Dagblaðið Vísir - DV - 07.05.1987, Blaðsíða 34
34
FIMMTUDAGUR 7. MAÍ 1987.
Andlát
fæddist á Eyrarbakka 21. september
1900. Foreldrar hennar voru ísak
Jónsson og Ólöf Ólafsdóttir. Ólöf
giftist Einari Kristjánssyni en hann
lést árið 1960. Þeim hjónum varð
þriggja barna auðið. Utför Ólafar
verður gerð frá Dómkirkjunni í dag
kl. 15.
Sigurður Ármann Magnússon
stórkaupmaður lést 24. apríl sl. Hann
fæddist á Ketu á Skaga 26. mars 1917.
Foreldrar hans voru Magnús Árna-
son og Sigurbjörg Sveinsdóttir.
Sigurður lauk námi frá Samvinnu-
skólanum í Reykjavík 1940. Þá fór
hann á vinnumarkaðinn og vann
m.a. á skrifstofu tollstjórans í
Reykjavík. Hann stofnaði og rak
kjörbúð, byggingavöruverslun og
heildverslun. Árið 1971 stofnaði
hann ásamt fleirum Mazda umboðið
Bílaborg hf. Eftirlifandi eiginkona
hans er Guðrún Lilja Halldórsdóttir.
Þeim hjónum varð fjögurra barna
auðið. Utför Sigurðar verður gerð frá
Dómkirkjunni í dag.
Ólafur Þ. Sigurðsson bifreiðar-
stjóri lést 2. maí sl. Hann var fæddur
í Reykjavík 27. febrúar 1921, sonur
hjónanna Sigurðar Þorsteinssonar
og fvrri konu hans, Lilju Marteins-
dóttur. Sigurður lauk meiraprófí
bifreiðarstjóra og keyrði lengi eigin
leigubifreið. Eftir að hann hætti
leigubílaakstri var hann allmörg ár
við lager- og útkeyrslustörf hjá Mið-
stöðinni hf., en síðustu fimmtán árin
starfaði hann í Álverinu í Straums-
vík. Eftirlifandi eiginkona hans er
Sigríður Davíðsdóttir. Þeim hjónum
varð þriggja barna auðið. Áður en
Ólafur kvæntist eignaðist hann tvö
börn. Utför hans verður gerð frá
Fossvogskapellu í dag kl. 13.30.
Óli S. Hallgrímsson, Stórholti 24,
Reykjavík, lést í Landspítalanum 6.
maí.
Garðar Kristjánsson frá Einholti,
Hornafirði, lést í Landspítalanum 5.
maí.
Sigurlaug M. Jónsdóttir, Lang-
holtsvegi 97, verður jarðsungin frá
Fossvogskirkju föstudaginn 8. mai
kl. 10.30.
Svanlaug Löve, form. Kattavinafé-
lags Islands, Reynimel 86, verður
jarðsungin frá Hallgrímskirkju kl.
13.30 föstudaginn 8. maí.
Sigurður Andri Sigurðsson, Vest-
urbergi 35, verður jarðsunginn frá
Fossvogskapellu föstudaginn 8. maí
kl. 23.30.
Páll Norðmann Björnsson, Grett-
isgötu 76, verður jarðsunginn frá
Fossvogskapellu föstudaginn 8. mai
kl. 13.30.
UtförFríðu Guðmundsdóttur, sem
lést 3. maí, verður gerð frá Dómkirkj-
unni 8. maí kl. 15.
Björn Högnason múrari, Stóragerði
12, sem lést 30. apríl, verður jarð-
sunginn frá Fossvogskirkju föstu-
daginn 8. maí kl. 15.
Brynjólfur Oddsson, fyrrverandi
bóndi, Þykkvabæjarklaustri, verður
iarðsunginn frá Þykkvabæjarklaust-
urskirkju laugardaginn 9. maí kl. 14.
Guðmundur Valdimar Tómasson
bifreiðarstjóri, Hrafnistu, verður
jarðsunginn frá Fríkirkjunni föstu-
daginn 8. maí kl. 15.
Tilkyimirigar
Broddurá Lækjartorgi
Konur úr söfnuði Hrepphólakirkju ætla
að selja brodd og fleira á Lækjartorgi
föstudaginn 8. maí oghefst salan kl. 11 f.h.
íslandsmyndir Mayers
á ensku og frönsku
Skömmu fyrir síðustu jól kom út hjá Erni
og Örlygi bókin Islandsmyndir Mayers og
hafði hún að geyma myndir þær sem Au-
guste Mayer og fleiri gerðu í leiðangri
Paul Gaimards um ísland fyrir 150 árum.
