Dagblaðið Vísir - DV - 23.03.1996, Blaðsíða 10

10
LAUGARDAGUR 23. MARS 1996 JjV
Þrjár konur stórar eftir Edward Albee frumsýnt íTjarnarbíói á morgun:
Á morgun frumsýnir leikhópur
Kjallaraleikhússins leikritið Þrjár
konur stórar eftir Edward Albee í
Tjamarbíói. Leikstjóri verksins er
Helgi Skúlason en þrjár leikkonur
fara með hlutverk í sýningunni,
þær Helga Bachmann, Edda Þórar-
insdóttir, sem nú er stíga á svið á
ný eftir talsverðan tíma, og Halla
Margrét Jóhannesdóttir sem er
nýútskrifuð úr Leiklistarskóla ís-
lands. í tilefni frumsýningarinnar
gaf Helgi sér tíma frá æfingum í
vikunni til að ræða stuttlega við DV
um verkið, leiklistina og sjálfan sig.
Fortíðin gerð upp
„í stuttu máli er Albee að gera
upp sitt líf og sín samskipti við fóst-
urmóður sina sem annaðist hann
frá því hann var kornabarn. Þeim
samskiptum linnti aldrei enda var
fósturmóðir hans stjórnsöm kona í
ríkri fjölskyldu. Síðar komu brestir
í skapgerð hans á móti, með þeim
afleiðingum að hann fór að heiman
mjög ungur. Þau sáust ekki fyrr en
hún lá fyrir dauðanum. Af því að
hann er þessi snillingur sem hann
er gerir hann þetta með slíkum hú-
mor, margskilningi og gríðarlegu
valdi á möguleikum leiksviðsins að
þetta er hreinasta skemmtun og un-
un á að horfa og hlýða á. Samt er al-
varan undir niðri og eftir því sem á
leikinn líður fær þetta víðari skil-
greiningu og þróast út í skoðun á
mannlífinu í heild,“ segir Helgi.
Þrjá konur stórar, eða Three Tall
Women, eins og það heitir á frum-
málinu, er margverðlaunað verk Al-
bees, og hér í þýðingu Hallgríms H.
Helgasonar. Albee samdi einnig
leikritið Hver er hræddur við Virgi-
níu Woolf? sem sýnt var hér á sviði
fyrir nokkrum árum. Leikritið
Þrjár konur stórar var frumsýnt í
Enska leikhúsinu í Vín árið 1991
undir leikstjórn höfundar. Að und-
anförnu hefur verkið verið sýnt við
fádæma góðar undirtektir í New
York og London og fengið einróma
lof gagnrýnenda. Verkið hefur hlot-
Panasonic
HiFi myndbandstæki HD600
Nicam HiFi stereo, 4 hausa Long Play, Super Drive,
Clear view control, fjarstýringu, 2x Scart tengi ásamt
þvi að sýna allar aðgerðir á skjá. HD600 fékk 10 fyrir
myndgæði, og var valið besta fjölskyldu- og
heimablómyndbandstækið
Tækið endurgreitt!
Elnn heppinn vlðskiptavlnur fær tækið endui
endurgreitt!
BRAUTARHOLTI OG KRINGLUNNI
- Helgi Skúlason leikstýrir á ný eftir 14 ára hlé - Kjallaraleikhúsið vakið af dvala
Nú er búið að blása lífi í Kjallaraleikhúsið á ný og hefur leikhópurinn tekið verk Edwards Albees, Þrjár konur stórar, til sýningar. Helgi Skúlason er leikstjóri
verksins en hann hefur ekki leikstýrt í 14 ár. DV-mynd GVA
ið fjölda verðlauna og meðal þeirra
eru Pulitzerverðlaunin fyrir leik-
verk árið 1994.
Helga heillaðist
af verkinu
„Kveikjan að því að þetta verk
varð fyrir valinu er sú að Helga las
það og heillaðist af því. Síðan feng-
um við góðfúslegt leyfi þjóðleikhús-
stjóra til að taka þetta verk og setja
það upp samhliða vinnu okkar hjá
Þjóðleikhúsinu."
