Dagblaðið Vísir - DV - 10.09.1988, Síða 28

28
LAUGARDAGUR 10. SEPTEMBER 1988.
Sérstæö sakamál
Sérstæð sakamál

/vi uyggodi-
c j i r *j' >ieter Riechmann (með litað hár). innar braut
í upphafi leit út fyrir að um til-
gangslaust ofbeldisverk hefði veriö
að ræða þegar Kersten Kischnik, lag-
leg, þýsk vændiskona, var skotin í
bíl á fáfórnum vegi í Flórída í Banda-
ríkjunum. Rannsókn málsins benti
þó til annars.
Kersten Kischnik
var aðeins átján ára þegar hún
gerðist þjónustustúlka í diskóteki í
Hamborg í Vestur-Þýskalandi. Það
hét „LifeClub" og var á sínum tíma
eftirsóttur skemmtistaður. Er Kerst-
en hafði starfað þar um tíma kynnt-
ist hún ungum manni, Dieter Riech-
mann. Hann þóttist vera tryggginga-
sali. Dieter gekk tískuklæddur, bar
dýrt gullúr og barst á. Allt benti til
þess að hann hefði mikið fé milli
handa. Ekki leið á löngu þar til Kerst-
en var orðin afar ástfangin af Dieter.
Dieter Riechmann
var hins vegar ekki tryggingasali.
Hann var afbrotamaður og hafði
tekjur af stúlku sem stundaði vændi
á hans vegum. Lögreglan hafði hann
þá grunaðan um ólöglegt athæfi en
hafði ekki komist yflr nein þau gögn
sem orðið gætu til þess að fá hann
sakfelldan. Því lengur sem honum
tókst að halda sér utan fangelsis
þeim mun hugaðri varð hann og þar
kom að hann fékk Kersten til þess
að gerast vændiskona í hátekju-
flokki. Urðu viðskiptavinimir að
inna af hendi jafngildi um 50.000
króna fyrir fund sem stóð í klukku-
stund. Kersten stundaði vændið und-
ir nafninu „Yvonne“.
Féll starfið vel
Kersten fannst tekjurnar góðar.
Hún borðaði oft á dýrum veitinga-
húsum, klæddist fallegum fotum og
gekk með armband frá Cartier. Þá
fylgdu vændinu stundum ferðir til
fagurra eyja í suðurhöfum. Er hún
hafði verið vændiskona um lengri
tima leyfði fjárhagurinn að hún
keypti einbýlishús í dýru hverfi í
Hamborg og reyndar var það enginn
annar en knattspyrnumaðurinn
nafntogaði Franz Beckenbauer sem
var næsti nágranni hennar.
Ferð til Saudi-Arabíu
Þar kom hins vegar að viðskipta-
vinunum í Hamborg fækkaði. Þá
sendi Dieter „gullfuglinn" sinn til
Kanaríeyja og Saudi-Arabíu. Síðar,
er kom fram á árið 1982, fékk hann
því til leiðar komið að hún gat sest
að i Sviss en sjálfur bjó hann alltaf
í Þýskalandi. Alltaf lést hann dá hana
en gagnrýndi hana hins vegar vægð-
arlaust ef honum sýndist svo og
færði það honum vald yfir henni.
Hún varð honum því háð, ekki aðeins
á starfssviðinu heldur einnig í einka-
lífinu.
Flórídaferð
í.nóvember árið 1986 ákvað Dieter
að bjóða Kersten til Flórída. Þar
dvöldust þau um hríð og kunnu vel
við sig en þá þegar var Kersten farið
að verða ljóst að tími henar sem
,,gullfugl“ var senn á enda. Hún var
orðin slitin á líkama og sál og þjáðist
af móðurlífsbólgum sem ekki tókst
að lækna. Þá átti hún það til að fyll-
ast þunglyndi en því gat fylgt svo
slæmt skap að hún reifst og skamm-
aðist við viðskiptavinina og leiddi
það stundum til þess að ekkert varð
úr því að hún veitti tilætlaða þjón-
ustu og því fékk hún ekkert greitt.
Önnur Flórídaferð
í júní 1987 lagði Dieter á ný til við
Kersten að þau faeru til Flórída.
Féllst hún á það.
„Dieter býst við að gera mikilvæg
viðskipti þar og takist honum það
þarf ég aldrei að stunda vændi fram-
ar,“ sagði Kersten við vinkonu sína.
Jafnframt fór hún þá að gera áætlun
um að koma sér upp grænmetisversl-
un og átti hún að vera í Sviss.
Snemma í október í fyrra komu svo
Dieter og Kersten til Miami á Flórída.
Bílaleigubíll
Það fyrsta sem Dieter gerði eftir
komuna var að fara í afgreiðslu Herz-
bílaleigunnar en hjá henni hafði
hann pantað bíl. Bíllinn var til reiðu
en gleymst hafði að verða við þeim
óskum leigutakans að sætin skyldu
úr rauðu leðri. Neitaði hann að taka
við farkostinum en eftir nokkurt þóf
var honum fenginn Thunderbirdbíll
með rauðum sætum og klæðningu.
Héldu þau Kersten svo til Tahitimót-
els sem er nokkuð fyrir utan Miami-
borg.
Það var heitt í veðri
í Flórída 25. október í fyrra. Þá ók
Dieter niður að höfn og skömmu síð-
ar tóku þau Kersten að drekka þar
hanastél sem ber nafnið „Miami
Vice“, eftir sjónvarpsþáttunum
frægu, en áður hafði sama hanastél
heitið „Rússnesk rúletta".
