Morgunblaðið - 26.11.2000, Blaðsíða 46

46 SUNNUDAGUR 26. NÓVEMBER 2000
■*---------------------------
MORGUNBLAÐIÐ
Dýraglens
Grettir
KLIKK, KLIKK,
KLIKK, KLIKK,
KLIKK, KLIKK,
KLIKK, KLIKK
Hundalíf
Ljóska
Ferdinand
Smáfólk
IT WA5 COLP LA5T NIGHT...
l'LL BET ANVTHIN6 MY
UJATER PI5H 15 FROZEN..
Það var svo kalt i gærkvcldi.
Ég skal veðja liverju sem er
að vatnið í dallinum mínum
er frosið.
á svellslíparanum.
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Askorun til mennta-
málaráðherra
Frá Hjálmari Jóhannessyni:
HVERNIG getur einn ráðherra í rík-
isstjóm Davíðs Oddssonar ákveðið að
nú sé nóg komið, nú verði eitthvað að
gera, staðið upp og gert það? Pað
sem ég á við er, að í sl. viku var
dómsmálaráðherra, Sólveigu Péturs-
dóttur, svo nóg boðið vegna síendur-
tekinna árása á sig og dómskerflð að
hún stóð upp á Alþingi og flutti
frumvarp þar sem hún fór fram á og
ætlast til að fá töluvert mikla peninga
úr ríkissjóði til að standa undir lög-
gæslu og eftirvinnu lögreglumanna í
sambandi við rannsóknir á neyslu eit-
urlyfja og innflutning á þeim. Það er
líklegt að hún fái þetta og finnst mér
það vel.
A móti skil ég ekki hvemig stendur
á því að þú, sem menntamálaráðherra,
sem berð hag kennara fyrir brjósti og
hefur margoft haldið því fram bæði í
ræðu og riti að það verði að hækka
laun kennara umtalsvert, skulir ekki
tala máli okkar í ríkisstjórninni. Til
hvers er menntamálaráðherra ef hann
getur skotið sér undan skyldum sín-
um og læðst með veggjum og látið
sem sér komi þetta ekki við? Þú ert að
opna hverja „menningarmiðstöðina" á
fætur annarri og yfirleitt að gera eitt-
hvað allt annað en að hugsa um ung-
dóminn í landinu. Þetta skil ég ekki.
Eins er að á meðan þú ert að opna
þessar „menningarmiðstöðvar“, sem
eru reyndar sín úr hverri áttinni,
hvemig ætlar þú að manna þær í
framtíðinni, hvar ætlarðu að fá fólk til
að vinna á þessum stöðum, ómenntað
og alls ófært, að sinna svona „ílókn-
um“ störfum ef við kennarar fáum
ekki tækifæri til að mennta þessa
nemendur?
Margir kennarar sitja núna og bíða
eftir því hvernig um semst í þessum
samningum og verði það ekki vem-
legt em þeir famir til annarra starfa
og hvað ætla stjórnvöld að gera þá,
kennaralaus og eins og hefur sýnt sig
á undangengnum áram, að það er að
verða stöðugt erfiðara að manna
skólana - leiðbeinendur em lausnin,
en hvemig fer sú menntun að lokum?
Gjaldþrota stefna sem skilar stöðugt
verri og verri nemendum út á vinnu-
markaðinn og svo sitjum við uppi
með ólátalýð sem á ekki heima í
skóla, ekkert er fyrir að gera annað
en að „dópa og drekka" og við töpum
mörgum Einsteinum og Bohram sem
munu aldrei vita að þeir vora framtíð
þessa lands - þeir sem áttu að verða
framtíðarkennarar hins uppvaxandi
æskulýðs í landinu.
Bjöm minn, taktu nú saman pjönk-
ur þínar og „og girtu þig megingjörð-
um“ og skeiðaðu upp í stjórnarráð og
segðu þeim þar, að þú gerir þig ekki
ánægðan með minna en 1 milljarð til
menntamála og það ekki seinna en
strax, því framtíð íslands sé í hættu.
