Dagblaðið Vísir - DV - 11.02.1999, Blaðsíða 22
22
FIMMTUDAGUR 11. FEBRÚAR 1999
íþróttir_________________ r*v
Haukar
eða
Fram?
Þetta er bikarinn glæsilegi sem
Haukar og Fram munu bítast
um á laugardaginn. Fram hefur
hampað bikarnum oftast allra
eða 11 sinnum í 13 tilraunum
en Haukar hafa unnið bikarinn
einu sinni og það í einni tilraun.
DV-myndir Hilmar Þór
Harpa Melsted er lykilleikmaður í Haukaliðinu og það veltur
mikið á frammistöðu hennar hvort Haukar ná að vinna
bikarinn á laugardaginn.
Jóna Björk Pálmadóttir, Húsvíkingurinn ungi í liði Fram, hefur
verið drjúg í markaskorun fyrir Fram í vetur og hún á
örugglega eftir að hrella varnarmenn Hauka á laugardaginn.
Guðríður Guðjónsdóttir, 37 ára skytta Framara:
Bikardrottning
- bætir Guðríður tólfta bikarmeistaratitlinum við á laugardag?
Guðríður Guðjónsdóttir lék sinn
fyrsta bikarúrslitaleik fyrir 23 árum.
' Þá var hún aðeins 14 ára gömul.
Síðan hefur hún leikið 13 úrslitaleiki
og fagnað 11 bikarmeistaratitlum.
Guðríður Guðjónsdóttir tók fram
skóna á ný í sigri Fram í undanúr-
slitaleiknum úti í Eyjum og gerði þá
tvö mörk og nú er spennandi að sjá
hvort hún, sem er markahæsti leik-
maður bikarúrslitaleiks kvenna frá
upphafi, bætir fleiri mörkum við
met sitt á laugardag.
Guðríður hefur alls leikið 11 bik-
arúrslitaleiki og skorað í þeim 66
mörk en auk þess hefur hún stjórn-
að Framliðinu tvisvar til sigurs án
þess að getað leikið vegna meiðsla.
Guðríðm’ hefur því samtals tekið
þátt i 13 bikarúrslitaleikjum af 23 og
unnið ellefu bikarmeistaratitla, oft-
ast alira, einum fleiri en Kolbrún
Jóhannsdóttir, fyrrum félagi hennar
í Framliðinu.
23 ára bikarferill
Það er gaman að segja frá því að
ferill Guðríðar spannar öll árin 23
sem bikarkeppni kvenna hefur farið
fram og þannig lék hún fyrsta bikar-
úrslitaleikinn 1976 þá aðeins 14 ára
gömul. Þá varð hún að sætta sig við
silfurverðlaun er Fram beið lægri
hlut fyrir Ármanni í vítakeppni.
Guðríður skoraði eitt mark í þess-
um leik en hún átti eftir að vinna
með Fram ellefu næstu bikarúrslita-
leiki sem hún kom nálægt eða allt
þar til að Fram tapaði fyrir Stjörn-
unni 1996, eftir framlengingu.
Þannig hefur þurft framlengingu í
bæði skiptin og í annað skiptið líka
vítakeppni til að létta á taki Fram-
liðsins á bikamum í þessi tvö skipti
af þrettán sem félagið hefur tapað
bikarúrslitaleik.
11 mörk í einum metleik
Enginn hefur gert fleiri mörk en
Guðríður í einum bikarúrslitaleik
kvenna. Hún tók sig til og gerði 11
mörk, þar af 3 úr vítum, gegn
Stjömunni 16. apríl 1986 þegar
Fram tryggði sér fimm marka sigur.
Alls á Guðríður fjögur sæti af efstu
átta á listanum yfir flest mörk í ein-
um bikarúrslitaleik og ennfremur
þau tvö hæstu en hún gerði 10 mörk
gegn ÍR 1984.
30 mörk á þremur árum
Það má líka draga enn eitt afrek
Guðríðar í bikarúrslitaleik fram í
dagsljósið því árin 1984 til 1986 skor-
aði hún 30 mörk i þremur bikarúr-
slitaleikjum. Það afrek á örugglega
eftir að vera seint jafnað, það að
leika með liði sem kemst þrjú ár í
bikarúrslit, vinna í öll skiptin og
svo ofan á allt að gera 10 mörk að
meðaltali í þessum þremur leikjum.