Skömmu eftir klukkan níu um
kvöldið héldu þau Dieter og Kersten
af stað heim. Segir Dieter að þau
hafi viUst á leiðinni og síðan hafi það
gerst sem olli dauða Kersten.
Frásögn Dieters
„Ég beygði inn á rangan veg og
þegar ég hafði ekið um hríð sá ég
mann sem stóð við kyrrstæðan bíl.
Ég ók til hans og spurði hann hvert
ég ætti að halda til þess að komast
til Biscaynebreiðgötu. Hann bauðst
til að hjálpa mér og gekk að hinni
hlið bílsins þar sem Kersten sat. Ég
sá að hann var með eitthvaö í hend-
inni. Svo sagði hann eitthvað en
augnabliki síðar heyrði ég skot-
hvell.“
Kersten öll
Dieter segist hafa ekið af stað eins
hratt og hann hafi getað er hann
hafi séð Kersten falla fram í sætinu.
Klukkan hafi þá verið tæplega hálf-
ellefu og skömmu síðar hafi hann séð
lögreglubíl.
Lögreglan í Miami hóf þegar rann-
sókn málsins. Var hún meðal annars
fólgin í því að tekin voru húðsýni af
höndum Dieters en jafnframt var
bíllinn tekin til nákvæmrar rann-
sóknar.
Grunurvaknar
Ekki hafði lögreglan verið lengi að
verki er grunur vaknaði um að saga
Dieters væri ekki sönn. í húðsýnun-
um fundust leifar brennds púðurs.
Þá kom í ljós að blóðblettir voru á
framhurðinni ökumannsmegin. Þar
hefði ekkert blóð átt að vera hefði
Dieter sjálfur setið undir stýri eins
og hann hafði haldið fram. Þá hefði
blóðið átt að vera á honum en ekki
hurðinni. Þá þótti lögreglumönnun-
um einkennilegt að heyra að Dieter
Riechmann skyldi hafa viljað fá bíl
með rauðum leðursætum því af þeim
er auðvelt að þvo blóð. Enn fremur
þótti afar ótrúlegt að Dieter hefði
villst á þann hátt sem hann sagði.
Við leit í herbergi hans á mótelinu
fundust svo skothylki í Winchester-
byssu, en með byssu af þeirri gerð .
hafði Kersten einmitt verið skotin.
Dieter handtekinn
Fjórum dögum síðar var Dieter
Riechmann handtekinn. Þá hafði rík-
issaksóknarinn í Miami haft sam-
band við vestur-þýsku lögregluna og
beðið hana um að rannsaka húsið
sem Dieter bjó í í Hamborg. Þar
fannst þá meðal annars símanúmer
sögn í blaði sem Dieter las og sagði
frá. Var hún um kanadískan millj-
ónamæring sem spurði mann til veg-
ar í Miami og var skotinn til bana
af tveimur svertingjum án þess að
hægt væri að sýna fram á nokkra
aðra ástæðu en drápshneigð. Hins
vegar samtal Dieters við fyrrum
kunningja sinn um kvikmynd frá
árinu 1941, Samviskulaus kona. Þar
fór Barbara Stanwyck með annað
aðalhlutverkið en Fred MacMurray
með hitt. Leika þau hjón og reynir
hún að komast yfir líftryggingarfé
hans með svikum. Telur Miamilög-
reglan, eftir nákvæmar upplýsingar
þekkts leigumorðingja í Hamborg og
bók sem heitir Fullkomna morðið.
Það sem mesta athygli vakti þó var
að í húsinu fannst líftryggingarskír-
teini Kersten Kischnik. Hljóðaði það
upp á jafnvirði um þrjátíu milljóna
króna. Skyldi tryggingaféð renna til
Dieters ef Kersten dæi.
Kenning Miamilögreglunnar
er sú að Dieter Riechmann hafi
myrt Kersten. Hafl hann þannig vilj-
að hagnast á dauða hennar er hún
hafi ekki lengur dugað honum í því
starfi sem hann kom henni í. Rennir
margt stoöum undir þessa tilgátu en
í blöðum hefur sérstaklega verið
minnst á tvennt. Annars vegar frá-
frá Vestur-Þýskalandi, að þetta
tvennt hafi Dieter haft til hliðsjónar
er hann skipulagði morðið á Kersten.
Dieter fyrir rétt
Er Dieter Riechmann kom fyrir
rétt vestra neitaði hann öllum sakar-
giftum. Fjórtán vitni frá Vestur-
Þýskalandi og Sviss sögðu hins vegar
sína sögu og var hún ekki til þess
fallin að auka tiltrú kviðdómenda á
honum.
Saksóknarinn, Kevin DeGregory,
fór síðar fram á dauðarefsingu. Mál-
inu er enn ekki lokið en komist kvið-
dómendurnir tólf að þeirri niður-
stöðu að Dieter sé sekur um morðið
á Kersten verður hann dæmdur til
dauða. Þá fer dómurinn fyrir ríkis-
stjórann í Flórída. Undirskrifi hann
skjalið öðlast það gildi en þó má
skjóta málinu áfram til æðri dóm-
stóla. Yrði honum ekkl breytt þar
færi hins vegar svo að Dieter Riech-
mann yrði tekinn af lífi í rafmagns-
stólnum.
Kersten Kischnik (með hjarta fyrir
andlitinu) á forsíðu svissnesks tíma-
rits sem „kemur á kynnum".
Ur kvikmyndinni Samviskulaus
kona.