Afrakstur leiðangursins var margvíslegur,
m.a. þær tæplega 200 myndir sem flestar
eru prentaðar í fyrsta sinni í lit í framan
greindri útgáfu. íslandsmyndir Mayers,
sem er hinn mesti kjörgripur, er í fagurri
öskju. Þegar bókin kom út fyrir síðustu
jól vannst ekki tími til þess að útbúa öskj-
ur með enskum og frönskum texta en nú
hefur verið úr þessu bætt og er bókin fáan-
leg í öskjum á báðum málunum.
Myndakvöld Útivistar,
það síðasta i vor, verður í Fóstbræðra-
heimilinu, Langholtsvegi 109, í kvöld,
fimmtudag, kl. 20.30. Fjölbreytt efni. Fyrir
hlé kynnir ferðanefnd sumarleyfisferðir
Útivistar 1987 í máli og myndum. Tilvalið
fyrir þá sem eru að skipuleggja sumarleyf-
ið. Eftir hlé mun Herdís Jónsdóttir segja
frá Ódáðahrauni og sýna myndir þaðan
og einnig frá Tröllaskaga. Hvorutveggja
nýtt og áhugavert efni. Hvar lá t.d. forna
biskupsleiðin? Allir velkomnir. Skráning
nýrra félaga á staðnum. Margrómaðar
kaffiveitingar kvennanefndar í hléi.
Sjáumst. Utivist.
Landsþing Landssambands
málfreyja á íslandi
Dagana 8.-10. maí verður landsþing
Landssambands málfreyja á íslandi haldið
á Hótel Loftleiðum. Þingið hefst með
skráningu á föstudagskvöld kl. 19.30.
Heiðursgestir þingsins verða Geraldine
Lightfoot, ritari/gjaldkeri ITC (alþjóða-
samtakanna), og Lára V. Júlíusdóttir,
formaður Kvenréttindafélags íslands.
Munu þær báðar flytja erindi á þinginu.
Málfreyjur eru nú 540 talsins og starfa í
25 deildum víðs vegar um landið. Lands-
þing málfreyja 1988 hefur verið ákveðið á
Akureyri næsta vor.
LOKAÐ
Vegna jarðarfarar
SIGURÐAR ÁRMANNS MAGNÚSSONAR
stórkaupmanns
lokum við í dag kl. 12 á hádegi.
BÍLABORG HF„
Fosshálsi 1.
I gærkvöldi
Bjöm Thoroddsen hljómlistarmaður:
„Menningarútvarpið rás 1“
Ég hlusta talsvert á rás 1, ég kalla
hana yfirleitt menningarútvarpið.
Það er þessi rás sem ég opna helst
fyrir ef ég ætla að hlusta á eitthvað
sérstakt. Það er einn þáttur sem mér
finnst einna skemmtilegastur, hann
heitir Tónspegill og er á iaugardög-
um og síðan er það djassþátturinn
sem ég hlusta oft á ásamt fréttum.
Rás 2 hefur heldur vinninginn yfir
Bylgjuna, morgunþátturinn er ágæt-
ur þegar maður heíúr eitthvað
annað að gera um leið.
Ég er ekkert yfir mig hrifinn af
Bylgjunni, hún er einna helst eins
og sjoppa sem selur eina tegund af
Prins Póló á mismunandi aldri og á
ég þá við tónlistarvalið aðallega. En
ekkert er alvont, mér finnast frétt-
irnar hjá Hallgrími góðar og þætt-
Björn Thoroddsen.
irnir hjá Páli eru einnig ágætir enda
er hann alinn upp hinum megin. Ég
dæmi þetta aðallega út frá mínum
tónlistarsmekk, en ég tiiheyri minni-
hlutahópi jassunnenda. Bylgjan
mætti passa sig á þeim útvarpsstöðv-
um sem eru að fara í gang og koma
til með að þjóna minnihlutahópun-
um sem eru margir hverjir fjölmenn-
ir.
Ég horfi mjög lítið á sjónvarp, að-
allega á fréttir og bíómyndir. Ég
horfi jafnmikið á Stöð 2 og ríkissjón-
varpið, það er jafnlítið af jassi á
báðum stöðvunum þannig að ég gef
þeim ekki háa einkunn. Um leið og
þeir setja upp stöð númer fimm sem
sjónvarpar eingöngu djassi þá gerist
ég áskrifandi.
Kvenfélagasamband
Kópavogs
Konur, munið eftir mæðradagskaffinu
sunnudaginn 10. maí. Tekið á móti kökum
í Félagsheimilinu frá kl. 10 f.h. sama dag.
