Ársrit Hins íslenska fræðafjelags í Kaupmannahöfn - 01.01.1918, Page 119

Norðurlönd
»9
En stríðið ætti að hafa gert öllum þeim mönnum
Ijóst, sem heilbrigða skynsemi hafa, að engir menn eru
-óþarfari mannkyninu en þeir, sem vekja hatur á milli
þjóðanna og ala á því, í stað þess að efla samúð og vin-
áttu. Slíka menn ætti eiginlega í hverju landi sem er að
binda á bás rjett eins og kálfa, og láta þá bíða þar betri
tíma, Þessir vesælu menn skilja ekki hvað þeir eru að
gera. —
Svíar eru mesta þjóðin á Norðurlöndum, dálítið fleiri
en hinar allar til samans að íslendingum og Færeyingum
meðtöldum. feir eru nú fremstir í því aö vekja samúð
og samvinnu á milli allra Norðurlanda. Einn þeirra hefur
í fyrra stungið uppá því, að öll Norðurlönd gerðu
samband sín á milli til sameiginlegra andlegra og
efnalegra framfara, og til þess að halda uppi sameiginlegu
hlutleysi og sameiginlegri vörn. í þessu ríkjasambandi
ætlast Svíinn til að ísland sje fjórða landið, og samband
þetta vill hann kalla »Skandinaviens förenta stater«
{Hin sameinuðu ríki Skandínavíu, eða Bandaríki Skand-
ínavíu).
í hinni skandinavisku sambandsstjórn sje einn af kon-
ungum Norðurlanda og stjórnarráð með honum.
Ríkisþingin fjögur, ríkisdagur Svía, ríkisdagur Dana,
stórþing Norðmanna og alþingi Islendinga velji konung til
fimm ára á meðal konunga Norðurlanda. Ef enginn þeirra
fær meiri hluta, sje elsti konungurinn valinn.
Konungur hinna sameinuðu ríkja heiti »president i
Skandinaviens förenta staterc.
Stjórnarráð ríkjanna sje skipað stjórnarforseta í hverju
landi og einum ráðherra. Fyrir ísland sje einn ráðherra,
er hafi aðsetur í Kaupmannahöfn.
Sameiginlegur fáni sje fyrir hin sameinuðu ríki Skand-
ínavíu, en hvert þeirra hafi og sinn eiginn þjóðarfána.
Sænskur listamaður, Carl Milles, hefur stungið uppá því,