Dagblaðið Vísir - DV - 14.06.1988, Blaðsíða 31

ÞRIÐJUDAGUR 14. JÚNÍ 1988,
31
Lífsstn
Brúðuleikhús

Skemmtilegast þótti krökkunum aö sjá stelpuna i fjörunni sem talaði við fiska og steina. Þannig er börnunum kennt að náttúran sé lifandi.
DV-myndir Sveinn
Frábær fræðslumiðill
„Svona brúðuleikhús er frábær
fræðslumiðill, einn sá besti sem
hægt er að nota til að kenna börn-
um. Hér er sameinuð fræðsla og
skemmtun og bömin taka svo
sannarlega eftir því sem hér fer
fram,“ sagði Helga Steffensen, for-
svarsmaður Brúðubílsins. Og það
var ekki ofsögum sagt að börnin
tækju eftir. Þau hlógu, klöppuðu
og kölluðu á meðan á sýningu stóð
og tóku virkan þátt í því sem fram
fór. Þegar hrekkjusvín birtist í leik-
ritinu stóðu þau sum hver upp og
atyrtu það harðlega. Einnig svör-
uðu þau skilmerkilega öllum
spumingum apans Lilla og lærðu
þá um leið.
Verkefni Brúðubílsins hafa öll
einhvem boðskap að flytja börnun-
um. „Við fjöllum um umferðina,
kennum litina, vörum við hrekkju-
svínum og látum þau vita aö nátt-
úran sé lifandi og umgengni um
hana þarf að vera góð. Þetta örvar
börnin, þau bera skynbragð á þetta
og geta svo fengið nánari skýringar
hjá foreldrum," sagði Helga.
Þóra Berg fóstra tók undir það
að börnin lærðu á sýningunni.
„Þau læra ýmsa söngva sem koma
fyrir í sýningunni og við syngjum
svo oft lögin á eftir,“ sagði hún
Eina útileikhús landsins
Brúðurnar, sem notaðar eru við
sýningar Brúðubílsins, gerði Helga
Steffensen en hún ásamt Sigríði
Hannesdóttur og Helgu Sigríði
Hannesdóttur sér um hreyfmgar
brúðanna. „Öll tónlist og tal, sem
við notum í sýningunni, er tekið
upp í stúdíói. Þannig getum við
notað fleiri raddir, auk þess sem
flutningurinn verður betri og
vandaðri. Við erum úti með þessar
sýningar og sjálfsagt myndi heyr-
ast illa og við yrðum fljótt hásar
ef við þyrftum að æpa allt sem sagt
er,“ sögðu þær stöllur Helga og Sig-
ríður.
Þær bentu á að Brúðubílhnn
Dægradvöl
væri eina útileikhús landsins sem
starfaði reglulega, en hann hefur
sýnt á gæsluvöllum Reykjavíkur-
borgar í 12 ár í júní- og júlímán-
uði. „Sýningarnar eru tvisvar á
hverjum gæsluvelli og stendur
hver sýning í hálfa klukkustund.
Við getum ekki verið mikið lengur
án þess að þreyta krakkana en þau
taka virkan þátt í öllu sem fram fer
og það er virkilega gaman aö finna
slíkar undirtektir,“ sagði Helga.
Fyrsta leikhúsferðin
Bæði Þóra Berg og aöstandendur
Brúðubílsins voru sammála um að
sýningin hefði einnig menningar-
legt uppeldisgildi fyrir börnin,
kenndi þeim að njóta leiksýningar.
„Það verður að hafa það í huga að
sýning Brúðubílsins er oft fyrsta
leikhúsferö barnsins. Það fræöist
um það hvernig leiksýning fer
fram, sest í hring ásamt fleirum og
horfir á. Að auki lærir barnið að
einbeita sér að því sem fram fer,
sitja rólegt og hlusta. Þetta held ég
að hafi ekki svo lítið að segja,"
sagði Helga.
Aðstandendur Brúðubílsins voru
sammála um að bíllinn væri eins
konar vísir að brúðuleikhúsmenn-
ingu sem virðist vera að hasla sér
einhvern völl, en slík menning hef-
ur ekki verið hérlendis til staðar
aö neinu marki. Á hstahátíð yröi
boðið upp á slíkar sýningar sem
væru fyrir fullorðna, m.a. útfærslu
á leikritinu Maöur og kona.
Á faraldsfæti
Það er Reykjavíkurborg sem
stendur fyrir rekstri Brúöubílsins,
en þrátt fyrir það eru aðstandendur
hans á faraldsfæti. „Við getum að
vísu ekki notað bílinn nema í
Reykjavík, þar sem hann er í eigu
borgarinnar, en þrátt fyrir það höf-
um ferðast um landsbyggðina síö-
astliðin átta ár og sýnt í samkomu-
húsinu í flestum kaupstöðum
landsins," sagði Sigríður og Helga
bætti við að börnunum úti á landi
þætti alveg geysilega vænt um
þessa tilbreytingu. Einnig hefur
leiksýningin fariö út fyrir land-
steinana, því farið hefur verið í
sýningarferð til Færeyja.
Það var óhætt að segja að ein-
beitingin hafi skinið út úr hverju
andliti sem horfði á sýninguna,
hvort sem börn eða foreldrar áttu
í hlut. Þegar sýningunni lauk söfn-
uðust börnin síðan fyrir framan
bílinn og þökkuðu fyrir sig, alsæl
með uppákomuna.
JFJ
Einbeitingin skein út úr hverju andliti á meöan á sýningu
stóð, svona læra börnin „ieikhúshegðun".
Þegar sýningunni lauk söfnuðust börnin fyrir framan bílinn, Aðstandendur Brúðubilsins kátir eftir vel heppnaða sýningu,
þökkuðu fyrir sig og heilsuðu upp á brúðurnar. (f.v.) Helga Steffensen, Sigríður Hannesdóttir og Helga Sig-
ríður Hannesdóttir.