Þjóðviljinn - 02.09.1988, Blaðsíða 12
Herstöðvaandstæðingar
takið eftir
Landsráöstefna Samtaka herstöðvaandstæð-
inga verður haldin 15. október í Risinu, Hverfis-
götu 105, Reykjavík. Dagskrá verður auglýst síð-
ar.
Samkeppni um listaverk
í Laugardal, Reykjavík
Menntamálaráðuneytið, Borgarráð Reykjavíkur,
íþróttasamband íslands og Ólympíunefnd ís-
lands, bjóða félögum í Sambandi íslenskra
myndlistamanna til almennrar verksamkeppni,
samkvæmt samkeppnisreglum S.Í.M. um lista-
verk sem staðsetja á utanhúss í Laugardal við
Sigtún, Reykjavík.
Þrenn verðlaun verða veitt:
1. verðlaun kr. 450.000.-
2. verðlaun kr. 250.000.-
3. verðlaun kr. 150.000.-
Keppnisgagna má vitja hjá trúnaðarmanni dóm-
nefndar, Jóhönnu S. Einarsdóttur á skrifstofu
S.Í.M. gegn kr. 1.000.- í skilatryggingu frá og með
5. september nk. kl. 12.00-14.00 mánudag til
föstudags.
Tillögum skal skilað fyrir kl. 17.00 1. mars 1989,
til trúnaðarmanns á skrifstofu S.Í.M., Freyjugötu
41, Reykjavík.
Dómnefndin
Haustönn 1988
Innritun í prófadeildir
AÐFARANÁM: Jafngilt námi í 7. og 8. bekk
grunnskóla (1. og 2. bekkur gagnfræðaskóla).
Ætlað þeim sem ekki hafa lokið ofangreindum
eða vilja rifja upp og hafa fengið E (1 -3) á grunn-
skólaprófi.
FORNÁM: Jafngilt grunnskólaprófi og foráfanga
áframhaldsskólastigi ætlað fullorðnum, sem ekki
hafa lokið gagnfræðaprófi, og unglingum sem
ekki hafa náð tilskildum árangri á grunnskólaprófi
(fengið einkunn D).
FORSKÓLI SJÚKRALIÐA eða HEILSU-
GÆSLUBRAUT, undirbúningur fyrir Sjúkraliða-
skóla íslands.
VIÐSKIPTABRAUT/HAGNÝT VERSLUNAR-
OG SKRIFSTOFUSTÖRF, framhaldsskólastig.
Nám í prófadeild er allt frá 1 önn í 4 annir, hver
önn er 13 vikur og er kennt 4 kvöld í viku.
Kennsla fer fram í Miðbæjarskóla og Lauga-
lækjarskóla.
Kennslugjald fer eftir fjölda námsgreina sem
nemandi stundar. Hver mánuður greiðist fyrir-
fram.
Kennsla hefst 12. september.
Innritun fer fram í Miðbæjarskólanum, Frí-
kirkjuvegi 1 föstudaginn 2. sept. og mánudag 5.
sept. kl. 16-20.
Nemendur greiði kennslugjald við innritun.
Nánari fyrirspurnum svarað í símum 12992 og
14106.
Námsflokkar Reykjavíkur
Á að bíta höfuðið
af skömminni?
Ý msir Frakkar telja fallöxina lausnarorðið í baráttunni við
barnamorðingja og annan níðingasöfnuð
Sitt sýnist hverjum um hana þessa.
Eftir napurt sumar vöknuðu
Frakkar upp við vondan
draum. Ofbeldisglæpir voru
orðnir daglegt brauð en nú
hefur gersamlega keyrt um
þverbak. Þjóðin ersem þrumu
lostin eftir mörg barnamorð,
hvert öðru hrottalegra, sem
framin hafa verið undanfarna
mánuði. Málsvörum dauða-
refsingar vex ásmegin og fjöl-
margir hrópa af trúarlegri
ákefð á endurkomu lausnar-
ans; fallaxarinnar.
Frakkar hættu síðastir þjóða í
Vestur-Evrópu að lífláta stór-
glæpamenn. Dauðarefsing var
numin úr lögum árið 1981. En nú
staðhæfa ýmsir er telja sig fara
nærri um skaplyndi þjóðarinnar
að mikill meirihluti vilji taka upp
fælingarstefnu fallaxarinnar á ný.
Rökin eru þau sömu og for-
kólfar Nató brugðu á loft þegar
þeir réttlættu gróðursetningu
kjarnflauga í Vestur-Evrópu.
Eigirðu bombu þá þori Rússinn
ekki að hjóla í þig. Eins hiki
illvirkinn við að fremja morð ef
hann á á hættu að verða gerður
höfðinu styttri.
Nú er lífstíðarfangelsi há-
marksrefsing í Frakklandi, eins-
og víðast hvar annars staðar í hin-
um siðmenntaða heimi, og sá sem
hlýtur slíkan dóm getur oftastnær
átt von á því að fangavörðurinn
dragi hlemminn frá dýflissuopinu
eftir 20 ára „betrunarvist.“
höggið. Fjölmörgum börnum
hefur að auki verið nauðgað eða
þeim misþyrmt á annan máta.
