Dagblaðið Vísir - DV - 19.08.1992, Blaðsíða 12

12
Spumingin
MIÐVIKUDAGUR 19. ÁGÚST 1992.
Hver er þín skoðun
á reykingum?
ris Sveinsdóttir læknir: Ég er ger-
samlega á móti þeim.
Þórdís Borgþórsdóttir húkrunar-
fræðingur: Reykingar eru tóm tjara.
Erla Traustadóttir húsmóðir Ég er
mjög á móti þeim. Þær eru ömurleg-
ar.
Þorgerður Diðreksdóttir húsmóðir:
Ég er á móti reykingum.
Dóra Óska Bragadóttir nemi: Þær
eru það ömurlegasta sem fólk getur
gert öðrum.
Sigriður Hjaltested nemi: Ég er al-
mennt á móti þeim.
Lesendur
Gistiverðið gerir
gæfumuninn
Munurinn virðist ferðamanninum vestanhafs í hag.
Úlfar skrifar:
Ég las bréf í DV sl. fimmtudag frá
Margréti Einarsdóttur um flugstöð-
ina á Keflavíkurflugvéfli varðandi
fréttina um farþegana sem hafast þar
við næturlangt vegna þess að þeim
ofbýður að kaupa sér gistingu á því
verði sem hér tíðkast - ef hægt er
að komast hjá því, svona síðustu
nóttina fyrir brottfór héðan.
Það er náttúrlega meira en tíma-
bært að ráðast að þessu vandamáli
hér í ferðamannaþjónustu sem er
verðlagið - bæöi á gistingu og veit-
ingum. Það er leitun að öðru eins
okri og hér tíðkast. Ekki veit ég hvort
þetta skapast af því að fltið er til
ferðaþjónustunnar sem eins konar
„vertíðar" í tvo til þrjá mánuði á ári
og á þeim tíma skuli aflra bragða
neytt til að ná sem mestum gróða. -
Mér er þó nær aö halda að svo sé
ekki þar sem verö á veitingahúsum
lækkar ekkert þótt hefðbundnum
ferðamannatíma ljúki. - Kjúklinga-
réttur á skyndibitastöðum kostar
áfram um 600-800 kr. og hamborgar-
amir frá 350 til 450 kr. eða meira.
En þaö er gistiverðið sem gerir
gæfumuninn hvort ferðamenn dvelja
hér lengur eða skemur. Einhvers
staöar verður fólk að sofa og þótt um
ferðamenn sé að ræða eru ekki allir
sem kæra sig kollótta um næturstað-
inn. Það sem fólk sækist eftir, rétt
eins og þegar við erum á ferðalagi
erlendis, er að fá hótelherbergi á
viðráðanlegu verði.
Og hvað er þá viðráðanlegt verð?
Það er verð sem ferðamannahótel
bjóða almennum ferðamönnum
(ekki í viðskiptaerindum) og fjöl-
skyldum þeirra og miða við tvo í
herbergi með mögiúeika á þriðja að-
ila, t.d. barni að unglingi með foreldr-
um. - Þetta verð hefur ákveðna við-
miðun um alla Vestur-Evrópu og
Bandaríkin. Þetta verð er auglýst í
ferðabækflngum og blöðum sem fólk
hefur greiðan aögang að. - í Banda-
ríkjunum t.d.'má sjá þetta hótelverð
auglýst í helstu blöðum og er verðið
á bilinu $35 og $49 eftir stærð og
þægindum hótelanna, sem eru þó
með flestan aðbúnað aflstaðlaðan,
þ.e. sér baðherbergi og sjónvarpi. -
Ég læt fylgja hér með úrklippu úr
amerísku dagblaði sem ég hafði með
mér eftir dvöl vestra fyrr í sumar.
Það er mikill munur á að greiða frá
kr. 2.100 til 2.800 fyrir herbergi og
4.500 kr. til 7.500 kr. á venjulegum
sveitahótelum hér á landi. - Lái hver
sem vifl því fólki sem forðast slíka
verðlagningu.
