Tímarit Hins íslenzka bókmentafélags - 01.04.1883, Síða 17

99
getr þess og, að áðr enn Loptr kvongaðist, hafi hann
haldið (sinn einka hofgarð’ á Möðruvöllum í Eyafirði
með stúlku nokkurri, þremenningi sínum að frændsemi,
er Kristín Oddsdóttir hét, og hafi hann síðan gift hana
Höskuldi nokkrum, einum sveina sinna, er átt hafi 2
hundruð hundraða6. Svo er enn sagt, að Loptr hafi
gert Kristínu kost á að kjósa sér bónda og hafi hún þá
kjörið Höskuld þenna, og hafi þá Loptr sagt við hana:
„Kjörvillt varstu, Kristín; eg meinta þú myndir mig
kjósa“, og er það siðan að orðtaki haft. Jón Gizurar-
son getr þess og, að Loptr kvæði til Kristínar marg-
ar vísur með allra handa bragarháttum (Háttalykill,
sem svo er nefndr), er fundizt hafi á honum dauðum
í treyuermi hans. Hann minnist og auðœfa Lopts í
fasteignum, og að hann hafi að sögn jafnlega riðið
meðal búa sinna með tuttugu sveina7. Björn Jónsson
getr þess, að Loptr hafi átt áttatíu stórgarða, en dáið
í slœmu koti (B. J. Ann., við ár 1436). Flestar þess-
6) Björn Jónsson (Ann., við ár 1436) segir. að Loptr hinn
ríki hafi haldið mjög frekt við Kristínu að konu sinni lifandi,
en Jón Pétrson ætlar, að svo muni trautt hafa verið, og leiðir
rök til, að þau Loptr og Kristín muni ekki hafa verið þre-
menningar, þar eð byskupar myndi þá eigi hafa látið barn-
eignir þeirra óátaldar, en til þess finnst enginn vottr, að þeir
hafi gert það, (B. B. Sm. æf. I, I, 159. bls.: J. P. 1. ath. gr.).
Að Kristín Oddsdóttir hafi eyfirzk verið, má ráða af því, að
hún seldi Arnfinni þorsteinssyni (Byólfssonar) erfða hlut sinn
í Hóli í Svarfaðardal 1388 (J. P. s. ath. gr.). Höskuldr, bóndi
Kristínar, gæti verið sá Höskuldr Hallsson, frændi Halldórs
prests Loptssonar, er hann getr í sálugjafarbréfi sínu (J. P.
Tfmar. IV, 79). I sumum ættartölum segir, að þau Hösk-
uldr og Kristín hafi búið að Ulfá í Eyafjarðardal.
7) J. G. Ritgerð í Safni t. s. Isl. I, 671—672.
Tímarit hins íslenzka bókmentafélags. II.
7