Dagblaðið Vísir - DV - 05.11.1994, Blaðsíða 31

Dagblaðið Vísir - DV - 05.11.1994, Blaðsíða 31
LAUGARDAGUR 5. NÓVEMBER 1994 39 Nemendurnir á Laugum deyja ekki ráðalausir: Reka eigið kaffihús Jóhanna S. Sgþóisdóttir, DV, Laugum: „Þegar við fórum af stað með þetta kafflhús var það fyrst og fremst liður í því að efla félagslífið hér um helg- ar. Frá því að skólinn var stofnaður fyrir tæpum 70 árum hefur félagslíflð alltaf verið blómlegt. Þessi rekstur er okkar þáttur í því að viðhalda því," segja þau Dögg Matthíasdóttir og Elmar Viðarsson, sem bæði eru nemendur við Framhaldsskólann á Laugum. Það má segja að það sé orðin eins konar tíska meðal menntaskólanema í þéttbýlinu að setjast inn á kaffihús og ræða máhn yfir bolla af rjúkandi „espresso". Það þykir eiginlega eng- inn maður með mönnum nema hann eða hún láti sjá sig reglulega á slíkum stöðum, enda er það þar sem fólk framtíðarinnar hittist og andi visk- unnar svífur yfir vötnunum. Tekið fagnandi Vitaskuld hafa nemendur úti á landsbyggöinni ekki haft sömu möguleika á að stunda þennan þátt félagslífsins og jafnaldrar þeirra í Reykjavík. Því var það aö Lauga- nemendur tóku til sinna ráða í haust og settu á laggirnar eigið kaffihús, Kaffi Laugar, sem þeir reka að öllu leyti sjálfir. Þessari nýjung hefur verið tekið fagnandi og aðsóknin ver- ið eftir því. „Kaffihúsin eru í tísku núna og þeim hefur farið sífjölgandi, bæði í Reykjavík og úti á landsbyggðinni," segir Dögg. „Við hugsuðum sem svo að auðvitað væri hægt að reka kaffi- hús hér. Svo við slógum bara til." Allttilstaðar „Við erum með mjög góða að- stöðu," bætir Elmar við. „Hér er stórt, fullkomið eldhús, með öllum tækjum og tólum, sem hefur verið notað viö kennslu á ferðamálabraut- inni en ekkert umfram það. Það var mál til komið að nota það meira. Hér er því allt til staðar og við þurfum ekki að gera neitt annað en að kaupa hráefnið og koma því í ætilegt form!" Það er hópur nemenda á þriðja og fjórða ári á íþróttabraut og ferða- málabraut framhaldsskólans sem sér um kafíihúsið. Tveir sjö manna hóp- ar skiptast á þá daga sem opið er, þrír þjónar og fjórir í eldhúsi. „Við mætum svona fjórum tímum áður en opnað er og byrjum að baka, dekka borðin og gera allt klárt," seg- ir Elmar. „Þjónarnir sjá um salinn en hinir ákveða hvað er á matseðlin- um og sjá um að úfbúa það." Gómsætar veitingar Það er ýmislegt á boðstólum í Kaffi Laugum, svo sem heitar vöfflur með ís eða rjóma, ýmsar gómsætar kökur og brauð. Krakkarnir segjast hafa verið að fikra sig áfram og auka úr- valið. Nú sé til dæmis farið að bjóða upp á ís hússins sem sé mjög vin- sæll. Einnig sé fyrirhugað að bjóða upp á fleiri tegundir kaffidrykkja og jafnvel pitsur. „Við höfum fengið góða hjálp við þetta því Erla Sigurðardóttir, kenn- arinn okkar á ferðamálabraut, og matreiðslumaðurinn hérna, hann Kristján Guðmundsson, hafa aðstoð- að okkur á allan máta." Uppábúnir þjónar Þegar komið er inn á Kaffí Laugar tekur á móti gestunum lágvær tón- list, uppábúnir þjónar og auðvitað rjúkandi kaffiilmur. Húsnæðið er notalegt og það er auðvelt að láta fara vel um sig við kertaljós á dúk- uðu borði. Það hefur einkum komið í hlut strákanna að bera fram og því Það er handagangur i öskjunni hjá þjónaliðinu þegar aðsóknin er mikil. Elmar mátti ekki vera að því að líta upp enda hætt við að ísinn bráðni á heitum vöfflunum ef menn fara að taka sér góðan tíma til að brosa