Vil ekki Sjónvarpið
P.K. skrifar:
Hvað á fólk að gera sem með engu
móti vill greiða afnotagjald af sjón-
varpi RÚV en vill gjaman halda
áskrift að hljóðvarpinu? Eru virki-
lega engar vangaveltur í gangi hjá
hinu opinbera eða hjá löggjafanum,
sem ræður því sem ráðið verður, í
þá átt að létta þessum ósköpmn, þess-
ari nauðungaráskrift af fólki?
Þessi skylduáskrift að Ríkisútvarpi
er orðin yfirþyrmandi plága, maður
er á nálum um hver mánaðamót,
hvort búið sé að greiða af þessu, ann-
ars hækkar gjaldið um 10%, stund-
um meir ef lengur dregst að greiða
gjaldið. - Maður hefur bara ekki
heyrt um þess konar aðfarir að fólki
neins staðar. Að skylda fólk til að
gerast áskrifandi að dagskrá, þótt
maður eigi tæki, er jafn fáránlegt og
að skylda menn til að kaupa blöð um
leið og þeir verða læsir.
Nú er komin sú tækni að flestir sem
vilja notafæra sér erlendar sjón-
varpsstöövar gera það. Það er hægt
að kaupa móttökudisk sem nær milli
9 og 11 rásum, t.d. frá sjónvarps-
hnettinum Astra I. Þar á meðal eru
stöðvar eins og Sky News og fjöldi
annarra stöðva sem maður horflr á
ókeypis. Þar er fréttaflutningur
margfalt betri en sá sem Sjónvarpið
býður okkur. - Að ógleymdu öðru
efni.
Það er beinlínis skylda Alþingis að
létta þeirri kvöð af mönnum hér að
greiða skylduáskrift til ríkisins fyrir
sjónvarp og útvarp. Enginn skattur
á þar að taka við, hvorki svokallaður
nefskattur né annar. Ríkið á einfald-
lega engan rétt á því að skattleggja
fólk fyrir efni sem það vill ekki eða
hefur ekki þörf fyrir.
Ruslinu hent hvar sem er
Kristín hringdi:
Ég get ekki orða bundist þegar
maður sér með eigin augum hve ifla
menn umgangast náttúruna og um-
hverfið í kringum sig. Það \u-ðist
sumum ekkert heilagt í þessum efn-
um þegar þeir taka sig til við að
„hreinsa" í eigin ranni. - Þá taka
þeir oft á sig langan krók til að koma
ruslinu fyrir þar sem þeir halda að
enginn sjái til þegar þeir losa sig við
það. - Annars má kannski frekar
orða það svo að þeir hendi ruslinu
bara hvar sem er, annars staðar en
í næsta umhverfi viö sig.
Það var einmitt fyrir fáum dögum
að ég sá hvar bíll ók í nágrenni okk-
ar og niður að læknum sem er i
næsta umhverfi við Stálvík. Þar af-
fermdi ökumaður bílsins allt það
rusl sem hann var með og ók svo
burt. Líklega glaöur í sinni yfir því
aö vera búinn að losa sig við farm-
inn. - Þetta þóttu þeim er fylgdust
með úr fjarlægð ljótar aðfarir.
Það var nú ekki hægt að stifla sig
um að aðgæta hvaða rusl þama hefði
veriö losað. Og þá gaf á að líta stóla,
bamarúm, tré- og pappaspjöld hvers
konar, plastpoka að sjálfsögðu og
hluta úr innréttingum. Það er líklega
hreint í kringum þann sem losar sig
við svona óþarfa heima! - Ég vona
bara að þið getið myndaö þetta og
birt til sönnunar máli mínu. - Það
er nefnilega ekki oft sem fjölmiðlar
gera sér far um að sýna almenningi
Við lækinn var ruslið losað.
hvað svona nokkuð er mikið lýti á verðum svo að greiða sjálf fyrir að
náttúrunni og því umhverfi sem við láta hreinsa.
