Dagblaðið Vísir - DV - 02.04.1996, Síða 2

2
ÞRIÐJUDAGUR 2. APRÍL 1996
Fréttir
Rækjuveiðamar á Flæmska hattinum:
Rækjuverðið hrynur
löngu á undan stofninum
„Rækjumiðin sem við kölium
Flæmska hattinn eru 20 þúsund fer-
kílómetra svæði. Það er svipað og
öll rækjumiðin við ísland tU sam-
ans. Þarna hafa mest verið um 70
skip að veiðum en sé það rétt að
þama verði um 200 skip að veiðum
í vor þá líst mér ekki á blikuna. Þá
gæti veiðin orðið slík að ég er
hræddur um að heimsmarkaðsverð
á rækju komi til með að hrynja og
- segir Jón Kristjánsson fiskifræðingur
útgerðin leggst af. Þama sér maður
afleiðingar kvótans í hnotskurn. Ef
það væri ekki kvóti við Grænland,
við ísland og víðar þá myndi svona
brjálæði ekki eiga sér stað. Það eru
engar líffræðilegar forsendur fyrir
kvóta á rækju við ísland. Hann er
eingöngu stjórntæki til að flytja
peninga á milli manna en hefur
ekkert með vemdun rækjunnar að
gera,“ segir Jón Kristjánsson fiski-
fræðingur í samtali við DV.
Jón hefur unnið fyrir Félag úthaf-
sveiðiskipa við rannsóknir á
Flæmska hattinum og þekkir því
vel til á svæðinu. Hann segir að í
fyrra hafi um 70 skip verið að veið-
um á svæðinu og heildaraflinn um
26 þúsund lestir. Hann hafi verið
mjög svipaður nokkur undanfarin
ár.
„En varðandi rækjustofninn er ég
sammála Norðmönnunum um að
rækjuveiðar eru orðnar óarðbærar
löngu áður en hann er kominn í
hættu. Sem dæmi um þetta getum
við nefnt að ef menn veiða tonn á
tímann en fara svo allt í einu niöur
í 100 kíló á togtíma þá borgar sig
ekki lengur að standa í slíkum veið-
um,“ sagði Jón.
Hann bendir á í sambandi við
rækjukvóta við ísland að hér við
land séu allt að fjögur meginrækju-
veiðisvæði. Ef menn hefðu áhyggjur
af veiðiþoli rækjunnar myndu
menn setja kvóta á hvert veiðisvæði
fyrir. Þess í stað er settur heildar-
kvóti á hin ólíku veiðisvæði og það
segir hann að sé rugl og hafi ekkert
með líffræði að gera.
„Kvótasetning á rækju við ísland
er tískufyrirbæri og peningastýr-
ing,“ segir Jón Kristjánsson. -S.dór
86%
Meðal þeirra sem hlupu apríl í Hafnarfirði í gær hjá bílaleigunni Hasso-ísland
voru félagarnir Sigurður Hjörleifsson og Magnús Ingólfsson. Þeir ætluðu að
skoða Rolls Royce en þess í stað beið þeirra miðinn sem þeir halda á.
DV-mynd ÞÖK
Múlafoss í gegnnm ísinn:
Lítiö til
trafala
- sagði ívar skipstjóri
„Við sigldum alveg upp við
Horn, þræddum með fram ísjaðr-
inum og inn fyrir ísspangirnar,“
sagði ívar Gunnlaugsson, skip-
stjóri á Múlafossi, í gær en skip-
ið var þá að koma inn á ísafjarð-
ardjúp eftir að hafa siglt í gegn-
um ísinn við Hornvík og Hæla-
vík.
ívar sagði að vindur hefði ver-
ið orðinn norðaustanstæður við
Horn og inni í Djúpinu væri
hann suðvestlægur þannig að bú-
ast mætti við að ísinn tæki að
reka frá landi.
ívar sagði að ísinn hefði verið
gisinn og aðeins ein spöng náð til
lands við Hom. ísinn hefði verið
smágerður og gisinn nema helst í
spönginni sjálfri og auðvelt hefði
reynst að sigla í gegnum hann.
Múlafoss var við Norðurfjörð á
Ströndum um kl. 8 í gærmorgun
á leið til ísafjarðar. Norðaustur
af Selskeri var þá ísspöng sem lá
til norðvesturs og norðurs. Milli
Óðninsboða og Amdrupsboða var
önnur, en greiðfært þaðan að
Horni. Þó voru stakir jakar á
leiðinni sem gætu verið vara-
samir skipum í myrkri. Við
Hombjarg var ístunga sem
teygði sig í átt til lands en var
gisin næst landi en þétt til norð-
urs eins og sást. Fyrir vestan
Horn var jakahrafl sem teygðist
inn á Hælavík. Suðurjaðar ís-
hraflsins fylgdi 40 m dýptarlínu
en autt var fyrir innan. -SÁ
Selfoss:
Bíll og bílskúr
brunnu
Miklar sker.imdir uröu á bíl og
bílskúr við Háengi á Selfossi þeg-
ar eldur kom þar upp í gær-
kvöldi. Slökkvilið var kallað út
laust eftir klukkan níu og náði
að slökkva eldinn áður en hann
breiddist út. Eldsupptök era enn
óljós en getum er að því leitt að
kviknað hafl í út frá raf-
magnstæki. -GK
Flugleiðir hófu í gær flug til Boston í Bandaríkjunum og reikna með að flytja um 30 þúsund farþega á ári á þessari
leið. Jafnframt var tekin í notkun ný og glæsileg Boeing 757-200 þota hjá félaginu og var hún tekin á leigu í 6 ár.
