Dagblaðið Vísir - DV - 05.04.1990, Page 4

4
FIMMTUDAGUR 5. APRÍL 1990.
Fréttir
Prófkjör H-listans í Reykjavík:
Sex berjast um efstu sæti
- ekki er hægt að afskrifa neinn - stefnir í tvísýn úrslit
R-612, borgarstjórabíllinn. Það á eftir að koma í Ijós hvort framboð H-listans á eftir að verða til þess að Davíð
Oddsson eða einhver annar verði aftursætisfarþegi í þessum bil næstu fjögur árin. DV-mynd GVA
Prófkjör Alþýðuflokksins í Reykja-
vík, Samtaka um nýjan vettvang,
Félags ungra Alþýöubandalags-
manna, Reykjavíkurfélagsins - sam-
taka um betri borg og óháðra borgar-
ar verður um helgina. Prófkjörið er
bindandi fyrir átta efstu sæti.
Hér á eftir fer kynning á frambjóö-
endunum og sagt er frá því með
hvaöa stjórnmálasamtökum þeir
hafa starfaö.
Aðalsteinn Hallsson
Aðalsteinn er félagsmálafulltrúi og
hefur starfað með Sjálfsbjörgu og
SEM hópnum. Hann hefur ekki áður
tekið þátt í stjórnmálum. Aðalsteinn
gefur kost á sér í 1. til 8. sæti.
Ámundi Ámundason
Ámundi er markaðsstjóri. Ámundi
er löngu landsþekktur bæði fyrir
pólitísk störf og önnur. Ámundi hef-
ur verið kosningastjóri Alþýðu-
flokksins. Hann hefur ekki áður boð-
ið sig fram. Ámundi hefur starfað
mikið fyrir Alþýðuflokkinn. Hann
gefur kost á sér í 2. til 8. sæti.
Ásgeir Hannes Eiríksson
Ásgeir er alþingismaður fyrir
Borgaraflokkinn. Hann stofnaði ný-
verið Reykjavíkurfélagið - samtök
um betri borg. Ásgeir Hannes hefur
starfað við verslun og hann rak með-
al annars lengi pylsuvagn í Austur-
stræti. Hann hefur starfað fyrir SÁÁ
og fleiri. Ásgeir Hannes gefur kost á
sér í 1. til 8. sæti.
Bjarni P. Magnússon
Bjami stundar eigin iðnrekstur.
Hann er borgarfulltrúi fyrir Alþýðu-
flokkinn. Hann á sæti í borgarráði.
Bjarni gefur kost á sér í 1. til 8. sæti.
Björn Einarsson
Björn er erindreki og einn af stofn-
endum Borgaraflokksins. Hann á
sæti í aðalstjórn SÁÁ og í stjórn
Verndar. Björn kemur úr Reykjavík-
urfélaginu. Hann gefur kost á sér í
1. til 8. sæti.
Egill Helgason
Egill Helgason er blaðamaður.
Hann hefur ekki tekið virkan þátt í
stjómmálum. Egill er tengdasonur
Júlíusar Sólnes, formanns Borgara-
flokksins. Egill gefur kost á sér i 1.
til 8. sæti.
Gísli Helgason
Gísli er tónlistarmaður og for-
stöðumaður hljóðbókagerðar
Blindrafélagsins. Gísli hefur verið
talinn hliðhollur Framsóknarflokkn-
um. Hann er formaður Vísnavina.
Gísli gefur kost á sér í 1. til 8. sæti.
Guðmunda Helgadóttir
Guömunda er fangavörður. Hún
var varaborgarfulltrúi Alþýðu-
bandalagsins til ársins 1978. Þá sagði
hún skilið við flokkinn og hefur ver-
ið talin stuðningsmaður Kvennalist-
ans. Hún gefur kost á sér í 1. til 8.
sæti.
Guðrún Jónsdóttir
Guðrún er arkitekt. Hún á sæti í
skipulagsstjóm ríkisins. Guðrún var
forstöðumaður borgarskipulags þeg-
ar vinstri meirihlutinn var við stjórn
í borginni. Erfitt er að skipa henni í
raðir ákveðins flokks en helst er hún
talin hafa fylgt Alþýöubandalaginu
að málum. Guörún gefur kost á sér
í 1. til 8. sæti.
Gunnar H. Gunnarsson
Gunnar er verkfræöingur. Hann
situr í byggingamefnd Reykjavíkur
fyrir hönd Alþýðubandalagsins.
Gunnar starfar sem deildarverk-
fræöingur hjá umferðardeild Reykja-
vikurborgar. Gunnar gefur kost á sér
í 1. til 8. sæti.
Fréttaljós
Sigurjón M. Egilsson
Gylfi Þ. Gíslason
Gylfi er nemi við Tækniskólann.
Hann hefur starfað mikið innan Al-
þýðuflokksins. Hann á sæti í Æsku-
lýðssambandi íslands og er auk þess
starfsmaður þess. Gylfi gefur kost á
sér í 5. til 8. sæti.