Einstakt afrek.
Tvisvar fyrirliði, tvisvar
þjálfari
Þó svo að Guðriður hafi unnið ell-
efu bikara hefur hún aðeins tvisvar
gengið fram og tekið við bikamum
sem fyrirliði Framliðsins. Það voru
árin 1986 og 1991 en Oddný Sig-
steinsdóttir hefur tekið við 6 af þess-
um 11 bikurum, Ama K. Steinsen
við tveimur og Selka Tosic einum,
þeim síðasta árið 1995. Eins hefur
Guðríður stjórnað Fram til sigurs í
tveimur af þremur bikarúrslitaleikj-
um sem þjálfari liðsins, þar af sem
leikmaður og þjálfari 1987.
30 titlar í meistaraflokki
Ekki er bikarsaga Guðríðar ein-
göngu tengd handboltanum því
Bikarpunktar
9 1999 ^
Haukar og Fram leika til úrslita í
bikarkeppni kvenna. Leikurinn hefst
klukkan 13.30 og fer fram í Laugar-
dalshöll.
Þetta er 24. bikarúrslitaleikur
kvenna í handbolta en sá fyrsti fór
fram 13. april 1976 er Ármann vann
Fram í vitakeppni.
Framstúlkur hafa leikið ílesta bik-
arúrslitaleiki (13), unnið flesta (11) og
eru með bestan árangur í úrslitaleik
af þeim liðum sem leikið hafa þrjá
leiki (85%). Fram vann meðal annars
flögur ár í röð, 1984-87, og lék ellefu
bikarúrslitaleiki frá 1978 til 1995 í röð
án þess að tapa.
Fram verður þvi að teljast mikið bik-
arlið i kvennaflokki. Liðið hefur spil-
að 13 af 23 leikjum og ennfremur
komist 20 sinnum af 24 skiptum i
undanúrslit keppninnar.
Fram á stcersta sigurinn, 10 marka
sigur, 19-9, á ÍR 1982 en Stjömustúlk-
ur eiga markametið en þær gerðu 28
mörk gegn Vikingum í fyrra.
Haukastúlkur leika sinn annan bik-
arúrslitaleik en þær unnu bikarinn
1997. Haukar urðu þá 11. liðiö til að
leika í bikarúrslitum kvenna og jafn-
framt aðeins eitt þriggja liða sem
vinnur sinn fyrsta úrslitaleik. Hin
era Ármann (1976) og KR (1977).
Bikarúrslitaleikur kvenna hefur
verið afar jafn og spennandi á undan-
fórnum árum. Af síðustu 6 leikjum,
hafa þrir verið framlengdir og hinir
þrir allir endað með 3 marka mun
eða minna.
Þetta er sjöundi bikarleikur milli
Hauka og Fram í kvennaflokki.
Framarar hafa unnið flóra en Haukar
tvo en siðast mættust liðin 8 liða úr-
slitum 1997. Þá unnu Haukar og urðu
síðan bikarmeistarar en þær geta
endurtekið leikinn nú.
Gústaf Björnsson, þjálfari Fram,
hefur tækifæri til að bæta fimmta
bikarmeistaratitlinum sem þjálfari
en hann þjálfaði sigrulið Fram 1984
til 1986 og sigurlið Víkinga 1992.
Vinni Fram og Gústaf á hann einn
metið en Guðjón Jónsson stýröi
einnig Framstúlkum fjórum sinnum
til sigurs í bikarkeppninni 1978 til
1980 og 1982.
-ÓÓJ/GH
gaman er að minnast á það að hún
var bikarmeistari 3 fyrstu ár bikar-
keppni kvenna 1981 til 1983 og á því
að baki 14 bikarmeistaratitla í
handbolta og fótbolta. Auk þess hef-
ur hún orðið íslandsmeistari 12
sinnum í handbolta og 4 sinnum í
fótbolta og hefur því alls unnið til
þrjátíu stórra titla í boltaíþróttum á
íslandi. Geri aðrir betur.
