Gefn - 01.01.1872, Side 36

38
komið flokkar, kyn ogtegundir. Grundvallarhugmyndin hér
er aptur sú, að allt afkvæmi sé lítið eitt frá brugðið for-
eldrunum, svo þó ekki undir eins sé um neinn verulegan
mismun að tala, þá fari svo á endanum, að eptir marga
liði komi fram ný tegund, með því breytíngarnar hafi farið
smátt og smátt vaxandi. Mörgumhefir þókt þetta óguðlegt
— það hafa náttúrlega verið guðfræðíngarnir sem mest hafa
hneykslast á þessu, þó þeir raunar ekki geti annað en sí og
æ stagast á »bihlíunni« — »með því hér af hlyti að leiða,
að mennirnir sé komnir af öpum«, eins og þetta hafi ekki
laungu fyr opt verið sagt? eins og ekkert sé verra til en
dýrin? eins og verra sé að vera skyldur öpum en þjófum og
morðíngjum? — og allskonar aðsúgur hefir verið gerður að
Darwin af .þessum mönnum, sem allstaðar eru sjálfum sér
líkir. þeir hafa sagt að þeir gæti ekki orðið ódauðlegir
fyrir Darwin, hann truflaði alla trúna, og svo framvegis —
þarsem verulega stórbrotin skoðun á allsherjarlífinu, eins og
hún verður eptir kenníngu Darwins, hvorki þarf að raska
trú né ódauðleika sálarinnar. Enar nýjustu rannsóknir hafa
myndað lífsskoðanina þannig, að sjórinn er eiginlega sköp-
unarbeður frumlífsins, og það er orðið til af fjarskalegri
þrýstíngu sjáfardjúpsins sameinaðri hita og segulmagni; hér
með er nú raunar gert ráð fyrir »kviknan« — en með öðru
móti en því sem áður var um getið; áður meintum vér til
dýra og jurta í heilu líki eða að minnsta kosti svo sem
egg eðafræ; hér erfrummynd lifsins eins og slím eða glæta,
sem finnst sumstaðar á mararbotni og nefnist af fræðimönnum
Bathybius eður Djúplífur; þykir mönnum líklegt, sem þessi
glæta sé frumlífið í þess allraeinföldustu mynd og þar af
myudist eu lægstu sædýr og sæjurtir og af þeim aptur enar
æðri og æðri myndir, þáugað til það loksins verður að mann-
legu ágæti og jurtarlegum blóma. það er svo lángt fráþví,
að oss finnist þessi hugmynd óguðleg, að hún er þvert á
móti svo tignarleg sem hugsast getur. Prummynd alls lífs,
hvort það er heldur dýrslegt eða jurtarlegt, er öldúngis eins;