Hlín Daníelsdóttir
Hlín er fulltrúi hjá ríkisskattstjóra.
Hún er kennari að mennt. Hún er
gjaldkeri- Alþýöuflokksfélags
Reykjavíkur. Hlín gefur kost á sér.í
4. til 8. sæti,
Hrafn Jökulsson
Hrafn er blaðamaður og rithöfund-
ur. Hann hefur starfað mikið innan
Birtingar og Nýs vettvangs. Hrafn
gefur kost á sér í 3. til 8. sæti.
Hörður Svavarsson
Hörður er framkvæmdastjóri For-
eldrasamtakanna. Hann er fóstra að
mennt. Hörður hefur ekki starfað
innan stjórnmálaflokka. Hann gefur
kost á sér í 4. til 8. sæti.
Jón Baldur Lorange
Jón Baldur er nemi. Hann hefur
meðal annars verið framkvæmda-
stjóri Alþýðuflokksins og átt sæti í
flokksstjórn. Jón Baldur gefur kost á
sér í 4. til 8. sæti.
Kristín Dýrfjörð
Kristín er fóstra. Hún hefur ekki
tekið virkan þátt í stjórnmálum. Hún
mun hafa fylgt Kvennalistanum aö
málum. Faðir hennar er Birgir Dýr-
íjörð, formaður fulltrúaráðs Alþýðu-
flokksfélaganna í Reykjavík. Kristín
gefur kost á sér í 3. til 8. sæti.
Kristín Björk Jóhannsdóttir
Kristín Björk er nemi við Fóstur-
skólann. Hún er í stjórn Félags ungra
jafnaðarmanna í Reykjavík. Kristín
Björk gefur kost á sér í 4. til 8. sæti.
Kristín Á. Ólafsdóttir
Kristín er borgarfulltrúi fyrir Al-
þýðubandalagiö. Hún var varafor-
maður Alþýðubandalagsins 1985 til
1987. Kristín gefur kost á sér í 1. til
8. sæti.
Kristrún Guðmundsdóttir
Kristrún er bankastarfsmaður og
nemi í uppeldisfræði við Háskólann.
Kristrún er í Birtingu. Hún gefur
kost á sér í 1. til 8. sæti.
Margrét Haraldsdóttir
Margrét er kennari við Mennta-
skólann við Sund. Hún var áður
blaðamaöur á Alþýðublaðinu. Hún
hefur ekki tekið þátt í stjórnmálum.
Margrét gefur kost á sér í 1. til 8. sæti.
Ólína Þorvarðardóttir
Ólína er dagskrárgerðarmaður og
stundar magistemám viö Háskól-
ann. Ólína er þekkt fyrir störf sín
hjá Sjónvarpinu. Hún hefur ekki tek-
ið þátt í stjómmálum en Framsókn-
arflokkurinn hefur gert tilkall til
hennar. Ólína gefur kost á sér í 1. til
8. sæti.
Reynir Ingibjartsson
Reynir er framkvæmdastjóri Bú-
seta. Á árunum 1970 til 1974 starfaði
hann með Sambandi ungra fram-
sóknarmanna og síðar með Alþýðu-
bandalaginu. Reynir gefur kost á sér
í 1. til 8. sæti.
Skjöldur Þorgrímsson
Skjöldur er sjómaður. Hann á sæti
í stjórn Sjómannafélags Reykjavík-
ur, Landssambandi smábátaeigenda
og verkalýðsráði Alþýðuflokksins.
Skjöldur gefur kost á sér í 1. til 8.
sæti.
Sex berjast
Af þeim tuttugu og þremur sem
taka þátt í prófkjörinu er sex sem eru
talin líklegust til að verða í efstu
sætum. Það eru Ásgeir Hannes Ei-
ríksson, Bjami P. Magnússon, Guð-
rún Jónsdóttir, Hrafn Jökulsson,
Kristín Á. Ólafsdóttir og Ólína Þor-
varöardóttir.
Upplýsingar um frambjóðendur
fengust á skrifstofu Nýs vettvangs
og víðar. Einnig var stuðst við kynn-
ingu Alþýöublaðsins á frambjóðend-
unum.
umheimurinn
í dag mælir Dagfari____
ísland og
íslendingar eru stöðugt að færa sig
upp á skaftið í heimspólitíkinni.
Eins og allir vita hófst þiðan í kalda
stríðinu í Höíða þegar Reagan og
Gorbastjov hittust þar á bak við
hurðarhúnana og sömdu um frið.
Þá komst Reykjavík á landakortið
og yfirleitt eru fréttaskýrendur á
því máli, að sá fundur hafi verið
upphafið á slökunarstefnunni. Áð-
ur fyrr töluðu menn um mann-
kynssöguna fyrir og eftir Krist. Nú
hefur tímatalið breyst í fyrir og eft-
ir Reykjavík.
