Dagblaðið Vísir - DV - 11.02.1999, Blaðsíða 5
FIMMTUDAGUR 11. FEBRÚAR 1999
5
Fréttir
Loönuleitin gengur erfiðlega:
Enn ekki vísbending-
ar um aukinn kvóta
DV, Akureyri:
„Nei, ég get ekki svarað þeirri
spumingu játandi að hægt verði
að auka við loðnukvótann en við
erum hins vegar ekki búnir að
ljúka þessum leiðangri og þetta
getur breytst," segir Hjálmar Vil-
hjálmsson, leiðangursstjóri á
hafrannsóknaskipinu Áma Frið-
rikssyni sem hefur verið við
loðnuleit meira og minna í heil-
an mánuð.
Hjálmar segir að enn sé eftir
að finna loðnu sem er austar en
sú ganga sem veiðst hefur úr við
Ingólfshöfða undanfarna sólcir-
hringa. „Ég er hræddur um að
það geti tekið einhverja daga því
við þurfum að leita þá loðnu
uppi og höfum ekki í neitt ákveð-
ið að ganga. Við verðum að
halda áfram þangað til þessi mál
eru komin á hreint en við þurf-
um að finna talsvert magn fyrir
austan til þess að hægt verði að
auka við kvótann," segir Hjálm-
ar.
Hann segir loðnuna á svæðinu
við Ingólfshöfða vera í skárri
kantinum miðað við það sem
sést hafi á vertíðinni og þar sé
tiltölulega hátt hlutfall af fjög-
urra ára loðnu. Meðalþyngd sé
hins vegar ekki nema rúmlega 19
grömm og um 65 hrygmrr í
hverju kílói. „Ég er hræddur um
að það eigi ekki eftir að lagast og
það er líklegra að sú loðna sem
við eigum eftir að finna austar sé
enn smærri," segir Hjálmar.
Upphafskvótinn á vertíðinni
nam 688 þúsund tonnum og eru
nú veidd um 390 þúsund tonn.
Það þýðir að ekki eru eftir
óveidd nema tæplega 300 þúsimd
tonn og ef ekki verður bætt veru-
lega við kvótann yrði það mikið
áfall fyrir alla sem koma að þess-
um veiðum og þjóðarbúið í heild.
-gk
Hjálmar Vilhjálmsson: „Bjartsýnin
hefur ekki aukist enn þá“.
Hús að gjöf
DV, Siglulirði:
Landsmönn-
um stendur til
boða að fá hús-
eignina Lækj-
argötu 7b á
Siglufirði að
gjöf og jafn-
framt fjárupp-
hæð til að gera
endurbætur á
húsinu. Húsið,
sem er eign
bæjarsjóðs
Siglufjarðar,
var nýlega
auglýst i bæj-
arblaðinu.
Jafnframt eru
gefin vilyrði
um peninga-
upphæð en
skilyrði sett
um fullnaðar-
frágang húss-
ins að utan
þannig að útliti og nánasta um-
hverfi verði komið í viðunandi
horf.
Guðmundur Guðlaugsson bæj-
arstjóri sagði í samtali við frétta-
mann að bærinn hefði eignast
húsið seint á síðasta ári og þá með
því ákvæði að það yrði ekki rifið
næstu sex mánuði. Ljóst er að nið-
urrif þess mun kosta bæjarsjóð
einhver peningaútlát og þvi hafi
vaknað sú hugmynd að gefa fólki
kost á að eignast húsið ef það vildi
leggja vinnu og fjármagn í endur-
gerð þess.
Guðmundm sagði að þarna
væri þó ekki um stefhumarkandi
aðgerð af hálfu bæjaryfirvalda að
ræða varðandi gömul hús. Hins
Húsið sem fólki stendur til boða að eignast. DV-mynd Örn
vegar teldi hann að slíkt yrði met-
ið í hverju einstöku tilfeúi. Þarna
sé áberandi hús sem setji óumdeil-
anlega nokkurn svip á miðbæinn
og þvi vilji bæjaryfirvöld reyna
þessa leið.
