Dagblaðið Vísir - DV - 08.07.1989, Qupperneq 25

LAUGARDAGUR 8. JÚLl 1989.
25
Vísnaþáttur
Illa brennir undan sér
ómaklegur heiður
Hallgrímur Pétursson gat vel
glaðst með glöðum. En þegar vín var
haft um hönd, skyldu menn gæta sín
og dvelja ekki of lengi við brunn
freistinganna:
Gott er að hætta hverjúm leik,
þá hæst fram fer.
Nú skal hafa sig á kreik.
Vel sé þeim, sem veitti mér.
Vísur eftir Sigurð Breiðfjörð:
Geymum tryggð, þó reynum raun
og réni fundir.
Sú fær dyggðin loksins laun,
þá hða stundir.
Ráði sá,
sem ráðið hefur fyrri.
Það, sem þykir bami best,
bamið stundum skaðar mest.
Og þetta heilræði gaf hann okkur:
Vondum solh flýðu frá
og forðast þá sem reiðast,
elskaðu góða, en aumka þá
afvega sem leiðast.
Sóttágömul mið
Steingrímur Thorsteinsson kvað:
Sér til happs að hrella mann
hefnir sín með ánun.
Flý sem hehð fógnuð þann,
sem fæst með annars tárum.
Ef að hlotnast ofsæmd þér,
af því vertu ei gleiður,
því illa brennir undan sér
ómaklegur heiður.
Þó þú aumkvist yfir mann,
sem angur sorgin vinnur,
mest þú aumkva ættir þann,
til engrar sem að finnur.
Þessa vísu orti Jón gamli Thor-
oddsen um konu, sem honum þótti
hafa beðið of lengi eftir því manns-
efni, er henni fannst sér sæma og
varð svo að lokum að taka niður fyr-
ir sig:
Leiðast stundum lífið fer
löngu vöxnum fljóðum,
betri samt þeim biðlund er
en bendlast erkislóðum.
Tvær stökur eftir Guðmund Frið-
jónsson:
Þegar hríða og þelabönd
þjökuðu gróðri folum,
hafa fáein laugalönd
leynst í vorum dölum.
Lýðurinn kýs hin léttu spor,
lóuflug og kvakið.
En alltaf sýnir afl og þor
amarvængjatakið.
Og Guðmundur Bjömsson land-
læknir, sem orti undir nafninu Gest-
ur, sagði:
Sár em okkar syndagjöld,
seint fæst þrautaborgun.
Alhr dagar eiga kvöld
og allar nætur morgun.
Og þessi er eftir Bólu-Hjálmar:
Enginn dagur er svo seinn
aö sé honum neitt til tafar,
styttir hver um einn og einn
áfanga til grafar.
Upplýst og leiðrétt
Ýmsir létu til sín heyra vegna vísu,
sem ég birti síðast eftir langömmu
borgarstjórans í Reykjavík. Eg vissi
meir en ég sagði þá, en mundi ekki
í svipinn hvar best var öruggra svara
að leita. í árbók Húnvetnings 1982
er stutt grein eftir Þormóð Pálsson
frá Njálsstöðum, kunnan borgara í
Kópavogi, lengi gjaldkera við ríkis-
stofnun í Reykjavík. Hún er rituð í
Vísnaþáttur
tilefni fráfalls Steingríms Davíðsson-
ar, skólasfjóra á Blönduósi. Hann var
fæddur 1891 og sonur hjónanna Sig-
ríðar Jónsdóttur frá Gafli í Svínadal
og Davíðs Jónatanssonar frá Marð-
amúpi í Vatnsdai. Orðrétt segir Þor-
móður: „Þeim Sigríði og Davíð er svo
lýst að hann væri hæglætismaður,
en þó geðríkur nokkuð, fastur fyrir
og greindur vel. Hneigðari var hann
talinn til bókar en búsýslu, en þó
verkmaður góður. Sigríður þótti ör í
lund, bráðgáfuð og fljót til svars.
Ekki var hún síöur hneigð til bók-
legra mennta en Davíð. Ung hafði
Sigríður trúlofast efnilegmn og vel
gefnum manni en upp úr shtnaði, og
hef ég góðar heimildir fyrir því að
ástæðan væri sú að hinn unga mann
fýsti til Ameríku til búsetu, sem þá
var algengt, en Sigríður var því mót-
fahin. Sat hvort við sinn keip um
sinn. Þar kom þó að æskuunnustinn
fór sína leið vestur um haf, nokkuð
skyndilega og kvaddi Sigríði með
vísu þessari:
Okkar þrjóta yndiskjör,
í hafróti kífsins.
Skilja hljótum veigavör
á vegamótum lífsins.“
Þormóður hermir svarvísu Sigríð-
ar svona, áður birt hér dáhtið öðm-
vísi:
„Veit eg beinn minn vegur er,
verður neinn ei skaðinn.
