Þjóðviljinn - 02.09.1988, Blaðsíða 15
Sundið eina áhugamálið
LífEðvarðs Þórs Eðvarðssonar og Ragnheiðar Runólfsdóttur snýst
um sund. Ef vel tekst til eru þau líkleg til afreka á Ólympíuleikunum í
Seoul
Hór synda þau bringusund í takt en bringusundið er sérgrein Ragnhildar. Mynd: Ari.
Eðvarð Þór Eðvarðsson og
Ragnheiður Runólfsdóttir eru
nöfn sem allir ættu að kannast
við. Þau hafa um árabil verið
okkar fremstu sundmenn og
eru jafnframt í hópi mestu af-
reksmanna á íþróttasviðinu
hérlendis. Eðvarð var t.a.m.
kjörinn íþróttamaður ársins
1986 og var einnig ofarlega á
blaði í tyrra. íslandsmetin eru
orðin nánast daglegt brauð
hjá þeim og eiga þau sjálf erf-
itt með henda reiður á fjölda
þeirra. „Við eigum eitthvað á
milli 20 og 30 íslandsmet hvor
en nákvæmari tölu höfum við
ekki“, sögðu þau jaegar Þjóð-
viljinn leit inn á æfingu þeirra í
gærmorgun.
Undirbúningur
gengur vel
Eðvarð og Ragnheiður eru nú
eins og aðrir Ólympíufarar okkar
í lokaundirbúningi fyrir leikana í
Seoul, en þangað halda þau 8.
september. Undirbúningur
þeirra hefur staðið mjög lengi yfir
eða nánast í heilt ár og er sund-
laugin þeirra helsti viðverustaður
utan heimilisins. „Undirbúning-
urinn hefur gengið stórslysalaust
og svo til samkvæmt áætlun en
meiðsli sem ég hlaut síðastliðinn
vetur settu strik í reikninginn",
segir Eðvarð en Ragnheiður er
mjög ánægð með sinn undirbún-
ing. Hún bætir því reyndar við að
meiðsli séu, sem betur fer, frekar
sjaldgæf í sundinu miðað við aðr-
ar íþróttagreinar.
Sundmenn þurfa að minnka
æfingar sínar talsvert fyrir stór-
mót eins og Ólympíuleikana, eða
„vera í hvfld“ eins og þeir kalla
það. „Við höfum minnkað okkur
um hálfan kflómetra á viku og
syndum nú um fimm og hálfan en
mest syntum við 12-14 kflómetra
á dag í sumar. Minnst förum við
niður í tvo og hálfan tvisvar á dag,
eða fimm kílómetra á dag“, segja
þau um æfingaáætlun sína. Svo
erum við þessir venjulegu að
státa okkur af 200 metrunum!
„Síðustu 3-4 vikurnar eru um
60% af öllum undirbúningnum
og ef þær takast vel þá á þetta að
smella saman þegar á hólminn er
komið“, segir Eðvarð ennfrem-
ur.
Miklar fram-
farir í sundinu
En hverjir skildu vera mögu-
Ieikar þeirra til srórafreka í Seo-
ul? „Framfarirnar eru mjög mikl-
ar um þessar mundir og sem
dæmi þá átti ég 12. besta heims-
tímann í 200 m baksundi fyrir
skömmu en er varla nema 15. í
dag. Ég geri mér vonir um að
komast í lokaúrslitin sem eru 8
manna og hærra er varla hægt að
stefna“, segir Eðvarð en miklar
vonir eru bundnar við hann í 200
m baksundi en auk þess keppir
hann í 100 m baksundi og í fjór-
sundi.
Ragnheiður mun eiga enn erf-
iðara uppdráttar þrátt fyrir frá-
bæra frammistöðu hér heima.
„Ég stefni fyrst og fremst á að
bæta mig, og það vel. Það væri
topp árangur að komast í 16
manna úrslit en til þess þarf ég
væntanlega að bæta mig um 2-3
sekúndur í 200 m bringusund-
inu“, segir Ragnheiður og brosir í
kampinn. Hún keppir einnig í
þremur greinum, fjórsundi eins
og Eðvarð og 100 m og 200 m
bringusundi.
Sundið númer
1, 2 og 3
Það fer ekki á milli mála að til
að æfa á slíkan hátt og þau Eð-
varð og Ragnheiður gera þarf
gífurlegan áhuga og þegar 5-6
klukkutímar fara í þetta á dag er
varla mikill tími aflögu, eða
hvað? „Sundið er áhugamálið,
punktur“, segir Ragnheiður og
Eðvarð tekur undir það. Þau rífa
sig upp klukkan sex á morgnana
til að komast á æfingu og hryllir
blaðamann við þeirri tilhugsun.
„Það er helst á veturna þegar ís-
kalt er að maður vildi geta kúrað
undir hlýrri sæng“, segir Ragn-
heiður og hlær.
En þau leyfa sér ekki þann
munað og það hefur svo sannar-
lega skilað sér í árangri. Heiðar-
legri og áhugasamari íþrótta-
menn er varla hægt að hugsa sér
og eiga þau Ragnheiður Runólfs-
dóttir og Eðvarð Þór Eðvarðsson
eflaust nokkurn þátt í hinum
mikla sundáhuga sem sprottið
hefur upp síðustu misserin. Þau
halda í næstu viku til keppni á
fjarlægum slóðum og hafa stuðn-
ing þjóðarinnar með sér í vega-
nesti.
-þóm
Stund milli stríða hjá Ragnheiði og Eðvarð, en það er ekki algengt að þau leyfi sér að sitja á sundlaugarbakkanum og kasta mæðinni. Pau eru í vatni meira og minna 5 klukkutíma á dag, alla daga
vikunnar, allt árið um kring. Mynd: Ari.
NÝTT HELGARBLAÐ - ÞJÓÐVILJINN - SÍÐA 15