í auglýsingu bæjarins kemur
fram að beiðni um styrkfjárhæð
er algjörlega óháð endanlegri
ákvörðun bæjarstjómar um fjár-
hæðina en getur haft áhrif á val
bæjarins á viðtakanda sýni fleiri
en einn málinu áhuga. Þess má
geta að frestur til að skila inn er-
indum varðandi húsið er til 20.
febrúar. Fram að þeim tíma geta
áhugasamir fengið að skoða eign-
ina.
-ÖÞ
Starfs-
menn DV á
Hólmavík
DV; Hólmavík:
Dreifing DV á Hólmavík hvilir á
herðum mæðgnanna Jensínu Páls-
dóttur og Hólmfríðar Ýrar Ey-
steinsdóttur. Við bætta þjónustu
alls flutnings á pósti hin síðari ár
eftir að nær daglegar ferðir em
orðnar að veruleika hér má segja
að þær dreifi blaðinu til viðtak-
enda ofast sex daga í viku flestar
vikur ársins. Jensína er auk þess
umboðsmaður blaðsins á Hólma-
vík og hefur verið það undanfarin
ár. Kann hún vel starfmu fyrir
blaðið. -Guðfinnur
Jensína Pálsdóttir og dóttir hennar,
Hólmfríður Ýr Eysteinsdóttir. Þær
bera hitann og þó aðallega þungann
af dreifingu DV á Hólmavík.
DV-mynd Guðfinnur
Sunnutindur við hafnarbakkann f nýrri heimahöfn á ísafirði.
DV-mynd Hörður
Sunnutindur keyptur til ísafjaröar:
Verður gerður út á rækju
Skuttogarinn Sunnutindm- SU 59
hefur verið keyptur til ísafjarðar.
Kaupendur eru Aðalbjörn Jóakims-
son, gjaman kenndur við Bakka, og
Aðalsteinn Ómar Ásgeirsson á ísa-
firði.
Sunnutindur, sem er 489 brúttó-
tonn að stærð, var smíðaður í Nor-
egi árið 1978 en keyptur til íslands
1981. Togaranum var breytt í frysti-
skip árið 1997. Að sögn Aðalsteins
Ómars verður sama áhöfn á skipinu
og verið hefur. Sagði hann að togar-
inn væri keyptur án kvóta og hann
yrði gerður út á rækju. Keyptur
verður kvóti á togarann til viðbótar
því sem þeir félagamir ráða þegar
yfir. Verið er að setja rækjulínu í
skipið og ráðgert er að hægt verði
aö hefja veiðar í lok næstu viku.
Ekki fekkst uppgefíð hvert kaup-
verð skipsins er. -HKr.
Aðalsteinn Ómar Ásgeirsson, annar af nýjum eigendum Sunnutinds sem
keyptur hefur verið til l'safjarðar. DV-mynd Hörður
Loðnuvertíðin:
Víkingur AK aflahæstur
DV, Akureyri:
Víkingur AK er aflahæstur þeirra
42 skipa sem hafa komið með loðnu
að landi á haust- og vetrarvertíð-
inni. Skýrsla Samtaka fiskvinnslu-
stöðva um afla einstakra skipa frá í
fyrradag nær yfir ríflega 361 þúsund
tonna afla og vom þá óveidd af byrj-
unarkvóta um 327 þúsund tonn.
Víkingur AK var þá með 19.602
tonn en næstu skip voru: Börkur NK,
17.084 tonn, Örk KE, 16.297 tonn,
Hólmaborg SU, 15.566 tonn, Jón Kjart-
ansson SU, 13.544 tonn, Háberg GK,
12.512 tonn, Súlan EA, 12.016 tonn,
Sigurður VE, 11.873 tonn, Grindvík-
ingur GK, 11.622 tonn, og Faxi RE,
11.337 tonn.
Kvótastaða einstakra skipa, miðað
við upphafsúthlutun, er mjög mismun-
andi. Sum skipin eiga enn eftirlO-18
þúsund tonn en önnur eiga ekki eftir
nema nokkur hundruð tonn eða örfá
þúsund tonn. Sjómenn bíða því margir
spenntir fregna af loðnuleitarleiöangri
Hafrannsóknastofnunar sem staðið
hefúr yfir frá því um 10. janúar en tíð-
inda um frekari úthlutun á kvóta mun
að vænta á næstu dögum. -gk