Þjóðviljinn - 02.09.1988, Blaðsíða 22

Hamlet kemur aftur á fjalirnar í Iðnó.
Nú er leikhúsavertíðin um
það bil að hefjast, og verður
víða mikið um dýrðir, en þau
leikhúsanna sem bolmagn
hafa til, hyggjast bjóða áhorf-
endum sínum til leikhúsveislu
sem standa mun allan vetur-
inn. Óhætt er að segja að
verkefnaskrá leikhúsanna lofi
góðu, og að mikil gróska sé í
leikhúslífi landsmanna, jafnt í
atvinnu- og áhugaleikhúsum.
Þó er eins og fyrri daginn ekki
nema brot af því fólki sem leik-
list stundar sem á í öruggt hús
að venda með sýningar sínar,
eða getur gengið að list-
sköpunarsjóðum vísum. Það
vill nefnilega oft gleymast
hvað listina varðar að fyrst
þarf að skapa og síðan að
selja, en ekki öfugt, og að list-
sköpun er tímafrek vinna en
ekki tómstundagaman, (með
öðrum orðum Theódór Frið-
riksson er undantekning en
ekki regla).
Alþýðuleikhúsið hefur
reyndar byrjað leikárið nú þegar
með sýningum á Elskhuganum
eftir breska meistarann Harold
Pinter, og eru sýningar þrisvar í
viku í Ásmundarsal við Freyjug-
ötu. Leikritið fjallar um hjóna-
band sem reynist vera óvenjulegt
í meira lagi, en, eins og einhver
sagði að lokinni langri umræðu
um grimmdarlegan „leik“ hjón-
anna: „Svo má ef til vill bæta við
að leikritið gæti gefið hjónafólki
einhverjar hugmyndir um hvern-
ig hægt er að koma í veg fyrir
gagnkvæman leiða innan hjóna-
bandsvéanna.“
Tilraunaleikhúsið Þíbilja fer
aftur á stúfana þann 9. eða 10.
september, með spunaverkið
Gulur, rauður, grænn og blár,
sem frumsýnt var í lok maí í ár.
Sem fyrr verða sýningar í Hlað-
varpanum, en sýningafjöldi
eitthvað takmarkaður. Þíbilja
hyggst halda áfram störfum í vet-
ur, og er Þíbiljufólkið eitthvað að
föndra með þá hugmynd að setja
upp sýningu eftir jól.
Mjallhvít
Úr brúðuleikhúsheiminum er
það helst að frétta að Brúðubíll-
inn starfar áfram í vetur, en verð-
ur einungis með sýningar eftir
pöntun. Jón E. Guðmundsson
verður áfram með sýningar sínar
á Hans og Grétu og hyggst hefja
sýningar að nýju uppúr miðjum
september.
Leikbrúðuland tekur aftur til
starfa í október, 20. árið í röð, að
öllum líkindum í kjallaranum að
Fríkirkjuvegi 11, eins og undan-
farin ár, þó það sé reyndar ekki
öruggt ennþá. Sýnt verður ævin-
týrið um Mjallhvíti, en forsýning-
ar á leikritinu voru á Listahátíð í
vor.
Líklegt er að sýningar verði hjá
Sögusvuntunni, einsmanns
brúðuleikhúsi Hallveigar Thorl-
acius, í vetur, þótt ekki reyndist
unnt að fá það staðfest. Frétt-st
að Hallveig væri í leynilegum
bflasíma einhvers staðar á Norð-
urlandi, og lét rannsóknarblaða-
maður Þjóðviljans þar við sitja.
Sveitasinfónía
Leikfélag Reykjavíkur stendur
nú á tímamótum, því í vetur verð-
ur 92. leikár félagsins og jafn-
framt síðasta starfsárið í Iðnó, en
flutningur í nýja Borgarleikhúsið
er fyrirhugaður haustið 1989.
Leikfélagið stendur nú uppi
Skemmulaust, og því verða sýn-
ingar þess í vetur bundnar við
gamla Iðnó, allar nema ein, sem
kemur á fjalirnar á milli jóla og
nýárs.
Þessa dagana standa yfir æfing-
ar á Sveitasinfóníu, nýju leikriti
eftir Ragnar-Arnalds, og er frum-
sýning fyrirhuguð þann 20. sept-
ember. Leikritið mun vera í gam-
ansömum tón, og gerast í ís-
lenskri sveit fyrir nokkrum ára-
tugum. Alls koma 15 persónur
við sögu í leikritinu, sem alls ekki
mun vera byggt á sannsögulegum
atburðum, þótt heyrst hafi að
sumir muni ef til vill kannast við
suma, sumsstaðar. Leikstjóri
Sveitasinfóníu er Þórhallur Sig-
urðsson.
Hamlet kemur aftur á fjalir
Iðnó í lok september, óbreyttur
frá síðasta leikári.
