Þjóðviljinn - 17.06.1983, Blaðsíða 13

Föstudagur 17. júní 1983 ÞJÓÐVILJINN - SÍÐA 13
Þau sem kynntu hugmyndir sínar um byggingu tónleikahúss ásamt blaðamönnum. Frá vinstri: Jón
Þórarinsson tónskáld, Karólína Eiríksdóttir tónskáld, Ármann Örn Ármannsson viðskiptafræðingur,
Ingi R. Helgason forstjóri, og Gunnar Egilsson hljómlistarmaður. - Ljósm.: Leifur.
Tónleikahús vígt
á Listahátíð ’88
Samtök um bygg-
ingu tónleikahúss
hafa tekið til
starfa
öflunarhóp, prógrammeringshóp
og staðarvalshóp. Jafnframt hefur
verið unnið að því að fá sem flesta
til að gerast þátttakendur í Sam-
tökum um tónlistarhús, en svo
nefnast samtökin. Eru þátttakend-
ur orðnir um 800 talsins.
í gær stóð undirbúningsnefndin
fyrir blaðamannafundi þar sem
áform, fyrirhuguð fjársöfnun,
staðarval og fleira var kynnt. Þar
kom fram að 7-8 staðir fyrir hljóm-
leikahúsið koma til greina og hefur
þegar verið haft samband við
skipulagsyfirvöld. Ljóst er að Há-
skólabíó stendur engan veginn
undir þeim kröfum sem gerðar eru
til húss fyrir tónleikahald, jafnvel
þó svo tekið hafi verið tillit til þarfa
tónlistarinnar þegar húsið var
byggt. Mörg vandamál hefðu
skotið upp kollinum á þeim tíma
sem bíóið hefur sinnt stærri tónlist-
arviðburðum, hljómburður er ekki
nándar nærri nógu góður, þakleki
er vaxandi vandamál, hávaði sem
berst að utan gerir tónlistar-
mönnum gramt í geði. Enda mun
ísland vera eina landið í öllum hin-
um siðmenntaða heimi sem á ekki
tónleikahús, eins og einn fundar-
manna orðaði það í gær, og í raun
ekki nema eitt hús á öllu landinu
sem byggt hefur verið eingöngu
fyrir tónlist, en það er Hljóm-
skálinn í Reykjavík.
Tónleikahús - ekki
tónleikahöll
„Þegar teknar verða ákvarðanir
um ytri og innri gerð hússins er
mikill vandi á höndum. Við mun-
um ekki leggja áherslu á að byggja
einhverskonar prjálhýsi eða höll,“
sagði Ingi R. Helgason sem er ritari
undirbúningsnefndar á blm. fund-
inum í gær. Ingi sagði ennfremur
að kostnaður við byggingu slíks
húss lægi nálægt 3/4 hluta verði nýs
skuttogara, en verð ákvarðast af
því hvort gert verði ráð fyrir óperu-
flutningi sem mun auka mjög
kostnað. „Þó enn hafi engar á-
kvarðanir verið teknar um innri
gerð hússins er þó víst að stór salur
verður fyrir sinfóníutónleika og
einnig aðstaða fyrir kammermús-
íktónleika," sagði Ingi.
Undirbúningsnefnd er m.a. ætl-
að að efna til stofnfundar samtaka
um byggingu tónlistarhúss og er
meiningin að fundurinn verði í
haust. Þar verða teknar ákvarðanir
um staðarval, gerð hússins o.s.frv.
Áætlað er að tónlistarhúsið verði
að fullu byggt fyrir Listahátíð vorið
1988 og verði tekið í notkun á há-
tíðinni. -hól.
r
Islandskynn-
ing í Nor-
ræna húsinu
Unnur Guðjónsdóttir, ballett-
meistari, verður með íslandskynn-
ingu í Norræna húsinu kl. 17:00
dagana 21. júní og 2., 9., 12., 23.,
26. og 30. júlí. íslandskynninguna
flytur Unnur á sænsku með frásögn
um sögu íslands, landslag og lifn-
aðarhætti og litskyggnur verða
sýndar til stuðnings frásögninni.