Þetta er skylda þín og taktu nú hana
Sólveigu Pétursdóttur þér til fyrir-
myndar, sem er að berjast við afleið-
ingar, en við eram að berjast við or-
sakir - fyrirbyggja að fleiri af
æskulýð landsins lendi í þeim fula
forarpytti sem eiturlyfjaneysla er.
HJÁLMAR JÓHANNESSON
rafiðnaðarkennari og
trúnaðarmaður hjá
Verkmenntaskóla Austurlands.
Hvert er fíflið?
Frá Jóni Oira Guðjónssyni:
MIKILL fjöldi blaðagreina birtist í
íslenskum dagblöðum. Menn greinir
á, sumt er skynsamlegt, annað ekki,
en í flestar þessar greinar er lögð
vinna og metnaður. En alltaf kemur
ein og ein grein sem er ekkert annað
en sorp, sóun á pappír. Ein slík grein
undir merkjum „erlendra tíðinda"
birtist einmitt í DV þann 4. nóvem-
ber siðastliðinn. Þar sér Jón nokkur
Ólafsson ástæðu til að láta fúkyrða-
flauminn dynja á forsetaframbjóð-
anda repúblikana í Bandaríkjunum,
George W. Bush. Grein þessi er í
besta falli hlægileg og í versta falli
sorgleg. Ekki af því að föstum skot-
um sé skotið á Bush heldur vegna
vanmáttar höfundar að vera mál-
efnalegur eða bjóða upp á eitthvað
annað en argasta dónaskap.
Jón kemst að þeirri niðurstöðu að
Bush sé fífl og algerlega vanhæfur til
að gegna embætti forseta. Hann
kunni ekki að fara með móðurmálið
og geri sig sekan um þann hroðalega
glæp að mismæla sig stöku sinnum.
Hann sýni af sér „ótrúlega fáfræði
um menn og málefni" og málflutn-
ingur hans sé óljós. Að lokum klykk-
ir Jón út með að saka Bush um
heimsku, fáfræði og málglöp.
Hvað er maðurinn að fara? Óþarfi
er að svara þessu í mörgum orðum
en ég ætla að benda á nokkur atriði.
Bush er vel gefinn maður sem á að-
velt með að vinna með fólki. Hann er
mjög vel menntaður og er ágætis
námsmaður með bachelorgráðu í
sagnfræði frá Yale-háskóla og mast-
ers-gráðu í viðskiptastjómun frá
Harvard Business School. Bush hef-
ur rekið eigið olíufyrirtæki auk þess
að hafa verið einn af eigendum og
framkvæmdastjóri Texas Rangers-
hafnaboltaliðsins. Hann hefur síðan
1994 gegnt embætti ríkisstjóra Tex-
as með góðum árangri. í því embætti
hefur hann einmitt sýnt hæfni sína
til að sætta ólík sjónarmið og fá and-
stæðar fylkingar til að vinna saman.
Þegar menn eru farnir að gagn-
rýna fólk fyrir að mismæla sig stöku
sinnum era þeir komnir inn á vafa-
sama braut. Ég persónulega mis-
mæli mig stundum en er ég þar með
orðinn að hálfvita og fífli?
Bush hefur sett fram stefnu sína á
skýran hátt og fremur hefur það ver-
ið andstæðingur hans í kosningabar-
áttunni, demókratinn A1 Gore, sem
hefur gert sig sekan um óljósan og
loðinn málflutning. Bush hefur sýnt
það undanfarnar vikur að hann kem-
ur til dyranna eins og hann er klædd-
ur með skýra stefnu sem greinilega
fellur Bandaríkjamönnum í geð.
Það sér hver maður sem lítur hlut-
lægt á málið að George W. Bush er
ekki fífl, en eftir lestur greinar Jóns
Ólafssonar hlýtur maður á hinn bog-
inn að spyrja sig hvert sé fíflið.
JÓN ORRIGUÐJÓNSSON,
nemandi í MA.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkjá þetta, ef ekki fylgir fyrirvari hér að lútandi.