Dagblaðið Vísir - DV - 30.04.1994, Síða 20

20
LAUGARDAGUR 30. APRÍL 1994
Kvikmyndir____________________________________
Kvikmyndahátíðin í Cannes 12.-23. maí:
Gullpálminn er eftirsóttur
- Jean Renoir, Federico Fellini og Robert Altman heiðraðir
í síðustu viku létu aðstandendur
kvikmyndahátíðarinnar í ('annes
uppi hvaða tuttugu og þrjár kvik-
myndir mundu keppa um hinn eftir-
sótta gullpálma en hátíðin mun
standa yfir 12.-23. maí. Það sem er
eftirtektarverðast þegar listinn yfir
hinar útvöldu kvikmyndir er skoðað-
ur er að aðeins eina kvikmynd er
hægt aö rekja til stóru kvikmynda-
fyrirtækjanna í Hollywood og kemur
hún frá Parmount en þrjár banda-
rískar kvikmyndir frá óháðu fyrir-
tækjunum eru meðal þeirra sem
koma til með að keppa um gullpálm-
ann.
Gilles Jacob, sem er stjómandi
hátíðarinnar, neitaði því að vísvit-
andi hefði verið sneitt hjá banda-
rísku kvikmyndarisunum og einnig
neitaði hann því að sömu fyrirtæki
hefðu ekki viljað senda kvikmyndir
í keppnina. „Kvikmyndahátiðin í
Cannes endurspeglar aöeins það sem
er að gerast í Hollywood. Minni fyrir-
tækin eru að festa sig betur og betur
í sessi og stóru fyrirtækin eru að
senda sínar bestu kvikmyndir á
markaðinn fyrir jól eða á haustin og
þá væru þær ekki gjaldgengar í
Cannes," sagði Jacob á biaðamanna-
fundi í Cannes.
Og talsmaður U.S. Motion Pictures
Associtation sagði að það væri alls
ekki rétt að viljandi væri verið að
sneiða hjá kvikmyndahátíðinni í
Cannes. „Það er aðeins æsifrétta-
mennska að vera að tala um slíkt.“
Kvikmynd sú frá Paramount, sem
fékk náð fyrir augum dómnefndar-
innar sem valdi kvikmyndirnar tutt-
ugu og þrjár, er The Browning Versi-
on sem leikstýrð er af Bretanum
Mike Figgis. Þrjár aðrar bandarískar
kvikmyndir eru á listanum: The
Hudsucker Proxy, leikstjóri Joel Co-
en, Pulp Fiction, leikstjóri Quentin
Tarantino, og Mrs. Parker and the
Vicious Circle, leikstjóri Alan Ru-
dolph.
Fjórar kvikmyndir koma frá Ítalíu,
meðal þeirra er nýjasta kvikmynd
Giuseppe Tornatore, Una pura form-
altia, en hann hlaut óskarsverðlaun
fyrir Cinema Paradiso. Aðalleikari í
Una pura formaltia er Gerard Dep-
ardiu en þess má geta að fimmtán
leikstjórar af tuttugu og þremur hafa
ekki átt kvikmynd í keppninni um
gullpálmann áður.
Frá Frakklandi koma þijár kvik-
myndir, þar á meöal La reine Margot
sem leikstýrð er af Patrice Chereau.
Gerist sú kvikmynd 1572 og segir frá
ástum aðalsmanna, aðalhlutverkið
leikur Isabelle Adjani.
Snillingar heiðraðir
Eins og ávallt í Cannes eru hliðar-
keppnir og einnig eru sýndar for-
vitnilegar kvikmyndir sem alls ekki
eru í neinni keppni, má þar nefna
heimildarkvikmynd um stríðið í
Bosníu þar sem franski heimspek-
ingurinn og rithöfundurinn Bem-
ard-Henri Levy gagnrýnir harkalega
vestrænar þjóðir fyrir að beita ekki
hervaldi í landinu.