Kristrún Eymundsdóttir, eiginkona samgönguráðherra, gaf vélinni nafnið Sóldís við athöfn í viðhaldsskýli Flugleiða.
Með Kristrúnu á myndinni er Sigurður Helgason, forstjóri Flugleiða. DV-mynd ÆMK
Fjölmargir vildu taka í Rolls Royce:
Síminn stoppaði ekki
eftir að DV kom út
- segir Hólmsteinn Brekkan, markaðsstjóri bílaleigu Hasso
„Síminn stoppaði ekki eftir að blað-
ið var komið út. Fólk hringdi hingað
umvörpum og vildi fá að prófa og
skoða Rollsinn. Það tóku allir þessu
vel nema hvað ég man eftir einum
sem var dálítið fúll. Við bættum úr
því með því að koma með „Rolls" tor-
færubílinn og stilla honum upp hér
fyrir utan,“ sagði Hólmsteinn Brekk-
an, markaðsstjóri bílaleigunnar
Hasso-ísland, við DV þegar útsendar-
ar blaðsins lögðu leið sína í Hafnar-
fjörðinn að kanna viðbrögð lesenda
við aprílgabbfrétt DV í gær.
Tilkynnt var að forláta Rolls Royce
bifreið i eigu Hasso Schútzendorf
væri komin til landsins og fólki boðið
að aka henni um höfuðborgarsvæðið
án endurgjalds í kynningarskyni.
Hólmsteinn sagði að mestur
straumur fólks hefði verið til bílaleig-
unnar um tvöleytið í gær eða þegar
aksturinn átti að heíjast. í stað þess
að sjá Rolls Royce fyrir utan bílaleig-
una gátu vegfarendur séð öflugt trylli-
tæki af gerðinni Hummer sem leigt
verður út i sumar.
Rolls er samt væntanlegur!
Lesendur DV era beðnir velvirðing-
ar ef þeir telja sig hafa farið fýluferð í
Hafnaríjöröinn. Hér var tekið örlítið
forskot á sæluna því það er dagsatt að
Rolls Royce frá Hasso er á leiðinni til
landsins. Dýrgripurinn er væntanieg-
ur til íslands 17. apríl næstkomandi
með Cargolux-vél. Hólmsteinn sagði
að fyrirhugað væri að senda hingað
fimm Rolis bila í sumar og bæta að
auki við þá 10 bílaleigubíla sem
Hasso-ísland er með i stöðugri út-
leigu. -bjb
NIÐURSTflÐfl
r fi H H
Eru stöðumælagjöld of há? f Q | ^ g
Nel 904-1600
Stuttar fréttir
Kindakjöt í hættu
Framkvæmdastjóri Fram-
leiðsluráðs landbúnaðarins ótt-
ast að kindakjötsútflutningur
frá íslandi sé í hættu. Sam-
kvæmt RÚV er ástæðan sú að
ótti neytenda vegna kúariðu í
Bretlandi kunni líka að beinast
að kindakjöti.
Ólögleg uppsögn?
Sjálfstæðismenn í borgar-
sfjóm Reykjavíkur telja ólöglega
staðið að uppsögnum starfsfóiks
Skólaskrifstofu Reykjavíkur.
Þetta kom fram á RÚV.
Kirkjan nátttröll
Sr. Sigríður Guðmarsdóttir,
sóknarprestur í Ólafsflrði, segir
að þjóðkirkjan sé stjórnskipu-
legt nátttröll og kunni ekki að
taka á málum á borð við bisk-
upsmálið. RÚV greindi frá
þessu.
Útboði lokið
Hlutaijárútboði upp á 100
milljónir króna í Þormóði
ramma er lokið. Hluthafar nýttu
sér forkaupsrétt til fulls og því
fara engin bréf á almennan
markað.
ÚA-bréf sem heild
Bæjarstjóm Akureyrar hefur
fengið skýrslur tveggja verð-
bréfafyrirtækja um hvernig best
sé að selja hlut bæjarins í Út-
gerðarfélagi Akureyrar. Sam-
kvæmt Mbl. telja Landsbréf best
að selja bréfin sem eina heild,
þannig fáist meira verð fyrir
þau.
{ðnaðarmenn kvarta
íslenskir iðnaðarmenn hafa
kvartað undan því við fram-
kvæmdaaðila Borgarholtsskóla í
Grafarvogi að innfluttar gifs-
plötur séu notaðar í milliveggi
en ekki íslenskar vikurplötur.
Þetta kom fram á RÚV.
Sameining á Vestfjörðum
Viðræður standa yfir um sam-
einingu sex sjávarútvegsfyrir-
tækja á Vestöörðum. Sam-
kvæmt Mbl. hefði sameinað fyr-
irtæki yfir að ráða 10 þúsund
tonna þorskígildiskvóta.
Hrafn á föstu
Hrafn sem flögraö hefur um
einn í Grímsey í vetur hefur náð
sér í maka. Samkvæmt Mbl.
voru eyjaskeggjar farnir að
halda að krummi væri orðinn of
, gamall til að stíga i vænginn við
hitt kynið.
Lakari afkoma SR-mjöls
Afkoma SR-mjöls versnaði á
síðasta ári um 61 milljón þegar
hagnaðurinn nam 75 milljónum
samanborið viö 136 milijónir
árið 1994. Samkvæmt Mbl. er
ástæða afturkipps hækkun á
hráefniskostnaði. -bjb