Dagblaðið Vísir - DV - 25.03.1996, Blaðsíða 12

12
MÁNUDAGUR 25. MARS 1996
Spurningin
Hvað ætlar þú að gera um
páskana?
Stella Valdimarsdóttir húsmóðir:
Ég held að ég verði bara heima.
Vignir Aðalgeirsson sjómaður:
Við förum á skíði, fjölskyldan, ef
það verður snjór.
Jónína Símonardóttir verslunar-
maður: Fara með Vigni á skíði.
Stefán Freyr Stefánsson, nemi í
FSU: Bara vera heima og hafa það
gott.
Ingólfur Elvar Pétursson nemi:
Bara vera í Reykjavík og skemmta
mér.
Steinunn Bergsteinsdóttir textíl-
hönnuður: Ég verð að vinna að
hluta til. Svo ætla ég að elda kalkún
fyrir fjölskylduna.
Lesendur
Vér hörmum allir
G.H. skrifar:
Biskup íslands harmar lausa-
göngu grenjandi myrkraafla og fær
virta lögfræðinga til að staðfesta
orðróm um samsæri. Prófastafélag
íslands harmar vinnubrögð fjöl-
miðla, formaður Prestafélags ís-
lands að málið sé orðið pólitiskt,
siðanefnd Prestafélagsins harmar
fyrningu kærumála og formaður
sóknarnefndar Langholtskirkju að
trúnaðarupplýsingar frá sér til bisk-
ups berist fjölmiölum. - Biskup
harmar trúnaðarbrot sitt og systkin
meints fórnarlambs harma að hún
sé skyld þeim. Á Alþingi er ófull-
komin löggjöf um kynferðislega
áreitni hörmuð. Ríkissaksóknari
harmar að geta ekki tekið á málinu
en sér sig síðan um hönd. Á meðan
dreifa háðfuglar mishörmulegum
leirburði um holdgervingu hins
andlega seims.
Þetta er í allra grófustu dráttum
sú mynd sem við leikmenn höfum
af svonefndu biskupsmáli. Þetta mál
hlýtur, vestrænum réttar- og sið-
ferðisvenjum samkvæmt, að snúast
um sekt eða sýknu biskups. Að öðr-
um kosti gæti sérhver einstaklingur
í veigamiklu embætti setið af sér
ásakanir um refsivert athæfi á
þeirri forsendu að hann ætti sér
andstæðinga sem vildu honum ekk-
ert gott!
Biskup nýtur, sömu réttarvenjum
samkvæmt, vafans en það kæmi þá
væntanlega til kasta kirkjunnar að
meta siðræna stöðu málsins. Minn-
ugir þess að þetta mál snýst aðal-
lega um-meinta nauðgunartilraun,
refsivert athæfi skv. gildandi lög-
um, hljóta margir að spyrja sig
hvers vegna það hefur tekið lög-
regluyfirvöld allan þennan tíma að
gangast við þeirri grundvallar-
skyldu sinni að taka á málinu?
Fyrir vikið hefur fálmkennt ráða-
leysi yfirvalda, ásamt kirkjulegum
klaufaskap, stigmagnað þetta mál
Málið snýst um sekt eða sýknu biskups, segir m.a. í bréfinu.
upp i hæstu hæðir. Því hlýtur bisk-
up að segja tímabundið af sér, á
meðan rannsókn málsins stendur
yfir. Með því játar hann ekki sekt
sína óbeint eins og hann hefur sagt
opinberlega. Þvert á móti. - Aðeins
með timabundinni afsögn getur
biskup stuðlað að farsælli málsmeð-
ferð. Flest bendir til að biskupsmál-
ið hefði þróast með allt öðrum og
sæmilegri hætti ef tekið hefði verið
á þvi strax innan réttcirkerfisins og
kirkjunnar.