Nokkrar íslenskar vísur verða
einnig sungnar á íslensku.
Dagana 2. og 30. júlí kl. 15:00
hefur Unnur Guðjónsdóttir einnig
kynningu á Svíþjóð, sem ætluð er
íslendingum:
Undanfarin ár hefur Unnur
Guðjónsdóttir farið á vegum Nor-
ræna félagsins í Svíþjóð og Finn-
landi til ýmissa staða í þessum
löndum og flutt erindi um ísland og
ýmiss konar kynningaratriði og
hefur verið gerður mjög góður
rómur að þessu starfi Unnar. Hef-
ur hún oft klæðst íslenska fald-
búningnum í þessu sambandi og
verður svo einnig nú í Norræna
húsinu.
Námsstyrkir
Úthlutað hefur nú verið í annað
sinn styrkjum til náms- og kynnis-
ferða úr sjóði, sem hjónin Lis og
lngvard Thorsen stofnuðu fyrir
nokkrum árum, til styrktar
garðyrkju- og búfræðingum, sem
væru við nám á hinum Norður-
löndunum.
Að þessu sinni fengu styrki:
Daði Tómasson, sem er við garðyr-
kjunám í Danmörku, Áslaug
Traustadóttir, við garðyrkjunám í
Noregi og hópur búfræðinga frá
Hvanneyri, sem fara í náms- og
kynnisferð til Noregs nú í sumar.
Tónleikahús, gamall draumur
tónlistarmanna í Reykjavík og víð-
ar sem þurft hafa að horfa uppá
ótryggt tónleikahald á fjölmörgum
stöðum sem byggðir voru með allt
annað en hárfínar þarfir tónlistar-
innar í huga, kann að vera tekið í
notkun á Listahátíð 1988. Það vilja
þeir meina sem stóðu að undirbún-
ingsfundi í Háskólabíói laugardag-
inn 4. júní síðastliðinn. Þar var
kosin 12 manna nefnd skipuð Ár-
manni Erni Ármannssyni við-
skiptafræðingi, Jóni Þórarinssyni
tónskáldi, Sigurði Helgasyni for-
stjóra, Björgvini Vilmundarsyni
bankastjóra, Gunnari Egilssyni
hljómlistarmanni, Jóni Nordal tón-
skáldi, Inga R. Helgasyni forstjóra,
Karólínu Eiríksdóttur tónskáldi,
Hákoni Steingrímssyni formanni
stjórnar Sinfóníunnar, Finni Torfa
Stefánssyni lögfræðingi, Rut
Magnúsdóttur söngvara og Einari
Jóhannessyni hljómlistarmanni.
Nefndin hefur þegar haldið nokkra
fundi, skipt með sér verkum og sett
á stofn fjóra starfshópa:
kynningar- og útbreiðsluhóp, fjár-
ÉG BYRJAÐI
1. OKTÓBER
— ÞETTA ER
EKKERT MÁL
||Uf^FERÐAR
17. JÚNÍ
Öllum er augljóst gildi þess að
vinna með öðrum - taka sameigin-
lega á þeim verkefnum sem eru
hverjum og einum ofviða.
Án samvinnu og samstöðu lands-
manna allra hefði íslensku þjóðinni
seint tekist að brjóta á bak aftur
áþján erlends valds og öðlast sjálf-
stæði 17. júní 1944.
Samvinnufélögin eru frjáls og
óháð félagasamtök meira en 45.000
einstaklinga. Samvinnuhreyfingin
vill vera öflugur þátttakandi í fram-
fararsókn íslensku þjóðarinnar. Hún
vill vinna með öðrum þjóðhollum
öflum við að byggja upp traust efn-
ahagslíf og taka á þann hátt virkan
þátt í ævarandi sjálfstæðisbaráttu
þjóðarinnar.
SAMBAND ÍSLENSKRA SAMVINNUFÉLAGA
I