ég til að taka til hendinni
ef ég fengi húsaskjól," sagði Wincie
um tildrög þess að hún réð sig til
starfa hjá Vesturfarasetrinu. Sá
stutti tími sem hún var á Hofsósi í
fyrrasumar leiddi til þess að hún
ákvað að breyta tíl, þegar Valgeir
bauð henni fast starf í vor. „Það er
ekki seinna vænna að söðla um eftir
að hafa starfað við kennslu í 28 ár,“
segir hún.
Wincie óttast ekki verkefnaleysi.
Hún hefur störf þegar undirbúning-
ur tveggja sýninga stendur sem
hæst og þegar blaðamaður var á
ferð á Hofsósi voru þar 20 amerískir
rithöfundar af íslensku bergi brotn-
ir og þeim þurfti að sinna. „Mér
finnst mjög áhugavert að vinna að
eflingu þessara tengsla sem þó hafa
aukist síðan Vesturfarasetrið var
stofnað. Fólk hefur mikdnn áhuga á
að kynnast rótum sínum og sprot-
um, bæði íslendingar vestan hafs og
hér heima. Eg hef einnig áhuga á
þeim þætti ferðaþjónustunnar sem
á rætur í einhverju sem kemur okk-
ur við, sem byggir upp en eyðilegg-
ur ekki,“ segir Wincie.
Hún reiknar með að dvelja í
Reykjavík í vetur og vinna að verk-
efnum setursins þaðan. Valgeir er
með ákveðnar hugmyndir um næstu
skref en Wincie segir að ekki þýði
að leggja línumar um vetrarstarfið
fyrr en um hægist í haust. Hún seg-
ir þó að áhugi sé á að vera með skil-
virka þjónustu við skólana og sjálf
hefur hún áhuga á að koma á tengsl-
um milli skóla hér á landi og á ís-
lendingasvæðunum vestra. Líklega
kemur kennarinn þar upp í henni.
Þá þarf að rækta samband við fleiri
félög Islendinga vestan hafs og
koma upp gagnvirkri vefsíðu. Þá
segist Wincie reikna með töluverðri
vinnu við uppbyggingu ættfræði-
grunns þar sem áhersla verður lögð
á fólk af íslenskum ættum í Norður-
Ameríku en grunnurinn er sam-
starfsverkefni Genealogia Islandor-
um hf. og Vesturfarasetursins.
Norður-Dakóta
næst á dagskrá
Stefnt er að opnun sýningar um
ævi og störf Stephans G. Stephans-
sonar skálds næsta sumar. Sýning-
unni verður komið fyrir þar sem
skrifstofur og ættfræðimiðstöðin
eru nú en sú starfsemi flyst í húsið
sem nú er verið að reisa. Sýningin
verður sett upp í samvinnu við The
Stephan G. Stephansson Icelandic
Society í Markerville og Byggða-
safn Skagfirðinga. Rfldð mun verja
10 milljónum kr. sérstaklega til
uppsetningar sýningarinnar.
Valgeir hefur áhuga á að koma á
tengslum við íslendinga í Norður-
Dakóta með það í huga að vinna að
uppsetningu sýningar um ferðir fs-
lendinga þangað. Myndi verða
byggt sérstakt hús yfir þá sýningu.
Hugmyndin er að gera það í Pláss-
inu á Hofsósi, hinum megin ár, í ná-
grenni Pakkhússins. Fundist hefur
mynd af gamla konungsverslunar-
húsinu sem þar stóð og verður húsið
byggt upp í sem líkastri mynd.
Stefnt er að byggingu þess á næsta
ári.
„Við höfum áhuga á að vinna
þessi svæði eitt af öðru með þessum
hætti. Stuðla að rannsóknum fræði-
manna og áhugamanna hér heima
og úti og nýta afraksturinn til að
setja upp sýningar fyrir hvert
svæði. Með þessu móti veitum við
íslendingum og ferðafólki mögu-
leika til að skyggnast inn í líf frænda
okkar vestan hafs.
Hringnum lokað með hóteli
Áform Valgeirs ná lengra. Hann
stefnir að uppbyggingu hótels fyrir
60 manns í fjórum húsum sem
byggð verða í gömlum stíl á hæðinni
fyrir ofan Vesturfarasetrið. Hann
segir að þegar búið verður að setja
upp fleiri sýningar sé mikilvægt að
fólk geti dvalið á staðnum í nokkra
daga, skoðað sýningarnar og grúsk-
að í ættfræðinni, og nýtt sér jafn-
framt þá afþreyingu sem í boði er á
staðnum.
Vonast Valgeir til að unnt verði
að ljúka þessu verkefni á fimm ár-
um. „Mfldlvægt er að nýta þann
meðbyr sem þetta starf hefur nú.
íslendingar leggja mikið fé í land-
kynningu í Norður-Ameríku í tilefni
af landafundaafmælinu. Það vekur
athygli á landi og þjóð og hefur um
leið leitt til þess að áhugi hefur auk-
ist meðal íslendinga vestan hafs og
hér heima á að efla samskiptin,"
segir Valgeir Þorvaldsson.
