Dagblaðið Vísir - DV - 25.03.1996, Blaðsíða 6

6
MÁNUDAGUR 25. MARS 1996
Fréttir
DV
Guörún Agnarsdóttir gefur kost á sér til embættis forseta íslands:
Reynslan af þingi
dýrmæt og jákvæð
Guðrún Agnarsdóttir læknir hjálpaði aidraðri vinkonu sinni, Elten Sighvatsson, við flutninga um helgina eftir að hafa
tilkynnt um framboð sitt til forseta íslands. DV-mynd ÞÖK
„Ég vil fyrst og fremst leggja
hönd á plóginn til aö skapa betra
samfélag og ég er alveg handviss
um að hér eru alveg einstakar að-
stæður, miðað við það sem gerist í
öðrum löndum til að gera slíkt og
það er hægt að gera á margvíslegan
hátt. Það er hægt að gera það í gras-
rótinni, í stjómmálum og með því
að taka að sér þetta einstaka, vanda-
sama embætti. Vegna þeirra áskor-
ana, sem ég hef fengið, og hvatn-
inga, sem hafa farið vaxandi á und-
anfomum vikum þá ákvað ég, eftir
vandlega umhugsun, að láta til leið-
ast,“ segir Guðrún Agnarsdóttir
læknir en hún hefur ákveðið að gefa
kost á sér til embættis forseta Is-
lands.
DV hitti Guðrúnu að máli í gær
þar sem hún var að aðstoða 87 ára
gamla vinkonu sína, Ellen Sighvats-
son, sem var að flytja síðustu eigur
sinar úr húsinu sem stendur við
Amtmannsstíg 2 í Reykjavík í ann-
að hús, ofar í götunni, en Mennta-
skólinn í Reykjavík hafði keypt hús
Ellenar undir starfsemi sína.
Guðrún segist telja að embætti
forseta gefi svigrúm til að hafa
óvanalega mikil áhrif, hefja um-
ræðu um málefni, leiða saman fólk
til að vinna að verkefnum og hvetja
aðra til þess að leggja góðum málum
lið. Guðrún segir að þetta séu auð-
vitað óbein áhrif að ýmsu leyti en
fmmkvæði forseta geti líka verið
mjög mikils virði.
Forseti allrar þjóðarinnar
- Vill hún auka bein áhrif for-
seta ef hún nær kjöri?
„í mínum huga eru bein áhrif for-
setans að vissu leyti óþekkt stærð.
Hver manneskja virðist geta lagt
sitt persónulega mark á embættið.
Ég hef áhuga á því að styðja og
vinna að málefnum sem ég tel að
séu mikilvæg fyrir samfélagið. Ég
tel að það sé hægt að gera það í
þessu embætti á mjög áhrifaríkan
hátt. Það mundi ég vilja láta reyna
á og þá er ég ekki að tala um
flokkspólitísk mál heldur málefni
sem sátt ríkir um í samfélaginu þó
að þau hafi ekki verið leidd til lykta
eða ásættanlegri niðurstöðu verið
náð,“ segir hún.
- En getur flokkspólitískur ein-
staklingur orðið forseti allrar
þjóðarinnar?
„Já, alveg tvímælalaust. Þó að
fólk hafl komið að pólitísku starfi
þá er ekki þar með sagt að það sé
ekki gjaldgengt til annarra mikil-
vægra starfa i samfélaginu því að
það hlýtur hver manneskja, sem
býður sig fram í þetta embætti, að
gera sér grein fyrir að það þarf að
ríkja pólitískt hlutleysi. Mér finnst
reynsla mín af því að starfa á Al-
þingi vera mjög verðmæt. Hún opn-
aði augu mín fyrir mörgu sem ég
vissi ekki um þetta þjóðfélag og
fólkið í landinu. Mér fannst þetta
mjög jákvæð og verðmæt lífsreynsla
og ég tel mjög miður ef fólk lítur á
þannig lífsreynslu sem neikvæða,"
segir Guðrún og kveðst treysta sér
til þess að taka hlutlausa og ópóli-
tíska afstöðu.
Býður sig fram
sem einstaklingur
Guðrún telur ekki slæmt að tvær
konur séu í framboði til forseta og
bendir á að fólk fari í framboð
vegna þess að því finnst það eiga er-
indi.