í Þjóðleikhúsinu er frumsýning
á Marmara eftir Guðmund
Kamban fyrirhuguð þann 23.
september, en tvær forsýningar
voru á leikritinu í júní, í tilefni
Listahátíðar 1988.
Á litla sviðinu verður leikritið
Ef ég væri þú eftir Þorvarð
Helgason frumsýnt þann 30.
september, en eins og Marmari
var leikritið sýnt tvisvar í tilefni
Listahátíðar í vor.
Hjá Leikfélagi Akureyrar
verður fyrsta frumsýning leikárs-
ins þann 7. október, og verður þá
sýnt leikritið Skjaldbakan kemst
þangað líka eftir Árna Ibsen, í
leikstjórn Viðars Eggertssonar.
„Þetta er átakamikið verk sem ég
tel eiga erindi við okkar samfé-
lag, ekki síst í dag,“ segir Arnór
Benónýsson leikhússtjóri. Um
mánaðamót október / nóvember
er síðan von á íslenska dans-
flokknum til Akureyrar, með
verkið Af mönnum, verðlauna-
ballett Hlífar Svavarsdóttur list-
dansstjóra Þjóðleikhússins, og
verða sýningar ein eða tvær, allt
eftir því hvernig liggur á Akur-
eyringum og Dansflokksfólkinu.
Ævintýri
Hoffmanns og
Háskaleg kynni
Ævintýri Hoffmanns eftir Of-
fenbach verða sett upp á stóra
sviði Þjóðleikhússins í október,
og er frumsýning áætluð þann 14.
Sýningin er afrakstur af sam-
vinnu Þjóðleikhússins og ís-
lensku óperunnar, og er það í
fyrsta skipti sem slíkt samstarf er
reynt. Offenbach samdi óperuna
við þrjár sögur skáldsins og lista-
mannsins E.T.A. Hoffmanns, og
gerði Hoffmann sjálfan að aðal-
persónu óperunnar þannig að
skáldið gengur inn í sinn eigin
hugarheim. „Ég er sunnudags-
barn,“ segir Hoffmann sjálfur,
„með þá náðargáfu að sjá það
sem öðrum er hulið.“
Þórhildur Þorleifsdóttir leik-
stýrir Ævintýrunum, hljómsveit-
22 SÍÐA - ÞJÓÐVILJINN - NÝTT HELGARBLAÐ
Alþýðuleikhúsið sýnir áfram Ævintýri á ísnum.
arstjóri verður Anthony Hose.
Titilhlutverkið syngur Garðar
Cortes.
Önnur starfsemi íslensku óp-
erunnar í vetur er enn á umræð-
ustigi. Offenbach verður látinn
nægja fram að áramótum, en óp-
erufólk vonast þó til að línurnar
fari fljótlega að skýrast.
Húsnæði Óperunnar stendur
þó ekki autt, því það leggur
Þjóðleikhúsið undir sig og setur
þar upp leik fyrir börn og full-
orðna: Hvar er hamarinn, sem
Njörður P. Njarðvík byggði á
Þrymskviðu. Sýningin var frum-
flutt á M-hátíð á Isafirði í júní
1987, og ætlar Brynja Benedikts-
dóttir nú að æfa leikinn upp að
nýju. Frumsýning verður í Gamla
bíói í október.
Um mánaðamótin október /
nóvember setur Þjóðleikhúsið
svo upp aðra sýningu í Gamla
bíói, en það er leikritið Háskaleg
kynni, eftir Christopher Hamp-
ton. Leikritið er byggt á skáld-
sögunni Les liaisons dangereuses
eftir Frakkann Choderlos de Lac-
los sem vakti mikla hneykslun
þegar hún kom út árið 1782, náði
fljótt mikilli útbreiðslu og telst nú
klassísk.
Verkið er alræmd stúdía á
leynimakki í kynferðismálum, og
meinfýsin lýsing á siðfágaðri úr-
kynjun franskrar yfirstéttar. Karl
Guðmundsson og Þórdís Bach-
mann þýddu leikritið og Bene-
dikt Árnason leikstýrir.
Koss köngulóar-
konunnar
f október fer Frú Emilía á stúf-
ana, en þá er ætlunin að leiklesa 4
helstu verk Tjekovs. fjórar helg-
ar í röð í Listasafni Islands. Ekki
er ákveðið hverjir lesa, en verkin
eru Mávurinn, Vanja frændi,
Þrjár systur og Kirsuberjagarður-
inn.
Frú Emilía fékk styrk frá
Leiklistarráði til að setja upp sýn-
ingu svo væntanlega verður
eitthvað gert í málinu í vetur, þótt
húsnæðisleysi og kostnaður séu
Emilíufólki óþægur ljár í þúfu
eins og fleirum. Einhverju hefur
verið hvíslað um Hamskiptin
eftir Kafka, en það getur sosum
vel verið að það sé ekki flugefót-
ur fyrir þeim tíðindum. I það
minnsta er Frúin enn í fullu fjöri,
og hefur mikið af góðum hug-
myndum.
