Dagblaðið Vísir - DV - 24.10.1987, Blaðsíða 13

LAUGARDAGUR 24. OKTÓBER 1987.
13
Veitingahús
Jónas Kristjánsson skrifar um veitingahús:
Tilraun,
sem tekst
- kannski
Kínahofið í Kópavogi
„Dýrð er að djörfu tapi“
„Dýrö er aö djörfu tapi“ mætti
þýöa málsháttinn, sem ég fékk í
kínversku forlagakökunni meö
reikningi Kínahofsins. „In great
attempts it is glorious even to fail“
stóö þar á miða eins og við þekkjum
úr páskaeggjum.
Helzt held ég, að málshátturinn
vísi til endurtekinna tilrauna til aö
koma á legg kinversku veitinga-
húsi í þessu húsnæði viö Nýbýla-
veginn í Kópavogi. Þær hafa
mistekizt, nema þessi síðasta, sem
hefur það fram yfir hinar að hafa
góðan mat í farteskinu. Vonandi
leiðir sú djarfa dýrð til sigurs.
Hér voru áður Mandarín og Kína-
húsið. Það voru að mínu viti staðir
eins koncir markaðstízku. Hressir
menn höfðu látið sér detta í hug,
að „markaðssetja" þyrfti kínverskt
veitingahús á íslandi. Svo var það
gert, væntanlega samkvæmt við-
skiptalögmálum, en þess ekki gætt,
að veitingahús er fyrst og fremst
eldhús og innihald, en ekki mark-
aðssetning. Kínahofið forðast þessi
slys og á vonandi framtíð fyrir sér.
Hátt til lofts - langt til sjarma
Innréttingar eru að mestu hinar
sömu og áður. Horfnir eru pappírs-
drekamir' í loftinu, en eftir eru
kínverskar ljósakrónur og vegg-
lampar með gegnsæjum myndum
og löngum dúskum, svo og blæ-
vængir og rómanskir speglar. í
heild er kínverska yfirbragðið
mildara og þægilegra en áður var.
Á borðum eru hvítir og rauðir
taudúkar, rauðar pappírsþurrkur,
hvít plastblóm og sojasósa. Hátt er
til lofts og langt til sjarma í Kína-
hofi.
Þjónustan er sumpart afar góð
og man meira að segja nokkurn
veginn, hver af sex gestum við borð
pantaði hvem hinna tólf rétta. Slíkt
geta fáir skólagengnir þjónar hér á
landi. En sumpart er þjónustan
ófagleg og áhugalítil, á svipaðan
hátt og hún var, þegar staðurinn
hét öðrum Kínanöfnum.
Matseðillinn er svipaður því, sem
tíökast í kínverskum veitingahús-
um á Vesturlöndum. Boðið er upp
á allmarga grunnrétti í nokkrum
stöðluðum útgáfum. Grunnréttirn-
ir eru til dæmis fiskur, rækjur,
lamb, naut, kjúklingur og svín.
£>
H
#
Kokkahúfur eru fyrir matreiðslu og
blóm fyrir umhverfi og þjónustu, en
krónupeningarnir tákna verðlagið.
Útgáfurnar eru til dæmis súrsæt
sósa, sjopsúei sósa og hojsin sósa,
svo og karrí, sem ekki er kínverskt
fyrirbæri, heldur indverskt. Allt er
þetta skorið niður í bita, sem hægt
er að boröa með prjónum.
Kaffi fyrir matinn
Önd er á matseðlinum, en var
ekki fáanleg í raun. Nokkur vín eru
í boði, öll með afbrigðum léleg, þar
á meðal húsvín í glasatali. Á boð-
stólum er aðeins ein einasta tegund
af tei, þótt veitingahúsið sé kín-
verskt. í hádeginu er gestum að
bandarískum sið boðið að sötra
kaffi, meðan þeir bíða eftir pöntun-
inni. Ég hef aldrei séð slíkt áður í
siðmenntuðu veitingahúsi, hvað þá
í kínversku húsi.
Eggjadropasúpa með grænmeti
og karrísúpa með kjúklingi voru
bragðsterkar og góðar. Súr fiski-
súpa var einnig góð, en minna var
spunnið í kjúklingasúpu með dósa-
sveppum og hádegissúpu með
grænum dósabaunum. Grænmetið
í súpunum var yfirleitt mildilega
soðið. Vorrúllur reyndust mjög
harðar og stökkar, betri en venju-
lega fást hér á landi.
Súrsætur fiskur var afar góður,
svo milt meöhöndlaður, að fisk-
bragðið hélzt, sem ekki er algengt
í vestrænum Kínastöðum. Djúp-
steikti fiskurinn var líka með
fiskbragði, bragðsterkur og góður
réttur. Undurmeyr hörpufiskur og
rækjur með grænmeti voru frábær
matur og reyndust það líka í ann-
arri atrennu. Þetta var í bæði
skiptin betri hörpufiskur en ég hef
áöur fengið að heiman.
