Ársrit Hins íslenska fræðafjelags í Kaupmannahöfn - 01.01.1918, Side 72

72
Frá írlandi
konungi. Hann fór því ásamt Strongbow með 5000 her-
manna til Dyflinnar og rjeðst þegar á borgina. Bæjarmenn
óttuðust að þeir mundu verða höggnir niður svo sem
bæjarmenn í Veðrafirði, og sendu Laurentius O’Toole
erkibiskup sinn, ágætan mann, til þess að semja um upp-
gjöf. Var þá sett vopnahlje til þess að semja um frið,
en á meðan á samningum stóð, brutust tveir af höfðingj-
um Englendinga með óaldarflokk inn í borgina og rjeðust
á bæjarmenn, þótt þeir veittu enga mótstöðu, og hjuggu,
þá miskunarlaust niður. En Höskuldur konungur komst
með mestan hluta liðs síns á skip og flýði til Skotlands-
eyja. Á þennan hátt náðu þeir Dermót Dyflinni á sitt
vald 1170, en því næst rjeðst hann með ránum inn 6
Meath, og ljet þá Roðrekur konungur taka af lífi gisla þá,
sem hann hafði selt honum.
Vorið eftir dó Dermót í Ferns, og hafði hann verið'
Irlandi hinn versti landráðamaður. Begar eftir fráfall hans
lýsti Strongbow því yfir, að hann væri konungur í Lein-
ster.
Pá er sigurvinningar Strongbows spurðust til Eng-
lands, þóttu þeir mikil tíðindi, en Hinrik konungur óttaðist
að hann mundi gerast konungur á írlandi. Hann ritaði
því Strongbow brjef og bannaði honum að eiga meira
við mál manna á Irlandi. Einnig tók hann nú sjálfur að
búa út her til Irlands, en á meðan þessu fór fram, var
þar sífeldur ófriður og veitti ýmsum betur. Höskuldur
konungur kom enn á ný með herlið og settist um Dyflinn,
en var hertekinn og drepinn og lið hans beið ósigur.
Laurentius erkibiskup fekk þá sameinað höfðingja íra og
komu þeir með mikið lið og settust um Dyflinn undir
forustu Roðreks stórkonungs. Hann var ónýtur hershöfð-
ingi; ætlaði hann að svelta setuliðið enska í borginni, en
er að því tók að þrengja, gerði það áhlaup úr borginni
er minst varði; kom það Irum svo á óvart, að þeir vissu eigii