Alþýðuleikhúsið hyggst fylgja
Elskhuganum eftir með annarri
sýningu sem frumsýnd verður í
lok október. í þetta sinn verða
sýningar í kjallara Hlaðvarpans
þar sem Sigrún Valbergsdóttir
setur upp Koss köngulóarkon-
unnar eftir argentínska höfund-
inn Manuel Puig sem skrifaði
leikgerðina eftir samnefndri
skáldsögu sinni.
Eins og þeir muna sem sáu
kvikmyndina á sínum tíma, segir
Kossinn frá tveimur gjörólíkum
mönnum sem sitja í sama fanga-
klefa, pólitískum fanga; og
homma sem situr inni fyrir að
leita á unga drengi. Ingibjörg
Haraldsdóttir þýddi leikritið og
Gerla gerir leikmynd. Leikendur
verða þeir Árni Pétur Guðjóns-
son og Guðmundur Ólafsson.
Auk Pinters og Koss könguló-
arkonunnar ætlar Alþýðul-
eikhúsið að sýna barnaleikritið
Ævintýri á ísnum eitthvað áfram,
og eins er gert ráð fyrir að fara
með leikritið Eru tígrisdýr í
Kongó? í skóla. Mikil starfsemi
verður þannig í gangi hjá leikhús-
inu fram að áramótum, hvað sem
síðar verður, en Alþýðuleikhúsið
á í höggi við skuldahala einn mik-
inn auk þess sem það er í krón-
ísku húsnæðishraki. Sem stendur
er því allt á huldu um áframhald-
andi starfsemi leikhússins, og
veltur á fjárlögum hvað gerist
eftir áramót.
Þó stendur til að setja upp stór-
sýningu næsta sumar, ef aurar
verða til og húsnæði fæst. Geta
leiklistarunnendur varla annað
en vonað hið besta með Alþýðu-
leikhúsinu því Inga Bjarnason
mun hafa á prjónunum að setja
upp sjálfan Macbeth.
Ferðalag Lottu
Þjóðleikhúsið ætlar að taka sig
til og kynna landsmönnum verk
eins þekktasta leikritahöfundar
Vestur-Þýskalands, en þann 11.
nóvember verður leikritið Stór
og smár, eftir Botho Strauss
frumsýnt á stóra sviðinu.
Stór og smár segir frá ferðalagi
ungrar konu, Lottu, sem fer stað
úr stað, frá einum til annars, í
endalausri leit að einhverju sem
kannski er ástin, kannski horfnar
hamingjustundir, eða bara
eitthvað sem enginn veit hvað er.
Leikstjóri er Guðjón Peder-
sen, þýðandi og aðstoðarleik-
stjóri Hafliði Arngrímsson, og
Lottu leikur Anna Kristín Arng-
rímsdóttir.
í nóvember er einnig fyrirhug-
uð frumsýning á litla sviði Þjóð-
leikhússins, en það verður leikrit-
ið Ljúfir dagar eftir Samuel
Beckett, í þýðingu og leikstjórn
Árna Ibsen. Ljúfir dagar er
bjartsýnisverk sem gerist í
„skelli-helvítis-birtu“ á meðan
aðalpersónan, Winnie, virðist
ætla að sökkva í fortíðina, alsæl
og með sólhlíf á lofti.
Með hlutverk Winníar fer Sig-
ríður Þorvaldsdóttir, en eigin-
mann hennar leikur Arni
Tryggvason.
Áhugaleikarar
í ham
Þessa dagana eru áhugaleikfé-
lögin að lesa og velja verkefni, en
að sögn Sigrúnar Valbergsdóttur
ætlar stór hluti þeirra 86 leikfé-
laga sem aðild eiga að Bandalagi
íslenskra leikfélaga að setja upp
leikrit einhvern tíma í vetur. Enn
er of snemt að segja mikið um
hvaða verk verða sett upp, því
áhugaleikhóparnir fara yfirleitt
seinna af stað en atvinnuleikhús-
in. Þó er vitað að Valgeir Skag-
fjörð er að gera leikgerð að barn-
aleikriti sem hann setur upp hjá
Leikfélagi Kópavogs í vetur,
heitir það Fróði og allir hinir
gaurarnir, og er eftir Ole Lund
Kirkegaard.
Leikfélag Hafnarfjarðar tekur
aftur upp sýningar á Emil í Katt-
holti eftir Astrid Lindgren,
Leikfélag Mosfellssveitar leitar
líka fanga hjá Astrid, og ætlar að
sýna Elsku Míó minn. Leikdeild
Ungmennafélagsins íslendings á