Dagblaðið Vísir - DV - 28.03.1987, Síða 12
12
LAUGARDAGUR 28. MARS 1987.
Klassapíur
á besta aldri
Klassapíurnar Dorothy, Blanche, Rose og Sotfía. Fjórar eidri konur sem ákváðu að eyða bestu árunum saman
á Miami þar sem allir einhleypir karlmenn undir áttrætt eru kókaínsmyglarar.
Bandaríski framhaldsmyndaflokk-
urinn Golden Girls hefur af mörgum
gagnrýnendum vestan hafs verið til-
nefndur fyndnasti gamanþáttur
ársins. Stöð 2 hefur fengið þennan
þátt til sýningar sem í íslenskri þýð-
ingu hefur hlotið nafnið Klassapíur.
Klassapíurnar eru ijórar eldri kon-
ur, hver með sín sérstöku karakter-
einkenni og saman eru þær
óborganlegar. Þættir þar sem konur
komnar yfir miðjan aldur eru í aðal-
hlutverkum hafa verið sjaldséðir í
sjónvarpi en kannski endurspegla
vinsældir Klassapíanna hækkandi
meðalaldur bandarísku þjóðarinnar.
Brandarar og grín á kostnað þeirra
sem komnir eru yfir hæðina, eins og
stundum er sagt um þá sem orðnir
eru rúmlega þrítugir, eru auðvitað
engin nýmæli. En það sem er óvenju-
legt við Klassapíur er að þar eru það
„gamlingjarnir" sjálfir, sem gera
grín að sjálfum sér. Hrukkur og grá
hár, elli og einmanaleiki eru skot-
spónn þáttanna en engu að síður
virðast þeir höfða til áhorfenda á
öllum aldri.
Einhleypir
kókaín-
smyglarar
Annars eru klassapíurnar engir
gamlingjar, nema ef vera skyldi Soff-
ía sem er áttræð. Hinar þrjár,
Dorothy, Blanche og Rósa, eru á
aldrinum fimmtíu og fimm til sextíu
ára og finnst stundum alltof langt
síðan þær voru átján.
Allar fjórar eru karlmannslausar
og misjafnlega sáttar við það. Blanc-
he, Rosa og Soffía misstu allar
manninn sinn í gröfina, Dorothy
missti hann í hendurnar á sér mikið
yngri konu.
Dorothy, sem er Kennari, er sú
jarðbundna og skynsama í hópnum.
Soffía móðir hennar er kjaftfor kerl-
ing sem telur að í krafti aldurs leyfist
henni að segja hvað sem henni sýn-
ist - og hún gerir það.
Rósa er blíðlynd og góð en kannski
ekkert alltof skynsöm og hættir til
að framkvæma áður en hún hugsar.
Blance er daðrari mikill, henni líður
aldrei betur heldur en í návist karl-
manna.
Konurnar fjórar búa saman í íbúð
Blance á Miami þar sem „allir ein-
hleypir karlmenn undir áttræðisaldri
eru kókaínsmyglarar," segir Dorot-
hy.
Leikreyndar
konur
Leikkonunarnar í Klassapíum eru
allar gamalreyndar þó ekki hafi þær
gert mikið að því að skemmta ís-
lenskum sjónvarpsáhorfendum fyrr
en nú.
Bee Arthur, sem leikur hina ró-
lyndu Dorothy, er sennilega þekkt-
ust af þeim en hún hefur einkum
fengist við sviðsleik og getið sér gott
orð þar. Meðal verka sem hún hefur
leikið í má nefna: Skassið tamið,
Uglan og kötturinn og Fiðlarinn á
þakinu. En Bee Arthur hefur einnig
komið fram í sjónvarpsþáttum við
ekki minni orðstír. 1977 fékk hún
meðal annars Emmy verðlaunin eft-
irsóttu fyrir túlkun sína á Maud í
samnefndum sjónvarpsþáttum sem
nutu mikilla vinsælda.