Kvikmyndahátíðin í Cannes mun
heiðra þrjá kvikmyndasnillinga, Je-
an Renoir, en hundrað ár eru frá
fæðingu hans í ár, hinn nýlátna Fed-
erico Fellini og hinn sprelllifandi
Robert Altman. Meðal þess sem gert
veröur til að heiðra minningu Reno-
irs er sýning á ljósmyndum og 90
mínútna kvikmynd sem sett er sam-
an úr bútum úr kvikmyndum sem
hann notaði ekki. Robert Altman
mun taka sér frí frá nýjustu kvik-
mynd sinni Pret-a-Porter til að heim-
sækja Cannes en allar hans kvik-
myndir, sem hann gerði fyrir 1980,
verða sýndar.
Clint Eastwood er formaður dóm-
nefndarinnar sem kemur til með að
velja þá kvikmynd sem hlýtur gull-
pálmann en með honum í nefndinni
eru meðal annars John Travolta,
Bruce Wilhs, Kathleen Turtner og
Jennifer Jason Leigh.
Kvikmyndir
Hilmar Karlsson
Krzystof Kieslowski. önnur kvikmynd hans í litatríólógiunni, Trois Co-
uleours Rouge, á möguleika á að vinna gullpálmann.
23 útvaldar
Hér fer á eftir listi yfir þær tuttugu og þrjár kvikmyndir sem valdar hafa
veriö til að keppa um gullpálmann í ár, leikstjóri myndarinnar er innan sviga.
The Hudsucker Proxy (Joel Coen)
Grosse fatigue (Michel Blanc)
Barnabo delle montagne (Mario Brenta)
La reine Margot (Patrice Chereau)
Exotica (Tom Egoyan)
The Browning Version (Mike Figgis)
Le Buttane (Aurelio Grimaldi)
Swaham (Shaji N. Karun)
Au travers des Oliviers (Abbas Kiaroatami)
Trois Couleurs Rouge (Krzysztof Kieslowski)
Assia et la Poule aux Oeufs d’Or (Andrei Konchalovsky)
Outomlionnye Solntsem (Nikita Mikhalkov)
Caro diario (Nanni Moretti
Neak Sre (Rithy Panh)
Un ete inoubliable (Lucian Pintilie)
La Reine de la Noche (Arturo Ripstein)
Les Patriotes (Eric Rochant)
Mrs. Parker and the Vicious Circle (Alan Rudolph)
Pulph Fiction (Quentin Tarantino)
Una pura formalita (Giuseppe Tornatore)
Le joueur de Violon (Charlie van Damme)
Du Li Shi Dai (Edward Yang)
Huozhe (Zhang Yimou)
Bandaríkin
Frakkland
ítalia
Frakkland
Kanada
Bandaríkin
ítalia
Indland
Iran
Swiss/Pólland
Rússland
Rússland
Ítalía
Kambódía
Rúmenía
Mexíkó
Frakkland
Bandaríkin
Bandaríkin
Ítalía
Belgía
Taiwan
Kína
Trylltar nætur í Regnboganum:
Hlaut Sesar-verðlaunin fáum
dögum eftir að hann lést
valin besta myndin.
Collard byggir kvikmynd sína á
sjálfsævisögulegri skáldsögu sinni
en hann kom víða við á stuttum
listamannsferli, var rithöfundur
tónlistarmaður og kvikmynda-
gerðarmaður. Við undirbúning
myndarinnar tókst honum ekki að
finna leikara við hæfi í aðalhlut-
verkið og sló að lokum til sjálfur.
Má því segja aö Collard leiki að
miklu leyti sjálfan sig í myndinni.
Trylltar nætur vakti geysilega at-
hygli í Frakklandi og hratt af stað
mikilli umræðu um eyðni, eyðni-
sjúklinga og málefni þeirra.
Myndin fjallar um stormasamt
tímabil í líf Jeans sem er ungur
tvíkynhneigður kvikmyndagerðar-
maður. Jean er smitaður af eyöni
og reynir af fremsta megni að njóta
lífsins til hins ýtrasta áður en það
er um seinan. Hann á samtímis í
átakamiklum ástarsamböndum við
unga stúlku og íþróttakappa þar
sem lífspúlsinn slær hratt. Myndin
þykir lýsa vel tilfmningum og
hugsunum Jeans og misjöfnum
viðbrögðum umhverfisins gagn-
vart hinum mikla vágesti, eyðn-
inni.