Tónlistarskólinn í
Keflavík 30 ára
Á þessu ári verður Tónlistarskólinn í
Keflavík 30 ára og er ætlunin að minnast
þeirra tímamóta á laugardaginn. Afmælis-
hátíðin hefst með nemendatónleikum í
Félagsbíói í Keflavík kl. 15 og að tónleik-
unum loknum verður gestum boðið í
afmæliskaffi í Tónlistarskólanum. Að-
gangur að tónleikunum er ókeypis. Skól-
inn var stofnaður af TónÍistarfélagi
Keílavíkur í október 1957 og voru frú Vig-
dís Jakobsdóttir og Guðmundur Nordahl
aðaihvatamenn að stofnun hans. Fyrsti
skólastjóri var Ragnar Björnsson. I tón-
listarskólanum í Keflavík eru nú 232
nemendur og er þar kennt á öll helstu
hljóðfæri auk söngs. Skólinn tók í notkun
glæsilega viðbyggingu sl. haust og er að-
staðan nú ein sú besta á landinu. Núver-
andi skólastjóri Tónlistarskólans í
Keflavík er Kjartan Már Kjartansson.
Gylfi Gíslason sýnir í
Gallerí Borg
I dag kl. 17 opnar Gylfi Gíslason sýningu
á teikningum í Gallerí Borg. Teikningarn-
ar eru unnar á árinu. Myndefnið sækir
Gylfi í umhverfi nútímans og þjóðsögurn-
ar. Sýningin verður opin daglega kl. 10-18
nema mánudaga kl. 12-18, laugardaga og
sunnudaga frá kl. 14-18. Sýningunni lýkur
18. maí.
Tímaritið Gróður og garðar
er komið út
Meðal efnis í blaðinu að þessu sinni er
viðtal við Pál Bergþórsson veðurfræðing
um rannsóknir sem gerðar hafa verið á
hugsanlegum áhrifum hitahækkunar á
norðurhveli jarðar á gróðurfar. Þá er við-
tal við Þorstein Tómasson, forstjóra
Rannsóknarstofnunar landbúnaðarins,
um tilraunir á vegum áhugamannahóps
til þess að rækta beinvaxið birki. Rætt er
við Óla Val Hansson um afrakstur fræ-
söfnunarleiðangurs tii Alaska. Rætt er við
frumheijann Ingólf Davíðsson grasafræð-
ing og „suðrænn garður við Sörlaskjól"
er sóttur heim. Sagt er frá heimsókn í
Lystigarðinn á Akureyri og starfi Skóg-
ræktar Eyfirðinga í Kjarnaskógi. Loks
má nefna að Guðmundur R. Sigurðsson
landslagsarkitekt gefur lesendum góð ráð
og Halldór Sverrisson plöntusjúkdóma-
fræðingur ritar ítarlega grein um helstu
méindýr og sjúkdóma sem herja á gróður.
Ymislegt fleira er í blaðinu sem gefið er
út af Frjálsu framtaki hf. Ritstjóri er Eirík-
ur St. Eiríksson.
Kvenfélag Óháða safnaðarins
heldur fund laugardaginn 9. maí ki. 15.
Rætt verður um kvöldferðalagið.
Ný frímerki
hafa verið gefm út í tilefni Evrópudagsins
1987 og sýna þau hluta steindra glugga í
Fossvogskapellu eftir Leif Breiðfjörð.
Verðgildi frímerkjanna er 12 og 15 krónur.
Fundur um friðarmál í
Skagafirði
Almennur fundur um friðarmál verður að
Löngumýri í Skagafirði nk. laugardag, 9.
maí, kl. 15. Dr. Snorri Ingimarsson læknir
mun flytja erindu um friðarmál, Anna
María Guðmundsdóttir syngur friðar-
söngva, Guðmundur Ingi Leifsson fræðslu-
stjóri ræðir um friðaruppeldi. I framhaldi
af hans erindi munu tveir nemendur
grunnskóla Sauðárkróks ræða friðarmálin
út frá sjónarmiði barna og unglinga. Auk
þess verða almennar umræður og kaffi-
sala.
Kvenfélag Fríkirkjunnar í
Reykjavik
verður með síðasta fund vetrarins í kvöld
kl. 20.30 að Hallveigarstöðum. Spilað
verður bingó.
TM-miðstöðin
Almennur kynningarfyrirlestur um TM-
tæknina verður haldinn í Garðastræti 17
í kvöld, fimmtudag 7. maí, kl. 20.30. Fjall-
að verður um áhrif TM-tækninnar á
andlegt og líkamlegt heilbrigði, mannleg
samskipti og fleira. Síminn i TM-miðstöð-
inni er 16662.