„Ég er himinlifandi yfir því að hafa
fengið tækifæri til að leika í þessum
þáttum," segir Arthur um Klassa-
píurnar. „Það er gáman að starfa
með svo hæfu og skemmtilegu fólki.“
Betty Withe hefur þrisvar sinnum
unnið til Emmy verðlauna á ferli sín-
um. Hún er fædd í Illinois og alin
upp í Suður-Kaliforniu, hóf sinn leik-
feril í útvarpi en sneri sér fljótlega
að sjónvarpinu sem henni finnst mun
skemmtilegri miðill.
Betty White leikur hina skamm-
sýnu, kjánalegu Rósu.
„Það þýðir ekkert að neita því,
Rósa er dálítið sljó,“ segir White. „í
hennar augum er lífið rómantík og
tónlist og hún vill helst standa fyrir
utan og fylgjast með því hvernig allt
fer.“
Sjálfselsk
ekkja
„Ég leik sjálfselska-ekkju, sem er
vitlaus í karlmenn, og mér finnst það
ákaflega skemmtilegt," segir Rue
McClanahan sem leikur Blanche.
Rue á að baki áralanga reynslu sem
leikkona, bæði á sviði, í kvikmynd-
um og sjónvarpi. Hún segist afar
ánægð yfir því að vera aftur farin
að leika með þeim Bee Arthur og
Betthy White „þessum stórkostlegu
leikkonum, sem ég hef unnið með
áður og líkað mjög vel.“
Estella Getty leikur hina smá-
vöxnu, tannhvössu, áttræðu Soffíu.
Getty er að sönnu lítil en hún er
hvergi nærri jafngömul og Soffía.
Sjálf segist hún vera jafnaldra þeirra
Arthur, White og McClanahan, en
vill ekki ljóstra upp nákvæmum aldri
sínum, vegna þess að þar með sé hún
að koma upp um hinar.
Estella Getty er engin nýgræðing-
ur á sviði en þetta er hennar fyrsta
meiriháttar hlutverk í sjónvarpi og
hún hefur svo sannarlega slegið í
gegn í hlutverki Soffiu sem mörgun
finnst skemmtilegasta pían að hinum
öllum ólöstuðum.
Óvenjuleg
kona
„Ég er auðvitað himinlifandi yfir
því að hafa fengið þetta tækifæri en
ég þjáist ekki af blindri metnaðar-
girnd eins og svo margir í þessum
bransa. Ég vildi auðvitað þetta tæki-
færi, ég bjóst ekki við því en fékk
það. Ég vona bara af öllu hjarta að
þessir þættir gangi vel. Auðvitað
langar mig til þess að verða sjón-
varpsstjarna, hver vill það ekki? En
ef ekki, ja þá verður bara að hafa
það,“ segir Getty.
Hún lagði líka mikið á sig til þess
að fá þetta hlutverk. Stjómendum
þáttanna þótti hún í byrjun of ung
en hún lét það ekki aftra sér. Hún
mætti í áheyrn klædd eins og gömul
kona með eldgamlan stráhatt og í
skóm sem voru að minnsta kosti
tveimur númerum of stórir. Síðan
sagði hún við förðunarmeistarann.
„Ég veit að þú ert fær en ef þú getur
ekki gert mig að áttræðri konu fer
leikferill minn í vaskinn." Hún fékk
hlutverkið.
Getty er að mörgu leyti óvenjuleg
kona sem lifir óvenjulegu lífi. Sér-
staklega hefur hjónband hennar
vakið_ athygli. Hún hefur verið gift í
mörg ár og á tvo syni en hún og eig.'
inmaður hennar búa ekki saman.
„Það er rétt við sjáumst ekkert voða-
lega oft en við höfum verið gift mjög
lengi og erum bæði mjög sátt við
þénnan lífsmáta. Aðskilnaður veldur
sjaldnast erfiðleikum í hjónabandi,
aftur á móti gera samvistir það,“ seg-
ir Getty.
-VAJ
116.100 stgr.
28", tæknilega
fullkomnasta tækið á markaðnum.
... ' ' ■■ 1 1,1 1 ..
VESTUR-ÞÝSK GÆÐI ITT
33.780 stgr.
20" ITT.
Ótrúlegt verð.
UMBOÐSMENN UM LAND ALLT.
SKIPHOLTI 7, SÍMAR 20080 OG 26800.