Ferðaþjónusta
bænda
Þ.S. hringdi:
Qft heyrast þær raddir að
bændur séu aurakærir sem
kannski á við um suma þeirra,
einkanlega á sviði lax- og silungs-
veiða. Nýlega vorum við hjónin á
ferð og fengum okkur svefnpoka-
pláss í Víðigeröi í Víðidal, Hún„
ágætt tveggja maima herbergi
með aðgangi aö baði, setustofu
með sjónvarpi o.fl.
Um morguninn þegar kom aö
uppgjöri fyrir gistinguna lágu
skilaboð fyrir í afgreiöslunni um
að við ættum ekki að greiða neitt
fyrir herbergið þar eð gleymst
hefði að þrífa það og það hefðu
verið alvarleg mistök að láta okk-
ur fá þetta umrædda herbergi.
Það skal tekið fram að ekki voru
nein merki þess að herbergið
væri óþrifiö enda mótmæltum við
ákvörðuninni - en án árangurs.
- Þetta sýnir að ekki er alls staö-
ar okrað í ferðaþjónustu bænda.
Ekkimáskaða
skúrkinn
Kristján Guðmundsson skrifar:
Ég las nýlega frétt í DV þar sem
fjallaö var um úöabyssur eða
önnur tiltæk varnartæki sem
konur bera á sér til að verjast
hugsanlegum nauðgurum og Öðr-
um aövifandi glæpamönnum á
almannafæri. - Fram kom að slík
tæki er ekki leyfilegt að nota hér.
Raunar var sagt að notkun
svona tækja gæti skaðað þann
sem þeim væri beint að. En hvað
með þolandann? Má hann ekki
beita neinum vömum? Á líklega
bara að bíöa rólegur og kalla á
lögreglu sem sleppir skúrknum
eftir nokkra yfirheyrslu?
Sjömannanefnd!
Margeir hringdi:
Ég hugsa að flestir hafi heyrt •
talað um fimmmanna- og sex-
mannanefndimar sem ávaflt eru
í fréttunum vegna búvörusamn-
inga bænda. En sjömannanefhd á
þessum vettvangi finnst mér vera
orðið hreint grin.
RegínaogRíkið
áSeKossi
Höskuldur Jónsson skrifar:
Athygli mín hefur verið vakin
á grein er birtist í DV 10. ág. sl.
og bar fyrirsögnina „Loks kom-
irrn bragur á áfengisverslunina".
- Greinina ritar Regína Thorar-
ensen, fréttaritari á Selfossi.
Ég er þakklátur Regínu fyrir
að hafa vakiö athygli á að um-
skipti hafa orðið til bóta á hús-
næði ÁTVR á Selfossi. Fátt annað
er hins vegar rétt í greininni og
því ekki þakkarvert. ÁTVR hefur
árum saman reynt aö fá meðeig-
endur sína að húsinu Vallholti 19
til að lagfæra hús og lóð. ÁTVR
hefur alltaf haft fé á lausu til að
greiða hlutdeild sína í þessum
framkvæmdum en neitað að
greiða hlut annarra. Af hálfu
meðeigenda ÁTVR fengust hins
vegar engar undirtektir um þátt-
töku í viðgerðarkostnaöi. Strax
og Oddfellowreglan haföi fest
kaup á þeim eignarhluta, sem
ekki var ríkisins, hófust viðræð-
ur eignaraðila um framkvæmdir
þær sem nú era orönar að veru-
Ieika. - Hefði fféttamaður DV
kynnt sér málavöxtu má ætla að
atbeini ÁTVR í málí þessu væri
íyrirtækinu frekar til sóma en
efni til að atyrða.
Erteygjustökk
hættulegt?
Magnea hringdl:
Mér þætti fróðlegt ef einhverjir
sem til þekkja gætu frætt okkur
um hvort teygjustökkiö (vin-
sæla!) er hættulegt fyrir þá sem
það framkvæma.