Kjallaraleikhúsið var stofnað árið
1986 af Helgu Bachmann, eiginkonu
Helga, í tengslum við uppfærslu
hennar á Reykjavíkursögum Ástu í
kjallara Hlaðvarpans við Vestur-
götu. Uppfærslan fékk mjög góðar
viðtökur og urðu sýningar um 100
talsins. Kjallaraleikhúsið hefur ekki
starfað samfellt en tekst nú á hend-
ur þetta rómaða verk.
Tdbreyting á tíu ára
fresti
„Við Helga erum búin að vera í
leikhúsi í 40 ár. Ég byrjaði hjá Þjóð-
leikhúsinu en hún hjá Iðnó. Síðan
fór ég yfir til Leikfélagsins í kring-
um 1960 og þar unnum við saman og
mynduðum ásamt félögum okkar
fyrsta fastráðna hópinn hjá Leikfé-
laginu. Þegar okkur fannst orðið
þröngt um okkur fluttum við okkur
upp til Þjóðleikhússins og höfum
verið þar síðan.
Örlög fastráðins leikara eru þau
að hann ræður afskaplega litlu um
sitt verksvið. Hann verður nánast
að taka því sem að honum er rétt og
sætta sig við þegar honum er ekki
rétt neitt. Það má líkja honum við
listmálara sem fær afhenda túpu og
honum sagt að hann megi mála
blátt í dag en svo fær hann kannski
ekki aðra túpu fyrr en í haust. Það
er auðvelt að setjast og bíða en okk-
ar skoðun er sú að á 10 ára fresti sé
nauðsynlegt að axla þá ábyrgð sem
fylgir því að starfa sjálfstætt, gera
þetta sjálfur og ráða ferðinni. Þetta
er kveikjan að því sem við erum að
gera núna og því sem við gerðum
fyrir 10 árum,“ segir Helgi.
Gróska í leikhúslífinu
Helgi samsinnir því að mikil
gróska sé í íslensku leiklistarlífi í
dag og svo hafi reyndar verið und-
anfarin ár. Mikið sé um smærri
leikhópa sem séu að gera góða hluti
og vart líði sú vika að ekki sé frum-
sýnt leikrit.
„Það er fullt af ungu fólki sem er
að koma út úr skólunum og fær
ekki nóg af verkefnum eða fær ekki
inni í stóru leikhúsunum. Svo er
líka til fólk sem er á fullu inni í
stóru leikhúsunum en hefur næga
orku til að sinna fleiri verkefnum.
Það er einhver kraftur í þessu fólki
og svo er gífurlegur menningará-
hugi meðal íslendinga. Ef einhverjir
spennandi hlutir eru líka að gerast
í stóru leikhúsunum þá er eins og
þeir smiti og fólk verður opnara - ef
það er deyfð hjá stóru leikhúsunum
þá er eins og almenningur missi
áhugann, en sú er' ekki raunin
núna,“ segir Helgi og fellst á að deil-
ur innan leikhúsanna hafi einungis
neikvæð áhrif á leikhúslífið al-
mennt í landinu og áhuga almenn-
ings á leiksýningum.
Framtíðin óráðin
Helgi hefur ekkert leikið í kvik-
myndum undanfarið en hann segir
þeim störfum alls ekki lokið. Á sín-
um tíma var varla sýnd sú kvik-
mynd hérlendis að Helgi færi ekki
með hlutverk í henni. Að auki var
hann farinn að leika í erlendum
kvikmyndum og auglýsingum.
Hann segir þessi störf koma í skorp-
um en lítið hafi borið á tækifærum
á því sviði undanfarið. Hann segir
þetta leikstjórnarverkefni nú vera
hugsað sem stakt verkefni. Liðin
séu 14 ár frá því hann leikstýrði síð-
ast - Amadeusi í Þjóðleikhúsinu -
og hann hafi orðið langað til að leik-
stýra á ný. Þessu fylgi þó of mikið
álag til að hann langi að leggja það
alfarið fyrir sig. Framtíðin sé þó
óráðin.
- Eiga Þrjár konur stórar eitt-
hvert sérstakt erindi við okkur í
dag?
„Ég held að umræðan um hvaða
tímabil sé best í ævi okkar, sem
leikritið fjallar að miklu leyti um -
hvenær .best sé að lifa, hvert sé
mesta hamingjutímabilið í ævi okk-
ar - höfði mjög til íslendinga."
PP