Aðalfundur
Landfræðifélagsins
verður haldinn fimmtudagskvöldið 7. maí
1987 kl. 20.30. Fundarstaður er Þerney, 2.
hæð Hótel Esju. Dagskrá: 1. Venjuleg að-
alfundarstörf. 2. Önnur mál, kaffiveiting-
ar. Félagsmenn eru eindregið hvattir til
að mæta.
Hádegisverðarfundur
Kvenréttindafélags íslands
Föstudaginn 8. maí nk. kl. 12 efnir Kven-
réttindafélag íslands til hádegisverðar-
fundar að Litlu-Brekku. Gestur fundarins
verður finnska skáldkonan Márta Tikkan-
en en hún hefur m.a. skrifað skáldsöguna
„Karlmönnum verður ekki nauðgað" sem
kom út árið 1976 og ljóðabókina „Ástar-
saga aldarinnar" en fyrir hana hlaut
höfundurinn norræn bókmenntaverðlaun
kvenna árið 1979. Márta Tikkanen hefur
verið virk í kvennahreyfingunni í Finn-
landi og mun segja frá stöðu mála þar í
landi. Fundurinn er öllum opinn.
Frakki tekinn í misgripum
Ljósgrár frakki var tekinn í misgripum á
kosningakvöldið úr fatahengi í Blóma-
salnum á Hótel Loftleiðum. Sá sem tók
frakkann er vinsamlegast beðinn að skila
honum þangað aftur eða hringja í síma
673720.
TónleikarTónlistarskólans í
Reykjavík
Tónfræðadeild Tónlistarskólans í Reykja-
vík heldur tvenna tónleika þar sem flutt
verða frumsamin tónverk eftir sex nem-
endur sem ljúka prófi í vor. Fyrri tónieik-
amir verða fimmtudaginn 7. maí nk. í
Langholtskirkju kl. 20.30. Sinfóníuhljóm-
sveit íslands leikur undir stjórn Arthurs
Weisberg og flutt verða hljómsveitarverk
eftir Helga Pétursson, Guðna Ágústsson,
Guðrúnu Ingimundardóttur og Tryggva
Demantsbrúðkaup eiga í dag hjón-
in Ágúst Jónsson byggingameist-
ari og Margrét Magnúsdóttir,
Skipað í Barnaverndarráð
Islands
Menntamálaráðhen'a hefur skipað í
Barnaverndarráð íslands til næstu íjög-
urra ára frá 10. mars sl. að telja. Aðal-
menn: Sigríður Ingvarsdóttir héraðs-
dómari, formaður, Guðlinna Eydal
sálfræðingur, Vilhjálmur Árnason heim-
spekingur, Rannveig Jóhannsdóttir
kennari, Jón Kristinsson barnalæknir.
Varamenn: Haraldur Johannessen lög-
maður, varaformaður, Þorgeír Magnússon
sálfræðingur, Hlédís Guðmundsdóttir geð-
læknir, Olöf Sigurðardóttir kennari og
Tryggvi Sigurðsson sálfræðingur.
Útifundur Samtaka kvenna
á vinnumarkaði
Á útifundi Samtaka kvenna á vinnumark-
aði þann 1. maí var eftirfarandi ályktun
samþykkt: „Útifundur Samtaka kvenna á
vinnijmarkaði þann 1. maí sendir fyrrum
fóstrum Reykjavíkur baráttukveðjur.
Stöndum saman allar sem ein. Að kvöldi
1. maí kom tengihópur Samtaka kvenna á
vinnumarkaði saman og sendi frá sér eftir-
farandi samþykt: „Samtök kvenna á
vinnumarkaði lýsa hneykslun á orðum
borgarstjóra í kvöldfréttum þann 1. maí,
vegna uppsagna fóstra. Aðgerðir fóstra
eru ekki sérhagsmunabarátta, heldur bar-
átta kvennastéttar fyrir launum sem hægt
er að lifa af. Hafi einhver aðili hleypt
samningsviðræðum í hnút var það borgar-
stjóri. Þar talaði sá sem valdið hafði.“
Tónleikar
M. Baldvinsson. Síðari tónleikamir verða
fostudaginn 8. maí í húsakynnum skólans,
Laugavegi 178, Bolholtsmegin, kl. 18. Flutt
verða verk eftir Ásgeir Guðjónsson og
Gylfa Garðarsson. Flytjendur eru kór Tón-
listarskólans í Reykjavík, hljóðfærahópur
nemenda skólans og annarra en stjómandi
er Snorri S. Birgisson.
Afmæli
Reynivöllum 6, Akureyri. Þau eru
að heiman í dag.