framan í myndavélina. Dögg og Helena Osk taka girnilega eplaköku úr ofninum. Nemendur kunna vel að meta þá nýjung að geta sest inn og keypt sér veitingar á vægu verði. DV-myndir JSS liggur beinast við að spyrja þau Dögg og Elmar hvort gamla skiptingin ráði ríkjum í kaffihúsinu, strákarnir í salnum og stelpurnar í eldhúsinu. Þau þvertaka fyrir það og segja að strákarnir taki ekkert síður þátt í eldhússtörfunum en stelpurnar. Til- viljun hafi eigmlega ráðið því að strákarnir hafi séð um þjónustuna, .....og svo eru þeir auðvitað rosa- lega myndarlegir í svörtu og hvítu," bætir Dögg við. Þau eru sammála um að kaffihúsið hafi gengið miklu betur en búist hafi verið við í fyrstu. Kaffihús fyrir alla „Við fórum út í þetta dæmi með það fyrir augum að bæta félagslífið og hafa fyrir kostnaði. En þetta hefur farið fram úr björtustu vonum. Það er aðeins eitt sem við söknum og það er að fólkið úr sveitinni hér skuli ekki mæta oftar en raun ber vitni. Við höfum sent dreifibréf á alla bæi í nágrenninu og það hafa fáeinir komið og fengið sér kaffi, - en þeir eru alltof fáir. Fólkið sem býr hér á Laugum hefur aftur á móti verið duglegra við að hta inn til okkar. Þetta kaffihús er ekkert bara fyrir okkur í skólanum. Það gegnir ná- kvæmlega sama hlutverki og versl- unin, pósthúsið og bankinn hér á staðnum. Þetta er kaffihús fyrir alla." Aðspurð hvort einhver afgangur verði af rekstrinum segja þau Dógg og Elmar að það verði aldrei mikið því verðinu á veitingunum sé mjög stilltíhóf. „En ef við fáum einhverjar krónur út úr þessu þá mun hópurinn kannski skella sér í einhverja menn- ingarreisu, fara til dæmis út að borða," segir Dögg. „Það yrðu okkar laun fyrir vinnuna við kaffihúsið því við vinnum þetta allt í sjálfboða- vinnu." Hæfileikaríkt fólk Á Kaffi Laugum er boðið upp á lif- andi tónlist sem nemendur sjá að sjálfsögðu um sjálfir. ' „Við eigum fullt af hæfileikaríku fólki hérna og hyggjumst virkja sem flesta í þetta með okkur. Við erum með fullt af hugmyndum fyrir fram- tíðina og það mætti hugsa sér alls konar uppákomur. Nú stendur til að endurskipuleggja feröamálabrautina allverulega og komið hefur upp sú hugmynd að rekstur kaffihússins verði einn liður í verklega náminu. En þetta er einungis hugmynd enn sem komið er. í byrjun desember koma hingað Halldór Skaftason, veit- ingastjóri í Perlunni, og Gísli Thor- oddsen matreiðslumeistari. Við eig- um að undirbúa veislu undir þeirra leiðsögn. Þetta er einn liður í kennsl- unni, að nota þá góðu aðstöðu sem. er hér og fá hingað fagfólk, eða með öðrum orðum að láta fjalhð koma til Múhameðs. Þessir fagmenn dusta okkur til og kenna okkur margt nýtt. sem síðan kemur meðal annars að góðum notum við rekstur kaffihúss- ins." Hausttilboð ^ á verkfærum Rafhlöðu- borvélitösku, 2 V, skrúfbitar og borar fylgja, kr.11.200stgr. Fræsari, 450 w, landogfræsitennurfylgja, kr 10.850 stgr Smergill,20o-8oo w, verð frá 3.250 stgr. Hjólsög, 1300W, kr 8.920 stgr. Súluborvélar m/skrúfstykki, verð frá kr. 9.950 stgr. Járnrennibekkur, 40 cm milli odda, kr 79.800 stgr Trérennibekkur m/kóperingu, 4 hraðar, 1 m milli odda, kr 44.300 stgr Rafmagnsborvélar, 500-900 W, verð frá kr. 3.700 stgr. j^Æ^ Slípirokkar, CS verð frá 4.400 Trérennibekkur, 4 hraða, 1 m milli odda, kr 11.900 stgr - trygg Faxafen 9, s. 887332 Opið mánud.-föstud. kl. 9-18, laugard. kl. 10-14
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.