Þiðriksvellir
©
Bjarneyjar ©
G Eiríksstaðir
Hjarðarbólsoddi
á Snæfellsnesi
@ Reykholt
Fifilbrekka
við Þjórsá
HofstaðirQ^ Grænavatn
^ Sveigakot
Q
Skriðuklaustur
Hólmur
ö
Kirkjubæjarklaustur
Fornleifauppgröftur að hefjast víða um land
Nokkrir aðilar standa
að fornleifauppgreftri í
sumar. Leitað verður
minja frá landnámi en
einnig verður leitað
miðaldaklausturs í
Fljótsdal og á Kirkju-
bæjarklaustri.
Fornle if astofnun
íslands er einkarekin
rannsóknastofnun sem
Adolf Friðriksson forn-
leifafræðingur veitir forstöðu.
Hann segir að stærsta verkefni
þeiiTa í sumar verði uppgröftm- á
vfldngaraldarbæ að Hofsstöðum í
Mývatnssveit.
„Þetta er stærsti uppgröftur
sumarsins. Alls munu 30-35 manns
vinna að uppgreftrinum, m.a. forn-
leifafræðingar frá Bandaríkjunum
og Bretlandi," segir Adolf. Forn-
leifastofnunin verður auk þess með
uppgröft í Sveigakoti, sunnan
Grænavatns í Mývatnssýslu, og
tekur þátt í fornleifauppgreftri í
Bjarneyjum á Breiðafirði sem Há-
skólinn í Þrándheimi stendur fyrir.
Hjá Þjóðminjasafninu fengust
þær upplýsingar að fornleifaupp-
gröftur á vegum safnsins yrði með
nokkuð minna móti í sumar en oft
áður. Fomleifauppgröftur í Reyk-
holti er langstærsta verkefni safns-
ins og haldið verður áfram með
rannsóknir á Eiríksstöðum í Dala-
sýslu. Safnið mun einnig standa fyr-
ir nokkrum „björgunaruppgreftr-
um“ en það kallast rannsóknir sem
eru gerðar þegar ástæða þykir til
fornleifarannsókna á stöðum þar
sem framkvæmdir eru fyrirhugað-
ar t.d. vegna vegalagningar eða
virkjunar.
Leitað að klaustrum
Steinunn Kristjánsdóttir forn-
leifafræðingur mun í sumar leita að
hinu forna Skriðuklaustri í Fljóts-
dal, en hún telur að klausturrúst-
imar gefi skýra mynd af húsaskip-
an klaustra og klausturstarfi á
miðöldum.
„Byrjað var að gefa Skriðu-
Merkar fornleifar fundust á siðasta ári við uppgröft við Hólni í Nesj-
um í Hornafirði, fyrsti blótstaður sem finnst hér á landi.
klaustri jarðir árið 1493 sem er
fyrsta heimild um klaustrið sem
lagðist af við siðaskiptin 1550.
Vegna þess hve klaustrið var starf-
rækt í skamman tíma hentar það
mjög vel til rannsókna því oft er erf-
itt að lesa úr rústum ef byggingarn-
ar hafa verið í notkun í nokkur
hundrað ár og jafnvel byggt aftur
og aftur ofan á rústirnar," segir
Steinunn og bætir við að varðveislu-
skilyrði séu afskaplega góð í Fljóts-
dal, m.a. vegna veðursældar, og því
séu góðar líkur til þess að uppgröft-
urinn skili merkilegum niður-
stöðum.
Bjarni F. Einarsson fornleifa-
fræðingur er eigandi og jafnframt
eini fastráðni starfsmaður Forn-
leifafræðistofunnar, sem þó stend-
ur fyrir talsverðum fornleifaupp-
greftri í sumar í samvinnu við
nokkra aðila. Bjarni segist vera
með mörg verkefni í gangi. „Á
Kirkjubæjarklaustri ætlum við að
reyna að finna klaustrið sem er
meira eða minna týnt. Við ætlum að
rýna í aldur og aðstæður og hvernig
áfok hefur farið með umhverfið.
Þetta er í raun umhverfis- og forn-
leifarannsókn."
Eina blóthúsið sem til er
í Laxárdal í Nesjum, skammt frá
Höfn í Hornafirði, mun Bjami halda
áfram rannsóknum á landnámsbýli
sem hann nefnir Hólm en þar telur
hann sig hafa fundið eina blóthúsið
sem til er. „Eg er sannfærður um að
þetta sé blóthús þó svo kollegar
mínir og ágætu vinir séu það ekki
og muni aldrei verða. Það liggur í
hlutarins eðli að þegar menn segj-
ast loksins finna blóthús þá mun
það undir öllum kringumstæðum
verða umdeilt," segir Bjarni.
Bjarni er með fleiri verkefni á
döfinni í sumar, m.a. við eyðibýlið
Fífilbrekku við Þjórsá og Naust á
Hjarðarbólsodda á Snæfellsnesi.
Uppgröftur á vík-
ingaraldarbæ
stærsta verkefnið