Kjúklingur með ananas og papr-
iku var meyr og góður. Enn
meyrara og fínna var lambakjöt í
sjopsúei. Nautakjöt með bamb-
usspírum og sveppum var hins
vegar bara í meðallagi gott. Sama
var að segja um kjúkling í karríi.
Eftirréttir voru lítils virði, niður-
soðið litsí með ís, djúpsteiktur
ananas með ís og rjómais með
súkkulaðisósu, sem reyndist vera
súkkulaðiís með þeyttum rjóma.
Teið var gott, líklega jasmin-ættar.
Kópavogsferðar virði
í hádeginu er ekki gefið eftir í
matreiðslunni, þótt þá sé boðið, í
þessari röð, kaffi, súpa og val úr
fjórum réttum, á 350 krónur að
meðaltali. Á kvöldin er boðin súpa
og þrír réttir á 1050 krónur. Af
fastaseðlinum er miöjuverð þriggja
rétta máltiðar með tei 1087 krónur.
Hörpufiskurinn á 690 krónur og
lambakjötiö á 620 krónur eru virði
ferðalags í Kópavog.
Jónas Kristjánsson
L0TT0SPILAST0KKURINN
32 númeruð spil
þar sem þú getur
dregið happa-
töluna þina. Fæst
á flestum útsölu-
stöðum lottósins.
Dreifing Príma,
heildverslun, sími
651414.
Lottóspilastokkurinn á hvert heimili.
Við ftamleióum
KEDJUR
SNJÓKEDJU
markaðurinn
Smiðjuvegi 30 E-götu, Kópavogi. Sími 77066
VERKFRÆÐINGUR
Rafmagnsveita Reykjavíkur óskar eftir að ráða raf-
orkuverkfræðing til starfa í innlagnadeild fyrirtækis-
ins.
Starfið felst í rannsókn á orkunotkun og við skipu-
lagsverkefni. Þekking á dreifikerfum og reynsla í
forritun æskileg.
Boðið er upp á góða vinnuaðstöðu og m.a. aðgang
að stóru tölvukerfi til notkunar.
Nánari upplýsingar veitir starfsmannastjóri og yfir-
verkfræðingur innlagnadeildar í síma 686222.
Umsóknarfrestur er til 2. nóvember nk.
RAFMAGNSVEITA REYKJAVÍKUR
FREEPORTKLÚBBURINN
Fundur verður í Félagsheimili Bústaðakirkju fimmtu-
daginn 29. október kl. 20.
Glæsilegt matarborð.
Skemmtiatriði.
Bingó. Góðir vinningar.
Félagar eru beðnir að tilkynna þátttöku sína Baldri
Ágústssyni, sími 31615, Grétari Bergmann, sími
28319 eða Ragnari Guðmundssyni, sími 10485, í
síðasta lagi 27. október.
Stjórnin.
ÚTBOÐ
Snjómokstur 1987-1988
Vegagerð ríkisins óskar eftir tilboðum
wj í snjómokstur með vörubifreiðum í
Húnavatnssýslum veturinn 1987-
1988.
Um er að ræða tvö útboð:
1. Blönduós - Skagaströnd - Blöndu-
virkjun, (67 km).
2. Blönduós- Hvammstangi, (52 km).
Útboðsgögn verða afhent hjá Vega-
gerð ríkisrns á Sauðárkróki og í Reykja-
vík (aðalgjaldkera) frá og með 26.
október nk. Skila skal tilboðum á sömu
stöðum fyrir kl. 14.00 þann 2. nóvemb-
er 1987.
Vegamálastjóri.
HAFNARFJARÐARBÆR -
LOÐIR
Hafnartjarðarbær mun úthluta lóðum í Setbergi og
víðar' á næstunni:
1. Lóðir fyrir 9 einbýlishús og 40 parhús og raðhús
við Stuðlaberg.
2. Lóðir fyrir iðnað og þjónustu við Hamraberg.
Bygginganefndarteikningar liggja þegar fyrir og
ber umsækjendum að leggja fram óskir um stærð
og staðsetningu í umsókn.
3. Nokkrar eldri lóðir (7 talsins).
Nánarí upplýsingar veitir skrifstofa bæjarverkfræð-
ings, Strandgötu 6, þ.m.t. um gjöld vegna lóðanna,
byggingarskilmála o.fl.
Umsóknum skal skilað á þar til gerðum eyðublöðum,
sem þar fást, eigi síðar en mánudaginn 9. nóvember
nk.
Eldri umsóknir ber að endurnýja eða staðfesta.
Bæjarverkfræðingur