Áramót - 01.03.1906, Page 12

i6
anum, sem skyldugt er að þakka fyrir; en fyrir því,
sem þeim hefir verið veitt úr kirkjufélagssjóði, er gjörð
grein í skýrslu þeirri, sem féhirðir leggr fram á þing-
inu. Einhverjir af íslenzku námsmönnunum, sem nú
ganga á Wesley í Winnipeg og Gustavus Adolphus í
St. Peter, hugsa vist til þess að búa sig síðar undir
prestsembætti í sambandi við kirkjufélag vort, en því
miðr munu þeir mjög fáir og þess enn langt að bíða, að
þeir geti gengið í kennimannsstöðuna.
Frá því var skýrt á kirkjuþingi í fyrra, að skóla-
málsnefnd sunnanmanna í kirkjufélaginu hefði ráðið í
íslenzkukennaraembættið við Gustavus Adolphus College
hr. Magnús Magnússon, B. A. frá háskólanum í Cam-
bridge á Englandi. Og kom hann austan um haf að á-
liðnu sumri og tók við embættinu við byrjan síðasta
skólaárs. En jafnframt íslenzkunni hefir hann þar í
skólanum, eins og til var ætlazt, kennt í öðrum náms-
greinum. Frá starfsemi hans og væntanlegum árangri
af henni fyrir þjóðflokk vorn og kirkjufélagið íslenzka
mun hlutaðeigandi skólanefnd nákvæmlega skýra hér á
þinginu. En velkominn hingað vestr til samvinnu með
oss að menningarframförum Vestr-íslendinga segjum
vér hann að sjálfsögðu allir og óskum honum hlessunar
drottins.
Að því er snertir kennaraembættið íslenzka við
Wesley College í Winnipeg, sem séra Friðrik J. Berg-
mann eins cg áðr hefir haft á hendi, þá endrtek eg það
nú, sem eg hvað eftir annað hefi haldið fram á kirkju-
þingum liðinna ára, en aldrei hefir að neinu verið sinnt,
að samningar þeir, sem skólanefnd vor norðr frá hefir
gjört við þá menntastofnan, eru í fjárhagslegu tilliti