í framhaldi af þessum heims-
sögulega atburöi hafa islenskir
stórsnillingar komist í sviðsljósið.
Jón Hákon Magnússon var kallaö-
ur til Möltu til að skipuleggja leið-
togafund á þeirri útkjálkaeyju af
því að Möltubúar vildu herma eftir
okkur íslendingum. Þáverandi ut-
anríkisráöherra, Matthías Á. Mat-
hiesen, hefur allt frá þessum fundi
verið boðinn á allar handbolta-
keppnir í útlöndum og verið heið-
ursgestur á heimsmeistaramótum.
Kópavogur þykir nú sjálfkjörinn til
að hýsa næstu heimsmeistara-
keppni í handbolta, vegna þess
frægðarljóma sem leggur yflr
Kópavogslækinn frá þeirri frægu
borg Reykjavík og Davíð Oddsson
er að verða þekktasti og vinsælasti
leiðsögumaður veraldarinnar þeg-
ar hann gengur um sali Höfða og
sýnir gestum sínum hvar hann stóð
þegar Reagan og Gorbi sömdu um
friðinn.
Næst geröist þaö aö Jón Baldvin
Hannibalsson varð heimsfrægur
fyrir framgöngu sína á fundum
EFTA og Evrópubandalagsins og
er nú aufúsugestur í öllum heims-
ins löndum sem einn helsti forvíg-
ismaður heimsmálanna. Bera
menn ekki svo saman bækur sínar
aö Jón Baldvin og þau bæði hjónin
séu viðstödd og eru þau Jón og
kona hans í miklu áliti á erlendum
vettvangi.
íslenski saltfiskurinn er líka orð-
inn heimsfrægur eftir þessa at-
burði og Samband íslenskra fisk-
framleiðenda leggur á það áherslu
að saltfiskurinn þeirra verði að
hafa einkarétt á öllum erlendum
markaði til þess að enginn blettur
falli á orðstír íslands. íslenska rík-
isstjórnin gengur enn í þau mál að
bjarga íslenska ullariðnaðinum svo
útlendingar fái áfram notiö ullar-
innar og heimsfrægðarinnar.
Nú er það nýjast að sjálfstæði
Litháen stendur og fellur með því
hvort íslenska ríkisstjórnin viður-
kenni sjálfstæði þess. Raunar er
pólitískt líf Gorbastjovs undir
þessu máli komið líka vegna þess
að utanríkisráðherra hefur bent á
það að ef íslendingar viðurkenna
Litháen, muni Gorbastjov glata
völdum sínum í Moskvu, harðlínu-
mennirnir taka við og heimsfriður-
inn úr sögunni.
Það er því mikil ábyrgð sem hvíl-
ir á herðum íslensku þjóðarinnar
um þessar mundir og sem betur fer
hafa sjálfstæðismenn áttað sig á
þeirri þýðingu sem það hefur fyrir
heimsbyggðina ef Jón Baldvin tjáir
sig. Sjálfstæðismenn hafa krafist
þess aö utanríkisráðherra lýsi Lit-
háen sjálfstæða þjóð. Sjálfstæðis-
menn hafa að vísu alltaf verið á
móti heimsfriönum og tekið varn-
armálin fram yfir friðarstefnuna.
Sjálfstæðismönnum er illa við Gor-
bastjov og maöur er farinn að halda
að þeim sé líka illa við Litháa. Að
minnsta kosti hafa þeir hamast í
utanríkisráðherra um að gefa
þessa yfirlýsingu, þótt utanríkis-
ráðherra sé búinn að segja þeim
að Gorba veröi sparkað þegar ís-
lendingar lýsa Litháa sjálfstæða og
afleiðingarnar í Litháen verði blóð-
bað og herleiðing.
Átökin á Alþingi íslendinga um
framtíð Litháa hafa heimssögulega
þýðingu. Stórveldin fylgjast með
þessum átökum og umheimurinn
bíöur þess í ofvæni hvað Jón Bald-
vin gerir. Sjálfstæði heilla þjóða
stendur og fellur, framtíð Sovét-
ríkjanna stendur og fellur og yfir-
lýsingar Jóns Baldvins og konu
hans standa og falla með þeirri
ábyrgðartilfinningu sem hann hef-
ur tileinkað sér í forystuhlutverk-
inu.
Vonandi er- að Jón Baldvin sitji á
strák sínum. Við megum ekki eyði-
leggja saltfiskmarkaðinn og ullar-
söluna og við megum ekki vera
vondir viö Gorba. Viö verðum að
vernda sjálfstæöisbaráttu Litháa
með því aö neita að minnast á hana.
Við megum ekki spilla friðnum
sem hófst í Höfða, með því að tala
gáleysislega á alþjóðavettvangi
þegar rödd íslands ræður úrslitum
um örlög mannkyns.
Dagfari