„Ég held að það sé ekki í takt við
nútímalega hugsun að hugsa sem
svo að ein kona sé nóg, aðrar til
óþurftar. Þetta er spuming um ein-
staklinga. Það hlýtur hver mann-
eskja að bjóða sig fram sem sá ein-
staklingur sem hún er og það geri
ég. Allir aðrir, sem koma fram,
koma til með að taka atkvæði frá
þeim sem þegar hefur boðið sig
fram, hverjir svo sem þeir verða, og
það eru bæði konur og karlar sem
kjósa,“ segir Guðrún að lokum.
Guðrún Agnarsdóttir fæddist 2.
júni 1941. Hún er dóttir hjónanna
Agnars Guðmundssonar sjómanns
og Birnu Petersen. Hún er læknir
og starfar sem sérfræðingur í veiru-
fræði við Tilraunastöð Háskólans í
meinafræði á Keldum, sem forstjóri
Krabbameinsfélags íslands og um-
sjónarlæknir Neyðarmóttöku vegna
nauðgunar á Sjúkrahúsi Reykjavík-
ur í Fossvogi. Hún var alþingiskona
Kvennalistans 1983-1990.
-GHS
Feðgarnir Hermann Ólafsson til vinstri, Ólafur Gamalíelsson og Gestur
Ólafsson fyrir framan nýja húsið þeirra sem verður tilbúið í sumar.
Uppgangur hjá Stakkavík hf. í Grindavik:
Aðstaða starfsfólks gjör-
breytist með nýja húsinu
DV, Suðurnesjum:
„Við erum fyrir löngu búnir að
sprengja utan af okkur og var orðið
tímabært að byggja nýtt hús. Með
tilkomu nýja hússins á aðstaðan eft-
ir að gjörbreytast fyrir starfsfólk, þá
verða skrifstofur og síðan veruleg
stækkun á vinnslusal," sagði Her-
mann Ólafsson, framkvæmdastjóri
og einn af eigendum Stakkavíkur
hf. í Grindavík, í samtali við DV.
Fyrirtækið hefur sérhæft sig fyrst
og fremst í vinnslu á saltfiski og hef-
ur velgengni þess verið sem ein góð
lygasaga undanfarin ár. Árið 1992
var velta þess um 250 milljónir. í
fyrra var veltan hins vegar 740
milljónir. Alls voru unnin 2000 tonn
af saltfiski í fyrra. Hjá fyrirtækinu
starfa að jafnaði um 15 manns en
yfir hávertíðina eru þeir um 30.
Launagreiðslur námu um 45 millj-
ónum í fyrra. Fyrirtækið, sem er
fjölskyldufyrirtæki, hóf rekstur 1988
og er í tveim húsum. Annað hús-
næðið er þúsund fermetrar en hitt
500. Nýja húsið verður hins vegar
2800 fermetrar. Stakkavík á íjóra
báta, einn krókabát, tvo sem eru
rúm 9 tonn og einn 17 tonna. Þá er
fyrirtækið með báta í föstum við-
skiptum og síðan kaupir það á fisk-
mörkuðum.
„Við erum með mjög gott starfs-
fólk og þá vinnum við sjálfir baki
brotnu í þessu. Við erum með mjög
góða báta sem skila góðu hráefni í
samvinnu við okkur,“ sagði Her-
mann Ólafsson. -ÆMK
^ Stuðningshópur fundaði í gær:
Eg er sem sakborn-
ingur í yfirheyrslu
- segir Sigrún Pálína Ingvarsdóttir
„Það eina sem hefur breyst í mál-
inu er það að ég hef verið i yfir-
heyrslu sem sakbomingur og það er
allt annað en góð lífsreynsla. Ég get
ekkert talað um það að svo stöddu
en er hugsanlega tilbúin til þess síð-
ar,“ sagði Sigrún Pálína Ingvars-
dóttir, konan sem sakað hefur bisk-
up íslands, herra Ólaf Skúlason, um
kynferöislega áreitni, i samtali við
DV í gær.
Stuðningshópur Sigrúnar Pálínu
hélt fund í gær, „til þess að endur-
meta stöðuna og ræða málin“, eins
og hún orðaði það. Sigrún Pálína
sagðist að svo stöddu ekki vilja
ræða fundarefnið en í yfirheyrslum
hjá RLR hefði málið verið opnað
upp á gátt.
-sv
Sigrún Pálína og Stefanía Þorgrímsdóttir með stuöningsmönnum á fundinum í gær.
DV-mynd ÞÖK