Dagblaðið Vísir - DV - 15.06.1985, Blaðsíða 16

Dagblaðið Vísir - DV - 15.06.1985, Blaðsíða 16
16 DV. LAUGARDAGUR15. JUNl 1985 AðhaL A me 17. JUNI A ARI ÆSKUNNAR A ótrúlega skömmum tíma hefur Island breyst úr fátæku landi með fábreytta atvinnuhætti í velferðarþjóðfélag. Þessi breyting er verk margra þjóðhollra aíla. Samvinnumenn eru stoltir af að hafa átt nokkurn þátt í þessari breytingu. A þjóðhátíðardegi á ári æskunnar senda samvinnumenn æskufólki sem og öðrum landsmönnum þjóðhátíðarkveðjur. f SAMBAND ÍSLENSKRA SAMVINNUFÉLAGA Eg skil ekki af hverju flestir félagar mínir eru svona hissa á þvi aö ég skuli hafa farið á Leikinn. Eg sem hef séö Bayern MUnchen og HSV keppa í Ham- borg og Hamborgara vinna 2—1. Rummenigge eldri lék hér um bil síð- asta leik sinn fyrir Bæjara og Sören Lerby gat ekki neitt. Svo er ég líka í hinu virðulega Zico-vihafélagi ásamt kunnum lögf ræðingi hér i borg og við ætlum til Mexíkó '86. (Zico er besti fót- boltamaður i heimi, hvað sem hver segir. Hann er frá Brasiliu.) Við ætlum að fljúga út til New York og leita með logandi ljósi að Rambler '66, mála ut- an á hann slagorðið ZicoPals og keyra sem leið liggur suður eftir. Fylgja svo brasiliska landsliðinu eins og skugginn og taka þátt í gleðinni þegar Brassarn- ir verða heimsmeistarar. (Það er róg- ur og illmælgi að Brasilia sé á niöur- leiö. Zico er aftur kominn í liðið og far- innaöskora.) Hitt er svo annað mál að sjálfur hef ég aldrei stigið niður á knattspyrnu- völl, ekki siðan i gamla Mýrarhúsa- skólanum fyrir ævalöngu — ef kalla má flisalagt gólfiö þar knattspyrnuvöll sem ég ef ast um. En leikf imikennarinn okkar hét Hálfdán og bar nafnið með sóma; hann var alltaf hálf dán og nennti ekki að kenna okkur svo þaö var bara skipt í lið og spilaður fótbolti. Eg var með. Eg fer ekki nánar ut í þá sálma. Sælt er sameiginlegt skip- brot En þarna var ég semsé kominn á Leikinn. Strákarnir ætluðu að keppa á móti Spánverjum og gott ef ekki vinna. Eg ákvað að gera Strákunum ekki þann grikk að halda með þeim; öll lið sem ég held með tapa nefnilega. Eg byrjaði að fylgjast með fótbolta — í sjónvarpinu — þegar heimsmeistara- keppnin stóð yfir 74 og var ákafur stuðningsmaður Hollcndinga. Cruyff og strákamir gáfu tóninn með því að klúðra úrslitaleiknum. 1 Argenttnu 78 hélt ég samt áfram með Hollendingum en Rensenbrink stóð ekki undir þeim vonum sem ég batt við hann. Orlög Brassanna á Spáni eru svo aftur á móti þyngri en tárum taki. Meira að segja í ensku knattspyrnunni, sem ég nenni ekki að horf a á en les bara um í blöðun- um, er hið sama uppi á teningnum. Eg ákvað fyrir löngu að halda með Ulf un- um og nú féllu þeir með skömm niður í þríðjudeild. (Þetta á ekki bara við um fóltbolta; á hvaða sviði sem er tapa þeir sem ég held með. Þegar ég var með sögu Rómaveldis á heilanum og las Livius áður en ég fór að sofa og Gibbon í þynnku uppgötvaði ég einu sinni að all- ar mínar eftirlætispersónur voru of- látungar sem höfðu risið gegn Róm- verjum og fallið. Hannibal, Júgurta, Spartacus, Vercingetorix og fleiri; umfram allt Míþridates mikli. Eg hélt með Lucullusi fremur en Pompeiusi, Pompeiusi fremur en Caesar, Caesar fremur en Águstusi. — Þetta á ekkert skylt við samúð með lítilmagnanum. Þetta er sælt sameiginlegt skipbrot fatalistaoglúsera.) Slátrarinn f rá Bilbao Svo ég ákvað að halda með Spán- verjum. Snúa á örlögin, þó ekki væri nema til þess að hughreysta alla þá sem voru svo sárir þegar Skotar stungu af með sigurinn fyrir skömmu. Spánn — mitt lið. Slátrarinn f rá Bilbao

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.