Dagblaðið Vísir - DV - 24.10.1987, Blaðsíða 7

LAUGARDAGUR 24. OKTÓBER 1987.
7
DV
Félagsheimili
tónlistannanna
opnað í dag
Félagsheimili tónlistarmanna, aö
Vitastíg 3 í Reykjavík, verður form-
lega opnaö í dag, laugardag, klukkan
14.
„Aðstaöa þessi er einsdæmi á ís-
landi og ætti aö höfða til tónlistar-
manna, ekki aðeins á Reykjavíkur-
svæðinu, heldur ættu einnig hópar
og einstaklingar um land allt að geta
notið góðs af, enda er félagsheimilið
hugsað sem samnefnari allra tónhst-
armanna landsins," segir stjórn
félagsheimilisins.
Félagsheimilið er í 240 fermetra
húsnæði. Þar eru meðal annars sam-
komu- og veitingasalur, hljóðver og
setustofa. Salnum er hægt að skipta
í smærri einingar með færanlegum
skilrúmum og skapa þannig aðstöðu
fyrir tónlistarkennslu og æfingar.
Með félagsheimili tónlistarmanna
skapast aðstaða til æfinga fyrir ein-
leikara, kóra og hljómsveitir. Þar
verður hægt að halda tónleika og
hljóðrita tónlist, jafnt fyrir prufu-
upptökur eða hljómplötugerð. Þá fá
hin ýmsu félög og samtök tónlistar-
manna skrifstofu- og fundaraðstöðu.
í stjórn félagsheimilisins eru
Bjarni Marteinsson, formaður, Wolf-
gang Stross, Jóhann G. Jóhannsson,
Stefán Edelstein og Þorkell Sigur-
bjömsson. -KMU
Dagur Sameinuðu þjóðanna:
Kirkjuklukkum
hringt
í dag kl. 12 verður kirkjuklukkum
um ailt land hringt í fimm mínútur
en það er liður í alþjóðlegri aðgerð
til að stuöla að friði. Að beiðni friðar-
samtaka á íslandi hefur biskup
íslands skrifað prófóstum landsins
bréf þar sem hann mælist til þess að
þeir hlutist til um að kirkjuklukkun-
um verði hringt. Að sögn sr. Gunnars
Kristjánssonar búast samtökin við
að vel verði við þessu brugðist.
„Þá verður stutt en táknræn athöfn
við Höfða kl. 17 í dag þar sem þagnar-
.stund vérður í 7 mínútur," sagði
Gunnar en slík þögn veröur um heim
' allan. Þessi þagnarstund hefur verið
haldin á degi Sameinuðu þjóðanna
síðan 1984 en ekki áður hér á landi.
Á meðan á þögninni stendur munu
þátttakendur taka höndum saman
og mynda friðarmerki framan við
Höfða.
Eins og kunnugt er þá er dagur
Sameinuðu þjóðanna í dag en í tilefni
þess þá hafa Lionsmenn gefið bæjar-
og sveitastjórnum víöa um land fána
SÞ. Má því búast við að þessi fáni
blakti víða í dag. -SMJ
Fréttir
Ný fjölmiðlakönnun:
Minna horft á sjónvarp
í fjölmiðlakönnun, sem unnin af
félagsvísindadeild Háskólans,
kemur skýrt fram að fleiri útvarps-
stöðvar fá ekki fleira fólk til að
hlusta heldur dreifist hlustun
meira en áður. Einnig er athygli-
svert að skoða horfun á sjónvarps-
fréttir. í annan tíma hafa ekki færri
horft á sjónvarpsfréttir en nú. For-
skot Ríkissjónvarpsins á Stöð 2
hefur minnkað til muna. í síöustu
könnun, sem gerð var, var munur-
inn um 20 prósent en er nú um 10
prósent þegar miö er tekið af því
svæði sem báðar stöðvar nást á.
Þrátt fyrir þáttinn 19.19 eykst
horfun á fréttir Stöðvar 2 hverf-
andi. Fréttatímar Ríkissjónvarps-
ins hafa misst mikla horfun. í
könnun, sem gerö var í mars síð-
astliðnum, náði Ríkissjónvarpið
allt að 70% horfun en fer niður í
rúm 40% nú.
„Með fjölgun útvarpsstöðva
koma því mun færri hlustendur í
hlut hverrar stöðvar," segir meðal
annars í könnuninni. Þar segir
líka: „... ef litið er til fyrri kann-
ana Félagsvísindastofnunar (5
kannanir 1968-7, auk kannana sem
gerðar voru 1983 og 1985) kemur í
ljós að 25-30% svarenda eru aö
hlusta á útvarp að jafnaði að degi
til og er hlutfalliö allstööugt í þess-
um könnunum."
Páll Magnússon, fréttastjóri
Stöðvar 2, sagðist vera ánægður
með hve mikið fréttir Stöðvar 2
hafa dregiö á fréttir Ríkissjón-
varpsins. Páll sagði að það hefði
komið sér nokkuð á óvart að horf-
un skyldi ekki hafa aukist meira
en raun ber vitni eftir að þátturinn
19.19 hóf göngu sína. Hann sagðist
sjá í þessu að eitthvað hefði dregið
úr horfun á sjónvarp. Þrátt fyrir
það væru eitthvað fleiri sem horfðu
á fréttir á Stöð 2 en áður, þannig
að greinilegur samdráttur hefur
orðið hjá Ríkissjónvarpinu.
Ingvi Hrafn Jónsson, fréttastjóri
Ríkissjónvarpsins, sagðist lesa úr
könnuninni að yfirburðir Ríkis-
sjónvarpsins væru algjörir. Að vísu
hefði dregiö úr horfun á sjónvarp.
Sagði Ingvi Hrafn það vera reynsla
erlendis að þegar úrvalið aukist
minnki notkunin. „Forskot okkar
minnkar en yfirburðimir eru al-
gjörir,“ sagði Ingvi Hrafn. „Við
gerðum okkur grein fyrir þvi þegar
samkeppnin kom að við myndum
ekki halda okkar hlut. Okkar svar
við samkeppninni er að halda
áfram aö vera með mestu og bestu
fréttimar á þessum tíma.“
-sme
Sjónvarpsnotkun fimmtudaginn 15. október 1987.
LANDIÐ ALLT (15-70 ára).
%
Hér má sjá horlun á dagskrá sjónvarpsstöðvanna fimmtudaginn 15.
október. Mest var horft á fréttir Rikissjónvarps eða rúm 40%. Á fréttir
Stöðvar 2 horfðu 25%.
.

VERKTAKAR
HÖFUM
TIL
AFGREIÐSLU
STRAX
STEYR 8070 64 hp/din
STEYR 8090a 80 hp/din
STEYR 8110a 90 hp/din
GREIÐSLUKJÖR
TIL ALLT AÐ
5 ÁRA
BOÐI hf
Flatahrauni 29, 220 Hafnarfjörður, sími 91-651800
v.t
Sýnum laugardag og sunnudag kl. 14.00-1
NISSAN
NISSAN
Fólskbíla - jeppa
og pick-up
jll Verið velkomin -
Alltaf heitt á könnunni
1957-1987
30
S|| INGVAR HELGASON HF.
III Svn'n9arsolurinn/Rauðagerði, simi 33560