Sú aðför sem gerð hefur verið að
fjölmiðlum er ekki síður alvarleg en
fram bornar ásakanir á hendur
biskupi. Sé litið um öxl er það í
raun ótrúlega oft sem fjölmiðlafólk
má sæta „aftöku sendiboðans með
ótíðindin“ að fornaldarsið. Með
þessu er ekki verið að hefja um-
ræðu fjölmiðla upp yfir gagnrýni,
frekar en önniu1 mannanna verk.
En að gera þá að sökudólgi er frá-
leitt. Hafi biskup, að mati lögmanna
hans, komið illa út í fjölmiðlum er
við hann sjálfan að sakast, ekki fjöl-
miðla. Annað minnir óþyrmilega á
tilraun tU að hengja bakara fyrir
smið eða öUu heldur; blaðamann
fyrir biskup.
Barist um bitana hjá RÚV
Sigrún Ólafsdóttir skrifar:
Sjaldan hefur svo staða losnað
hjá Ríkisútvarpinu að þar sé ekki
kominn mýgrútur af fólki sem telur
sig eiga rétt á yfirtöku. Ýmist vegna
fyrri tengsla við RÚV - jafnvel oft í
ekki stærra hlutverki en að hafa
verið upplesari þar um tíma - eða
þá vegna hefðbundinna ættar-
tengsla í karl- eða kvenlegg. Eins og
alþjóð veit hafa Uenst hjá RÚV syn-
ir og dætur margra frumkvöðla Rík-
isútvarpsins og nú síðustu árin eru
það bamabörnin sem ganga í sum
störfin.
Nú losnaði staða yfirmanns inn-
lendrar dagskrárdeUdar hjá Sjón-
varpinu. Þar bar vel í veiði. Óðara
voru komnir ekki færri en 16 um-
sækjendur, hver öðrum ættgöfugri
eða innviðavanari hjá RÚV, sem
vUdu handsama hlutverkið.
Útvarpsráð hefur úr vöndu að
ráða. Ekki má fara offari gegn ein-
valaliði sem sækir svo fast á garð-
ann. Vandann má þó leysa með því
að standa fast í ístaðinu og leggja
niður stöðu fyrrverandi yfirmanns
hjá Sjónvarpinu. Það er sparnaður í
raun.
Reykjavík yfirfull af ryki
að búa viö eðlilegar reglur um þrifnað, segir hér m.a.
Snæbjörn skrifar:
Þessa dagana kemur vel í ljós hve
höfuðborgin er í raun óhrein. I und-
angengnu kyrrviðri heUist yfir
mann rykmökkur sem leggst yfir
aUt og aUa. Þessu til viðbótar er
borgin óhemjuskítug. Götur og ræsi
strætanna eru fuU af drasli; pappa,
úrgangi af trjágróðri frá síðasta
hausti og hvers konar sorpi sem
ýmist situr fast eða fýkur til og frá
við minnsta andblæ. - Manni verð-
ur hugsað til stórborganna í ná-
grannalöndunum eða í Ameríku.
Óvíða sér maður jafnmikil óhrein-
indi.
En hvernig stendur á þessum
óhreinindum hér? Rykið verður
varla við ráðið í
bili, þar sem
ráðamenn
gatnakerfisins
hafa kappkostað
að koma upp
grasi hvar sem
mögulegt er. Það
leiðir aftur það
af sér að þetta
sama gras verð-
ur fljótt að mold-
arsverði sem
blæs upp og rýk-
ur yfir nágrenn-
ið. Það er hið
mesta óráð að
reyna að binda
gras við miklar
umferðaræðar
hér, i jarðvegi
sem er gljúpari
en víðast hvar I
nálægum lönd-
um.
Rusliö væri
auðveldara við
að eiga, þ.e.a.s.
ef fólk væri aðeins þrifnara. En ís-
lendingar eru sóðar að upplagi og
vilja að aörir taki tU hendinni við
þrifnað. Helst hið opinbera.
Setja ætti lög um þrifnað; skikka
borgarana til að þrífa fyrir framan
hús sín, líka úr gangstéttum og
göturæsum. Lækka í staðinn skatta
af húseigendum og láta sektir koma
tU sé ekki farið að lögum. En ljklega
vUl fólkið frekar eigra um í skítnum
og ruslinu en að fá eðlilegar reglur
yfir sig að þessu leyti.