Frakkar segja að það gangi
einskonar glæpafár í landinu. Það
er engu líkara en þeir séu per-
sónur í harmleik eftir Shakespe-
are því illskan er svo djöfulleg og
hamslaus. Formælendur lífláts-
dóma ræða aftur og aftur um
„sjúkan þjóðarlíkama." Þeir
benda á fallöxina sem hvoru
tveggja í senn, lækningu og „for-
vöm“, um bamamorðingjann
gildi gömul og góð regla sem m.a.
á sér íslenskan búning: „Öxin og
jörðin geyma hann best.“
Einn þekktasti málsvari
dauðarefsingar í Frakklandi
heitir Henri-Rene Garaud. Hann
og félagar hans í þrýstihópnum
„Lögmæt vöm“ hafa ítrekað
krafist þess að efnt verði til alls-
herjaratkvæðagreiðslu um það
hvort hálshöggva eigi stórglæpa-
menn eður ei.
„Fallöxin ætti að vera hom-
steinn fransks réttarkerfis. Tilvist
hennar myndi orka letjandi á
menn í morðhug og fá þá til að
hugsa sig um tvisvar," segir Gar-
aud.
Ekki er vitað með neinni ó-
yggjandi vissu um viðhorf frön-
sku þjóðarinnar til þessa máls.
En fyrir nokkm fóm fram kapp-
ræður í sjónvarpi um dauðarefs-
12 þúsund nöfn
Nýverið reit einn af þingfull-
trúum miðjumanna, Alain Gri-
otteray, dómsmálaráðherra sín-
um bréf. Hann lagði aðeins eina
spurningu fyrir valdsmanninn,
sósíalistann Pierre Arpaillange;
hvort hann hygðist fara að óskum
12.000 Frakka sem lögðu nöfn sín
við bænarskjal um að dauðarefs-
ing yrði Iögleidd að nýju.
Nafnritararnir eru allir sem
einn búsettir í Provence-
héraðinu í Suður-Frakklandi. Þar
var sjö ára gömlu stúlkubarni
nauðgað og hún síðan myrt
skammt frá heimili sínu í fyrra
mánuði.
„Þér getið ekki látið sem þér
sjáið ekki angist og örvæntingu
foreldra sem skilja hverjar eru af-
leiðingar þess að menn hljóta
fremur léttvægar refsingar fyrir
viðurstyggilegustu morð og
skepnuskap," skrifar Griotteray.
Stúlkan í Provence er sjötta
barnið sem myrt er í Frakklandi í __
sumar. Flest voru fórnarlömbin
limlest hrottalega áður
illvirkinn greiddi þeim
áður en
leim náðar- J
ingu á milli Garauds og manns
sem var á öndverðum meiði. Að
þeim loknum gafst áhorfendum
kostur á að slá á þráðinn og láta
álit sitt í ljós. Rúmlega 3.000
manns hringdu og um 80 af
hundraði þeirra voru áfram um
að fallöxin yrði tekin í notkun á
ný.
En ólíklegt er að sósíalista-
stjórn Michels Rocards söðli svo
rækilega um í réttarfarsefnum að
hún leiði þá dauðarefsingu í lög
sem sósíalistarstjórn Pierres
Mauroys nam úr lögum árið
1981. Það er alkunna í Frakk-
landi að þeir erkifjendur og
keppinautar, Francois Mitter-
rand forseti og Jacques Chirac
oddviti hægrimanna, eru báðir
andvígir því að glæpamenn séu
gerðir höfðinu styttri.
Mannúöarsmíö
Fallöxin heitir sem kunnugt er
„la guillotine" á franskri tungu.
Sára einföld skýring er á þeirri
nafngift því það var maður að
nafni Joseph Ignace Guillotine
sem hannaði og lét smíða gripinn.
Guillotine þessi var uppi á 18.
öld, læknir og byltingarsinni.
Honum hraus hugur við því að
dauðamenn væru lagðir á högg-
stokk undir misbeittar axir mis-
handsterkra böðla. Fallöxin var
því upphaflega framlag læknis til
húmanisma, framför í frönsku
réttarkerfi.
Fá drápstól hafa verið vígð í
jafn miklu eðalblóði og fallöxin
því hún fékk mikið verk að vinna
í frönsku stjórnarbyltingunni sem
hófst sumarið 1789. Dag eftir dag
draup blátt blóð af egg þessarar,
maskínu dauðans sem enn vekur
hnútukast og rifrildi í Frakklandi.
Andstæðingar fallaxarinnar
segja að aðdáendur hennar leggi
ekki fram nein gild rök fyrir þeirri
fullyrðingu sinni að notkun henn-
ar stuðli að fækkun glæpa. Ekki
sé til nein ein viðhlítandi skýring
á orsökum afbrota og fari þeim
fjölgandi sé næsta víst að það sé
ekki vegna vægra refsinga. Vita-
skuld hrjósi mönnum hugur við
öllum þeim viðurstyggilegu
morðum sem framin hafi verið að
undanförnu í Frakklandi en það
geti ekkert réttlætt manndráp, af-
taka glæpamanna lækni engin
þjóðfélagsmein.
Þótt yfirvöld dóms- og lög-
reglumála standi uppi ráðþrota
og vanmegna gagnvart flóðbylgju
alvarlegra glæpa og ói við því að
þurfa að sæta harðri gagnrýni al-
mennings myndu þau aðeins bíta
höfuðið af skömminni með því að
leiða dauðarefsingu í lög á ný.
-4ts.
12 SÍÐA - ÞJÓÐVILJINN — NÝTT HELGARBLAÐ