Dagblaðið Vísir - DV - 22.12.1984, Blaðsíða 6

50
DV. LAUGARDAGUR 22. DESEMBER1984
Jólahugleiding biskups íslands, herra Péturs Sigurgeirssonar:
Hér er Jesús
Kristur fœddur
I hönd fer hátíð, sem felur í sér meiri frið og
fögnuð en nokkur önnur stund ársins „heims
umból.”
Lífið er stundum undarleg þversögn í allri til-
breytni sinni og raunveruleik. Það var Stefán
G. Stefánsson, sem orti um fæðingu sveinsins í
Betlehem:
Svo lítil frétt var fæðing hans
í f járhúsjötu hirðingjans,
að dag og ártal enginn reit,
um aldur hans ei nokkur veit.
Þegar þetta Herrans ár 1984 er að renna
skeið sitt á enda höldum við jól. — Um allan
heim er nú haldin fæðingarhátíð þessa svein-
barns, sem forðum fæddist í afkimum Róma-
veldis, fjarri allri vitund, reisn og mikilleik,
sem heimurinn heyrir til. —
I dag stendur Agústusarhofiö á Italíu autt og
yfirgefið, hásæti mannsins, sem með veldis-
sprota sínum réð yfir heimsbyggðinni og allir
i litu upp til. — Rómverskir þegnar voru skrá-
settir til þess að standa skil á sköttum og vera
skyldaðir í herþjónustu.
I dag skráir kristin heimsbyggð sig í orði og
verki konungi konunganna, syninum sem fá-
tæk móðir fæddi „vafði hann reifum og lagði
hann í jötu, af því að eigi var rúm handa þeim í
gistihúsi.” (Lúk. 2:7)
„Þú átt, þú áttaðlifa
öll ár og tákn það skrifa”
yrkir séra Matthías í ættjarðarsálmi sínum:
„Upp þúsund ára þjóð.” Þessi vitnisburður
sannast betur á Jesú frá Nasaret en nokkrum
öðrum manni, sem fæðst hefir.
Jesús sagði: „Hvar sem tveir eða þrír eru
saman komnir í mínu nafni, þar er ég mitt á
meðal þeirra.” (Matth. 18:20) Jólin taka af öll
tvímæli um sannleiksgildi þessara orða. Þau
staðfesta fagnaðarerindi hans og lífsferil. —
Líf Jesú, dauði og upprisa kristallast í hinni
sönnu fæðingarhátíð jólanna, geisladýrð,
stjörnuskini og töfraljóma. — Sérhver stjarna
talar um komu Jesú á jörðina og sérhvert
hjarta, sem lofsyngur hann, ber honum vitni,
;ekki aðeins hinni sögulegu persónu heldur hin-
um lifandi Drottni. Jesús kom í þennan heim.
„. .. þar sem ég mitt á meðal þeirra,” —
m.ö.o., „þar er ég fæddur.” — Fæðing Jesú í
mannsins hjarta gerir jólin jól. — Játning
kirkjunnar á þessum jólum, sem öllum öörum,
„hvar sem tveir eða þrír” eru saman komnir í
Jesú nafni er þessi: Hér er Jesús Kristur fædd-
ur. Megi hátíð ljóss og friðar verða hverju
barni Islands GLEÐILEG JOL.
Pétur Sigurgeirsson.
I