Dagblaðið Vísir - DV - 21.12.1987, Blaðsíða 30

30
MÁNUDAGUR 21. DESEMBER 1987.
REYKJKKfÍKURBORG
Acuc&an Sfötáin
DAGVIST BARNA
Staða forstöðumanns
Forstöðumannsstaða á leiksk./dagh. Foldaborg,
Frostafold 33, Grafarvogi er laus til umsóknar.
Fóstrumenntun áskilin.
Upplýsingar gefa framkvæmdastjóri og umsjónar-
fóstrur á skrifstofu Dagvistar barna, sími 27277.
RAKARASTOFAN
KLAPPARSTIG
Síml 13010
HÁRGREIÐSLUSTOFAN KLAPPARSTÍG
Sími12725
möguleikar
elle
Skólavörðustíg 42
Amaró Garðarshólmi
Akureyri Húsavik
Menning
Hmsegin blus
Eina íslenska djassplatan, sem
ég hef rekist á nýútkomna á þessu
hausti, er Hinsegin blús. Það er
ótrúlega sjaldan sem gefnar eru út
djassplötur hér á landi, miðað við
hvað við eigum marga afbragðs
djas9leikara og tónskáld. Á þessari
plötu, sem er gefin út af Almenna
bókafélaginu og dreift af Skífunni,
eru tónsmíðar eftir tvo af okkar
bestu djassmönnum, Tómas R. Ein- «
arsson og Eyþór Gunnarsson. Þeir
leika báðir mikið og mest á plöt-
unni, Eyþór á píanóið og hljóðgerv-
il, Tómas á bassann, en þeir hafa
líka fengið með sér nokkra snill-
inga af albestu sort, Gunnlaug
Briem á trommur og Danann Jens
Winther á trompet og svo heyrist
dálítiö í Rúnari Georgssyni, blás-
andi „Hawkinskum" anda í tenór-
inn, sem mætti þó vera meira.
Fyrst er að bjóða gestinn, Jens
Winther, velkominn, en hann er
einn besti djassblásari á norður-
slóðum og. þýðir ýmsa „takta“
Miles Davis á frábæra dönsku. En
það er tríóið Eyþór, Tómas og
Gunnlaugur sem gefur manni mest
á þessari plötu og það ekkert smá-
vegis. Þeir eru allir fyrsta ílokks
djassleikarar á heimsmælikvarða
og vel skólaðir á sín hljóðfæri. En
þeir láta aldrei snilldina hlaupa
með sig í gönur, gleyma aldrei höf-
uðinntaki djassins; að miðla
manneskjulegum sannleika hjart-
ans.
í rauninni stendur allt sem ég hef
að segja um þessa plötu á umslag-
inu: „Laglínan tekur á sig ein-
kennilega hnykki sem grípa eyrað,
en síðan er allt drifið áfram með
venjulegri blúshætti- Það þýðir
ekki fyrir bleiknefja á íslandi að
Hljómplötur
Leifur Þórarinsson
þykjast vera að tína bómull en
miklu skiptir að varðveita þann
anda blúsins að hann sé áríðandi
og komi að innan og það tekst vel
hér.“ Já, það er vissulega mikill
fengur að þessari plötu og mætti
halda áfram í þessum dúr um langa
framtíð. Við höfum alls ekki efni á
að sóa þessum kröftum í tóma vit-
leysu eins og svo oft virðist vera
stefnan í rall- og auglýsingabrans-
anum. LÞ
Helgistemning
Vetrarperlur, jólaséngvar frá 16. og 17. öld
Ein eigulegasta hljómplatan, sem
komið hefur út á þessari jólavertíð,
er án efa Vetrarperlur, jólasöngvar
frá 16. og 17. öld. Þeir eru sungnir
af Ragnheiði Guðmundsdóttur en
Þórarinn Sigurbergsson og Jó-
hannes Georgsson leika með á gítar
og kontrabassa.
Lögin eru öll útsett fyrir þessa
„besetningu" af Hróðmari Sigur-
björnssyni sem hefur unniö það
starf frábærlega vel. Er „að út-
setja" reyndar stundum heldur
teygjanlegt hugtak og sumt af þess-
um umskriftum Hróðmars eru í
rauninni litlar en fágaðar tónsmíð-
ar.
Ekkert af þessu lætur mikið yfir
sér, það er hreinn og tær blær yfir
öllu, raunveruleg helgistemning.
Hljómplötur
Leifur Þórarinsson
Ragnheiður hefur náttúrufagran
og vel þjálfaðan messósópran sem
hún beitir af lifandi látleysi, gegn-
um músíkölsu. Og hljóðfæraleikur
þeirra Þórarins og Jóhanns er af
sama toga, þar er hvergi að finna
tilgerð né ágengni heldur fyrst og
fremst fagmannlegt látleysi og
hlýju. Já, það yljar manni sannar-
lega að fá nú inn í stofu lög eins
og Hvern er hún María að hugga
við barm? eða Borinn er sveinn í
Betlehem svona vel flutt og hjart-
anlega, að ekki sé talað um Jesús,
þú ert vort jólaljós og Heims um
ból. Þetta eru í allt fjórtán jólalög
frá ýmsum löndum, m.a. frá ís-
landi, úr Grallaranum. Þessir
jólasöngvar eiga vonandi eftir að
færa mörgum birtu og yl nú í skam-
deginu. . LÞ