Árbók Hins íslenzka fornleifafélags - 01.01.1899, Qupperneq 34
34
vel sýndar. Hin myndin er Spes (Vonin); hún stendur við stórt
atkeri og fórnar höndum; í klæðaburði líkist hún hinni, þótt litir
séu með öðrum hætti. Yfir myndunum eru blaðagreinir en und-
ir þeim nöfnin FIDES og SPES. Næst þessum myndum, í miðj-
um efsta reit, er fljúgandi engill í heilu liki með básúnu í hægri
hendi og blásandi í hana en langa (pálmaviðar-) grein í vinstri;
hann er í kirtli með stuttermum; fyrir ofan hann standa orðin:
Virtútes Sectare (iðka þú dygðir). Yzt til hægri handar standa
tvær myndir saman og undir þeim nöfnin: CHARITAS (Kærleik-
urinn) og PIETAS (Guðhræðslan); hin fyrnefnda heldur á tveim
börnum, sinu á hvorum handlegg og heldur annað þeirra um
háls myndarinnar, en hitt leggur hægri höndina á brjóst hennar,
hin myndin heldur í annari hendi á stóru (nægta ) horni með
blómum upp úr, í vinstri hendi hefir hún hjarta og er sem leggi
loga af. Búningur þessara mynda er líkur hinum fyrgreindu en
litir og klæðafellingar nokkuð frábrugðin. Miðreit ábreiðunnar
er einnig þrískift; í honum miðjum er skrauthiið mikið í hring-
bogastíl með súlum til beggja hliða, á þeim er talsvert verk upp
fyrir miðju, þar endar það í blaðakrans og eru súlurnar úr því
sivalar og sléttar og fara mjókkandi eftir því sem ofar dregur;
efst eru stór súluhöfuð, eigi ólík súluhöfuðum í korinþiskum stíl.
Yfir hliðinu eru blóm og blaðagreinir. Inni í hliðinu sér á tjöld
með haglega gerðum fellingum, miðtjaldið er gult með miklu
kögri en hliðartjöldin rauð, svæðið þar niður undan er alsett
stjörnum. í hliðinu standa 3 myndir: karlmaður í miðið ber-
höfðaður með sítt hár, i rauðum kirtli hlaðbúnum að neðan og
um háls og ermar, með belti um sig, hann er f knébrókum og
hosum knéháum með niðurbrotnar fitjar; um sig hefir hann sveip-
að nokkurs konar yfirhöfn og upp um hægri öxl. Undir mynd-
inni stendur nafnið Tobias. Honum til vinstri handar stendur
kona, líkt klædd og hiuar íyrnefndu, og þar undir nafnið Sara en
til hægri handar við hann engill með útþöndura vængjum f skó-
sfðum kvenkirtli og öðrum stuttum yztum klæða, með belti um
sig; undir myndinni stendur nafnið Raphael (Sbr. Tobiasarbók
11. og 12. kap.). Tilbeggja hliða við þetta skrauthlið eru önnur
minni súlnahlið; í hliðinu vinstra megin á myndinni stendur kona
með krosslagðar hendur á brjósti og lamb við hlið sér; undir
stendur orðið MANSVETUDO (Hógværð); i hliðinu til hægri hand-
ar stendur einnig kona með litið sveinbarn við hlið sér í gulum
stakki með kringlóttri höfuðsmátt og löngum ermum, i knébrók-
um og hosum með uppháa skó; sveinninn heldur að sér höndum