Dagblaðið Vísir - DV - 19.05.1990, Blaðsíða 4

4
LAUGARDAGUR 19. MAÍ 1990.
Fréttir
Minnismerki eftir Sigurö Guömundsson afhjúpað í Hollandi:
Júlíana fyrrum
Hollandsdrottning
afhjúpaði það
- þetta var ósköp viröulega athöfn, segir listamaðurinn, Siguröur Guðmundsson
„Þaö eru liðin tvö ár síöan nefnt
var viö mig aö búa þetta minnis-
merki til og um þaö bil ár síðan ég
hófst handa. Verkið er til minningar
um þær hörmungar sem fólkið í Zee-
land héraði í Hollandi mátti þola í
síðari heimsstyrjöldinni og að 50 ár
eru liðin síðan Middelburg var jöfn-
uð við jörðu í loftárás. Hér er um að
ræða fjögurra metra hátt verk sem
ég bjó til úr graníti og bronsi. Það
var svo Júlíana, fyrrum drottning
Hollands, sem afhjúpaði minnis-
merkiö 17. maí sem er minningar-
dagur um þennan atburð. Þetta var
ósköp virðuleg og ánægjuleg at-
höfn,“ sagði Sigurður Guðmundsson
myndlistarmaður í samtali við DV í
gær.
Minnismerkið er í borginni Midd-
elburg í Zeeland og fyrir utan Júlí-
önnu, fyrrum drottningu, var margt
stórmenna viðstatt athöfnina á
fimmtudag. Greint var frá henni í
flestum blöðum landsins, útvarpi og
sjónvarpi.
Sigurður Guðmundsson, sem er
búsettur í Amsterdam í Hollandi, er
einn virtasti núlifandi listamaður
þar í landi.
Þegar DV ræddi við Sigurð í gær
var hann staddur í Malmö í Svíþjóð,
þar sem verið er að setja upp sýningu
á skúlptúrverkum eftir hann í Gall-
erý Láng. Sigurður sagðist mundi
koma í heimsókn til íslands í sumar.
-S.dór
Það var létt yfir Arnarflugsmönnum þegar hin nýja leiguþota félagsins kom til Keflavikur i gær. Hér má sjá flug-
menn þotunnar, til vinstri er Kristmundur Magnusson, yfirflugstjóri og flugrekstrarstjóri Arnarflugs, og til hægri
er Magnús Brimar Jóhannsson flugmaður. DV-mynd Ægir Már
Amarflugsþotan komin:
Samstarf hafið
við Norður-íra
Leiguflugvél Arnarflugs kom til
landsins í gær og hóf þegar áætlunar-
flug á vegum félagsins. Auk þess
hefur Arnarflug undirritað samning
um náið samstarf við nýtt flugfélag
sem stofnað var á Norður írlandi í
gær. Félagiö heitir Emerald Air og
mun Arnarflug meðal annars sjá um
rekstur og leggja til mannskap á
stærri vélar félagsins. Arnarflug
mun einnig veita aðra sérfræðiað-
stoð.
Þetta nýja félag verður með höfuð-
stöðvar í Belfast en verður einnig
meö skrifstofur í Prestvík og Banda-
ríkjunum. Þessi samstarfssamning-
ur þýðir talsvert aukin verkefni fyrir
Arnarflug og opnar einnig félaginu
leið inn á markaðssvæði Evrópu eftir
1992.
-SMJ
DV-mynd Ægir Már
Hér sést Arnarflugsþotan nýja við Flugstöðina í Keflavík í gær.
Júlíana, fyrrum drottning Hollands, afhjúpar minnismerki eftir Sigurð Guð-
mundsson myndlistarmann i bænum Middelburg í Hollandi síðastliðinn
fimmtudag. Merkið er reist í tilefni þess að 50 ár eru liðin síðan Þjóðverjar
gerðu loftárás á Middelburg. DV-mynd ANP Foto
Grundarkjör
gjaldþrota og
í rannsókn
Rannsóknarlögreglunni hafa bor-
ist nokkrar kærur á hendur eigend-
um Grundarkjörs. Félag íslenskra
stórkaupmanna hefur sent rann-
sóknarlögreglunni kæru fyrir hönd
tólf fyrirtækja sem samtals eiga hjá
Grundarkjöri 14,6 milljónir króna.
Kæra stórkaupmanna er í fimm lið-
um. Þeir óska eftir að rannsakað
verði hvort forráðamenn Grundar-
kjörs hafi afhent þriðja aðila ógreidd-
ar vörur, hvort innkaup á síðustu
vikum fyrir lokun hafi í raun verið
til að svíkja vísvitandi út vörur,
hvort eigendur Grundarkjörs hafi á
síðustu mánuðum tekið fé út úr
rekstrinum, hvort rekstrinum hafi
verið haldið áfram löngu eftir að
greiðslugeta fyrirtækisins var þorrin
og hvort refsivert athæfi hafi verið
framið með útgáfu innstæðulausra
ávísana.
Allir vörulagerar Grundarkjörs
hafa verið seldir nema tveir.
Eigendur Grundarkjörs hafa óskað
eftir að fyrirtækið verði tekið til
gjaldþrota. Við þeirri ósk hefur verið
orðiö og nú er búið að skipa tvo bú-
stjóra; Skarphéðin Þórisson hæsta-
réttarlögmann og Sigmund Hannes-
son héraðsdómslögmann.
Innan fárra daga birtist auglýsing
í Lögbirtingablaðinu þar sem lýst
verður eftir kröfum í þrotabú Grund-
arkjörs. Kröfulýsingafrestur er tveir
mánuðir. Reiknað er með að ekki
verði vitað nákvæmlega hverjar
skuldirnar eru fyrr en í ágúst eða
september. Mat eigenda fyrirtækis-
ins er að skuldirnar séu um 190 millj-
ónir króna.
Helstu eignir eru tvær íbúðir, tveir
óseldir verslunarlagerar og greiðslur
fyrir þrjá selda lagera. Vörulager
verslunarinnar í Garðabæ var settur
upp í skuld viö Sanitas. Óseldu lager-
arnir eru í verslununum við Furu-
grund í Kópavogi og Reykjavíkurveg
í Hafnarfirði. Þær verslanir hafa nú
verið innsiglaðar að kröfu bústjór-
anna.
-sme
Vísitölur:
10 prósent
verðbólga
- lánskjaravísitalan hækkar minna
Lánskjaravísitalan hækkar um
0,49 prósent um næstu mánaðamót.
Þessi hækkun jafngildir um 6,0 pró-
sent hækkun á ársgrundvelli.
Að baki þessari hækkun lánskjara-
vísitölunnar liggur 0,9 prósent
hækkun framfærslu og 0,6 prósent
hækkun byggingarkostnaðar. Gamla
lánskjaravísitalan, sem er eðlilegur
mælikvarði á veröbólgu, hefði því
hækkað um 0,8 prósent sem jafngild-
ir um 10 prósent verðbólgu. Nýja
vísitalan hækkar hins vegar minna
þar sem launavísitalan hækkaði ekki
neitt á milli apríl og maí.
Hækkun framfærslu- og bygging-
arkostnaðar má fyrst og fremst rekja
til almennra hækkana en ekki ein-
stakra liöa. Laun hækka hins vegar
ekkert og hafa ekki gert undanfarna
tvo mánuði. Þar með draga launin
úr hækkun á lánum, jafnframt því
sem þau hindra að sparifé haldi verð-
gildi sínu. -gse