Ferjuflug til
Keflavíkur
Skarphéðinn hringdi:
Nauðlending flugvélar banda-
rísku konunnar í Njarðvík á
dögunum sannar að Keflavikur-
flugvöllur er sá staður þar sem
ferjuflugið á heima og annað flug
á þar einnig samastaö. Mikið er
þarna af óbyggðu flatlendi
þannig að mun minni hætta er
þarna en í Reykjavík. í nágrenn-
inu er svo Patterson-flugvöUur-
inn ónotaður. Þar mætti sem
best hafa kennsluflug og mest af
einkafluginu. Sá völlur bíður
bara eftir notkun með lítilshátt-
ar lagfæringu því hann var
byggður á sama tíma og Reykja-
víkurflugvöllur, kannski aðeins
síðar.
Verðbólgan
nálgast 9%
Kristleifur skrifar:
Ekki þurftum við lengi að bíða
eftir verðbólguvextinum. Verð-
bólgan er nú, samkvæmt út-
reikningi Hagstofu íslands, kom-
in í 8,4% á ársgrundvelli. Segi
svo menn að hér sé stöðugleiki
til staðar! Með þeim skuldum
sem við íslendingar höfum búið
okkur þarf enginn að láta sér
detta í hug að verðbólga geti
annað en hækkað verulega.
Vextir eru á uppleið á ný og
launafólk er enn á sokkaleistun-
um að glíma við afborganir af
eyðslu sinni og einnig daglegum
nauðþurftum. Ríkið berst svo
við að halda uppi atvinnubóta-
vinnu og slær erlend lári til að
fjármagna hana fyrir hönd skjól-
stæðinga sinna sem krefjast
stærri og stærri bita.
Organisti
fyrir prest?
Helga Kristjánsd. hringdi:
Manni blöskrar frekja og uppi-
vöðsluháttur þeirra safnaðar-
meðlima Langholtskirkju sem
gengið hafa í hús að undanfornu
og safnað undirskriftum gegn
presti sem er af flestum mjög vel
liðinn og er mikill trúmaður.
Dettur þessum þrýstihópi virki-
lega í hug að víkja presti og
halda organistanum? Hingað til
hefur það verið presturin sem er
númer eitt í kirkjustarfi en ekki
organistinn. Eða heldur þetta
fólk að organistinn komi í stað
prestsins?
Verkalýðsfor-
menn í klípu
Halldór Ólafsson skrifar:
Nú eru verkalýðsforingjar
komnir í verulega klípu út af
frumvarpi félagsmálaráðherra.
Frumvarpið er flestum mikill
léttir, ekki síst launafólkinu
sjálfu. En verkalýösforingjar
geta sjálfum sér um kennt. Þeir
hafa aldrei farið eftir neinu sem
þeim hefur verið bent á í allri
vinsemd. Hvað með styttingu
aldursmarka til lífeyristöku?
Eða þá tíðari útborgun launa
(hjá mánaðarkaupsfólki)?
Aldrei hlustað á neitt. Nú hefur
enginn samúð með verkalýðsfor-
kólfunum.
Býr einn í fimm
herbergjum!
Sigfús skrifar:
Mér brá ónotalega þegar ég las
fréttaklausu í Mbl. í morgun (21.
mars) þar sem greint var frá síð-
asta máli virts hæstaréttalög-
manns fyrir Hæstarétti. Þama
var því skotið inn eins og til
upplýsingar (fyrir hvern?) að
viðkomandi „byggi einn í fimm
herbergja íbúð sinni“! Fyrir
hvern voru þessar upplýsingar
eiginlega? Fylgist Mbl. ekki með
þjóðfélagsástandinu? Er þetta
nokkuð annað en ábending til
misindismanna sem ganga því
miður lausir um allt og sæta fær-
is að berja og ræna saklausa
borgarana?