Kemur einn þá annar fer
ungur sveinn í staðinn."
Síðan segir af ætt eiginmanns Sig-
ríðar og nefnd nokkur stórmenni.
Ónefndur hringjari sagði að unn-
ustinn myndi ekki hafa farið kven-
mannslaus tii Vesturheims. Hann
hafði hallað sér að annarri stúlku og
hún verið barnshafandi þegar þau
fóru af landi brott. Jón mun hann
hafa heitið, en meira veit ég ekki.
En bróðir Steingríms skólastjóra var
Lúðvík læknir á Eyrarbakka og ein
dætra hans móðir Davíðs Oddssonar,
sem er eins og allir vita bæði geðrík-
ur og skáldmæltur gáfumaður.
Fleiri Húnvetningar
Ég hef áður stohð visum eftir Þor-
móð Pálsson í þætti mína og geri það
enn. Hér eru þrjár vísur eftir hann:
Þýtur gjóla, þyngist bára,
þokar sólargeishnn enn.
Fennir ákjólin æskuára.
Okkar jólum lýkur senn.
Þetta er auövitaö skammdegisvísa.
Fóstrar sora, glys og gróm
glöp og villukenning,
auðnulaus og innantóm
okkar nýja menning.
Út á timans ólgustraum
æskan burt er flotin.
Liggja bak við gamlan glaum
glösin tæmd og brotin.
Hér eru og ferðavísur teknar úr
„Húnvetningi" eftir Guðlaug Gísla-
son. Á leið um Kjöl:
Við erum að keyra Kjöl,
kanna sýn til fjalla.
Súld og bræla sögð er föl,
senn er degi að halla.
Raunasagan rakin er
römm, sem um má fjalla.
Einu sinni undu hér
Eyvindur og Halla.
Hafsteinn Halldórsson frá Selhaga
í Skörðum á Kálfárdal var þátttak-
andi í útvarpserindaflokki 1965, er
nefndist Ámar okkar. Þar lýkur
hann máh sínu með vísu, sem ætla
má að sé eftir hann:
Þó erindiö sé afar þunnt
enn má því til svara:
Mér tókst vel að vaða grunnt
vök á milli skara.
Óþarfa sjálfsgagnrýni. Gaman
væri að fá vísur eftir hann og nokkr-
ar upplýsingar.
Loks vísa af sömu slóðum, en höf-
undar ekki getið:
Norðanmuggan næðingsköld
næturskuggann vilhr.
Nístir ugg ef kófi í kvöld
köldu gluggann fyllir.
Svo kveðjum við að sinni með vísu
úr annarri átt og getum ekkert sagt
um höfundinn, nema að hver má sig
sjálfan sjá, eins og hann lýsir málum:
Þó að ég sé þreyttur orðinn
og þrengingar mig ýmsar bagi,
bjóði fang sitt baugaskorðin
beiti ég mínu foma lagi.
Jón úr Vör
Fannborg 7, Kópavogi
Óska eftir umboðsaðila
Leitum eftir ábyggilegum aðilum sem áhuga hefðu
á að taka að sér umboð fyrir vel þekkt amerískt fyrir-
tæki.
Um er að ræða úrval neysluvara. Frábært tækifæri.
Tilboð er greini frá nafni og síma sendist DV merkt
„GOTT UMBOÐ" fyrir 15. þ.m.
KNATTSPYRNUSKÓLI
Síðasta námskeiðið hjá knattspyrnuskóla ÍR hefst
17. júlí og stendur í tvær vikur.
Kennt verður í aldurshópunum 5-8 ára frá kl.
12-13.30 og 8-11 ára frá kl. 14-16.
Nánari upplýsingar eða skráning í síma 74248 (Hlyn-
ur).
Hef opnað
Klukkuhúsið
Laugavegi 69, sími 16333
Úr, klukkur og skartgripir.
Harald Sigurðsson
úrsmiour
SYNING A
VATNSNUDDPOTTUM
Sýnum í dag frá kl. 13-17 vðnduðu íslensku og amerísku nuddpottana í fullum gangi
á Grensásvegi 8 og blómaskálanum Vín við Hrafnagil.
MARGAR STÆRÐIR OG MARGIR LITIR.
Fáanlegir fylgihlutir, hreinsitæki, dælur, neðanvatnsljóskastarar og margs konar annar búnaður. Hentar
vel í garðinn, kjallarann eða garðskálann. Gerið gæða- og verðsamanburð.
VERIÐ VELKOMIN í DAG MILLI KL. 13 OG 17.
K. AUÐUNSSON HF.
GRENSÁSVEGI 8 - SÍMI 686088