Regnboginn hefur frumsynt Tryllt- ard var smitaður af eyðni sem dró mynd hlaut fem Sesars- verðlaun
ar nætur (LeNuits Fauves) sem hann til dauða aðeins nokkrum sem eru helstu kvikmyndaverð-
leikstýrð er af Cyril Collard. Coll- dögum áður en þessi áhrifamikla laun Frakka. Var meðal annars
Vondustelpumar
vinsælust
Þrátt fyrir að nýjasti vestrinn,
Bad Girls, hafi fengiö frekar
slæma útreið hjá gagnrýnendum
var hún vinsælasta kvikmyndin
í Bandarfkjunum um síðustu
helgi, halaði inn fimm milljónir
dollara, fyrstu viku á listanum. Á
eftir Bad Girls komu eftirtaldar
kvikmyndir: 2. Four Weddings
and a Funeral, 3. The Inkwell, 4.
The Paper, 5. D2: The Mighty
Ducks, 6. Cops and Robbersons,
7. Schindler’s List, 8. Brainscan.
Bresku „óskars-
verðlaunin"
Um síðustu helgi var mikið um
dýrðir í London þegar bresku
„óskarsverðlaunin“ voru afhent.
það kom fáum á óvart að Steven
Spielberg skyldi endurtaka leik-
inn frá því í Hollywood í fyrra
mánuði. Var Schindler’s List kos-
in besta kvikmyndin og Steven
Spielberg besti leikstjórinn. Ant-
hony Hopkins (Remains of the
Day) var valinn besti leikari í
aðalhlutverki, Holly Hunter (The
Piano), besta leikkonan, Ralph
Fiennes (Schindler’s List) besti
leikarinn í aukahlutverki og Mir-
iam Margolys (The Age of Innoc-
ence) besta Ieikkona í aukahlut-
verki.
Kika-Nýmyndfrá
PedroAlmodóvar
Frekar lítið hefur farið fyrir
spánska leikstjóranum Pedró
Almodóvar að undanfömu á
meðan aðalleikari hans Antonio
Banderas er heldur betur að slá
um sig í Holly wood. Þessa dagana
er víöa verið að frumsýna nýj-
ustu kvikmynd Almodóvars
Kika, meðal annars í Bandarikj-
unum. Og sem fyrr er syndin
lævís og lipur i meðförum
Almodóvars. Fjallar myndin
meöal annars um unga stúlku
sem heldur við ástkonu föður
síns. Aðalhlutverkin leika Ver-
onica Forque, Victoria Abril og
Peter Coyote, sem 'er greinilega í
miklu uppáhaldi hjá evrópskum
leikstjórum, sást fyrir stuttu í
kvikmynd Roman Polanskis,
Bitter Moon.
MarlonBrando
læturtilleiðast
Sagt er að Marlon Brando liki
það best að gera ekki neitt. Tll
að mynda neitar hann öllum til-
boöum sem honum berast. Einn
maður hefur þó haft lag á að fá
hann til að vinna, Francis Ford
Coppola. Hefur Coppola enn eina
ferðina tekist að draga gamla
manninn fram fyrir kvikmynda-
vélarnar. Mun hann leika í kvik-
myndinni Don Juan DeMarco
and the Centrefold, sem Coppola
framleiðir, en nýliðinn Jeremy
Leven leikstýrir. Leikur Brando
sálfræöing sem er illa farinn á
sálinni. Johnny Depp leikur
sjúkling hans sem heldur að hann
sé Don Juan endurborinn.
RomanPolanski
kvikmyndar
þekkt leikrit
Nokkuð er síöan Bitter Moon
var sýnd hér á landi viö mjög
góöa aðsókn. Vorum viö þónokk-
uð á undán Bandaríkjamönnum,
en stutt er síðan hún var frum-
sýnd vestan hafs og fékk hún
ágætar viðtökur hjá gagnrýnend-
um. Polanski hefur ekki setið
auðum höndum að undanfömu.
Er hann að undirbúa kvikmynda-
gerð eftir hinu þekkta leikriti
Death and the Maiden eftir Ariel
Dorfman. Aðalhlutverkin munu
Sigoumey Weaver og Ben Kings-
ley leika.