í fylgd með föður sínum
I fyrstu fjögur skiptin sem Guð-
ríður var bikarmeistari fagnaði hún
bikamum við hlið föður síns, Guð-
jóns Jónssonar. Guðjón á metið yfir
flesta bikarmeistaratitla eins þjálf-
ara ásamt Gústafi Bjömssyni, nú-
verandi þjálfara Framstúlkna. Guð-
ríður gæti þannig hjálpað Gústafi
um helgina að bæta met föður
hennar með því að stjórna sínu liði
til fimmta bikarmeistaratitilsins.
Hvað gerist verður gaman að sjá en
eitt er víst að bikarhefðin ætti að
vera Framliðinu styrkur á laugar-
dag.
-ÓÓJ
Bikarúrslitaleikir
Guðríðar
I. 1976 Fram tapaði fyrir Ármanni í vítakeppni 15-17......skoraði 1 mark
2. 1978 Fram vann FH 13-11.................................skoraði 4 mörk
3. 1979 Fram vann KR 11-9..................................skoraði 5 mörk
4.1980 Fram vann Þór, Akureyri, 20-11.....................skoraði 9 mörk
5. 1982 Fram vann ÍR 19-9.................................skoraði 5 mörk
6.1984 Fram vann ÍR 25-20 ...............................skoraði 10 mörk
7.1985 Fram vann Val 21-14................................skoraði 9 mörk
8.1986 Fram vann Stjörnuna 23-18..........................skoraði 11 mörk
9. 1987 Fram vann FH 14-13................................ skoraði 4 mörk
10. 1990 Fram vann Stjörnuna...............................skoraði 2 mörk
II. 1991 Fram vann Stjörnuna...............................skoraöi 6 mörk
12.1995 Fram vann Stjörnuna 22-21 í framlengingu..........meidd + þjálfari
13.1996 Fram tapaði fyrir Stjömunni 13-15 í framlengingu .. meidd + þjálfari
og sá fjórtándi i röóinni
14. 1999 Fram spilar gegn Haukum í Höllinni á laugardag klukkan 13.30
Herdís Sigurbergsdóttir fyrirliði Stjörnunnar:
Markvarslan á eftir að vega þungt
Herdís Sigurbergsdóttir úr Stjömunni
á von á jöfnum og spennandi úrslitaleik
á milli Fram og Hauka í Laugardalshöll-
inni á laugardag. Herdís segir að það
verði svolítið öðruvisi að verða áhorf-
andi því helst af öllu heföi hún viljað
vera þátttakandi i þessum stóra leik með
stöllum sínum í Stjömunni.
„Það bendir allt til þess að þessi leik-
ur gæti orðið spennandi og það er mjög
erfitt að spá nokkuð fyrir um úrslit
hans. Ég held að markvarslan eigi eftir
að vega þungt en bæði liðin tefla fram
sterkum markvörðum sem geta á góð-
um degi hæglega unnið leik fyrir sitt fé-
lag. Kvennahandboltans vegna vona ég
að við fáum að sjá góðan leik. Mér
finnst að Framliðið hafi verið að gefa
eftir í síðustu leikjum og leikurinn við
FH er kannski merki um það. Haukam-
ir voru kannski að sama skapi ekki
sannfærandi í leik sínum í undanúrslit-
um bikarsins," sagði Herdís Sigurbergs-
dóttir.
Spennandi og jafn leikur í
vændum
„Styrkur Framara liggur í markvörsl-
unni en Hugrún hefur verið að veija vel
í vetur. Rússarnir styrkja liðið mikið og
svo má ekki heldur gleyma Guðriði Guð-
jónsdóttur og Örnu Steinsen. Þó að þær
séu ekki aö leika mikið hefur nærvera
þeirra góð áhrif á liðið í heild. Styrkur
Haukaliðsins er einnig i markvörslunni.
Harpa og Thelma eru mikilvægir hlekk-
ir í liöinu. Það verður síðan spuming
hvort Judith Ezstergal nær sér strik en
meiðsli hafa sett strik í reikningin hjá
henni. Annars er ástæða til hlakka til
þessa leik sem gæti boðið upp á mikla
spennu," sagði Herdís. -JKS