Dagblaðið Vísir - DV - 04.11.1999, Blaðsíða 4

4
FIMMTUDAGUR 4. NÓVEMBER 1999
Fréttir
sandkorn
Stoke á íslenskan markað og stefnt á úrvalsdeild:
Mikil áhætta
- en einnig góð hagnaðarvon, segir forstjóri Kaupþings
Frá leik Stoke í gærkvöldi þar sem íslenski fáninn var áberandi.
„Allir þeir sem taka þátt i
þessari fjárfestingu eru mjög
meðvitaðir um að þama er um
mikla áhættu að ræða. En
áhætta og möguleg ávöxtun
hanga saman,“ segir Sigurður
Einarsson, forstjóri Kaupþings,
en gengið hefur verið frá kaup-
um íslenskra íjárfesta á 66%
hlutabréfa í Stoke City. Form-
leg eigendaskipti á félaginu
verða á heimavelli þess 15. nóv-
ember nk.
Hinir nýju eigendur Stoke
eru Elfar Aðalsteinsson, ísóport
ehf., Júlíus Bjamason, Kaup-
þing hf„ Kaupthing Luxembo-
urg SA, Lyngháls ehf., Magnús
Kristinsson og fleiri, Spectra
AB, Sundagaröar ehf., Þor-
steinn Vilhelmsson og Þorvald-
ur Jónsson.
„Þetta hefur ekki verið gert
áður af islenskum fjárfestum og
sýnir að þeir eru famir að
horfa meira í kringum sig og
skoða fleiri ávöxtunarmögu-
leika en hingað til,“ segir Sig-
urður. Að sögn Sigurðar áform-
ar Kaupþing að selja hlut sinn í
Stoke á almennum markaöi
hérlendis og fer salan væntan-
lega í gang fljótlega eftir 15. nóvem-
ber. „Miðað við þann áhuga sem
verið hefur á þessu hingaö til þarf
naumast að auglýsa mikiö,“ segir
hann.
Guöjón og íslenskir leikmenn
Kaupverð hefur ekki verið geílð
upp og Sigurður vill ekkert um það
segja. Sömuleiðis segir hann ótíma-
bært að skýra nánar frá áformum
íslensku fjárfestanna, t.d. hvað
varðar ráðningu á Guðjóni Þórðar-
syni til þjálfarastarfa hjá félaginu
eða um hugsanleg kaup á íslenskum
leikmönnum.
Samkvæmt heimildum DV hins
vegar hefur í samningaviðræðum
íslendingana við eigéndur Stoke
ýmist verið rætt um að þeir keyptu
51% hlut eða allt að 66% hlut eins
og raunin varö. DV hefur áður skýrt
frá því að setja átti fram kauptilboö
í 51% hlut fyrir 400 milljónir króna.
Samkvæmt því gæti endaniegt
kaupverð verið nokkru hærra en sú
upphæö en taka verður tillit til að
semja þurfti sérstaklega að nýju um
kaupverðið þar eö áður óþekktar
skuldir skutu upp kollinum við
skoðun á bókhaldi.
Enn fremur segja heimildir DV
að áform nýrra eigenda Stoke séu
eftir sem áður þau að Guðjón taki
við starfl knattspymustjóra Stoke
og telja afar líklegt að einhverjir ís-
lenskir leikmenn séu í sigtinu.
Sömu heimildir segja að Stoke Hold-
ing hyggist jafnvel leggja enn meira
fé en upprunaleg áætlun upp á um
300 milljónir króna gerði ráð fyrir í
uppbyggingu á félaginu, ekki síst til
leikmannakaupa.
Græn grein í hillingum
Stoke þykir ekki sérlega gott
knattspymulið fremur en önnur liö
sem leika í annarri (þriðju) deild í
Englandi. I þessu sjá íslensku fjár-
festamir möguleika. Einn úr hópn-
um orðaði þessa hugsun þannig í
samtali við DV:
„Þó ekki kæmu nema nokkrir
nýir toppleikmenn héðan aö heiman
ætti að vera hægt að bæta liðið
nógu mikið til að komast upp um að
minnsta kosti eina deild. Þá er staða
málsins allt önnur. Áhorfendum
fjölgar þá úr um tólf þúsund á hveij-
um leik í yfir 20 þúsund á leik. Það
Fréttaljós
Garðar Öm Úlfarsson
skiptir sköpum. Auk þess verða
auglýsingatekjur miklu hærri,
möguleikar af viðskiptum með leik-
menn verða meiri og maður talar
nú ekki um ef einhver sjónarpsrétt-
indi koma inn að þá eru menn á
grænni grein.“
í DV hefur áður komið fram að
samkvæmt bjartsýnni áætlun nýju
eigendanna verður Stoke komið upp
í úrvalsdeild á fjórða ári héðan í frá
og verðmæti þess hefur vaxið í 4,5
milljarða króna aö tíu árum liðnum.
Uppbygging hefst
Viðhorf áhangenda Stoke til nýju
eigendanna mun vera jákvætt enda
gera þeir sér vonir um að íslending-
amir nái að rifa liðið upp úr þeim
fjárhagslega öldudal sem það velkist
nú um í. Fyrri eigendur komu mjög
glæsilegum leikvangi yfir liðið,
Brittania Stadium, sem tekur 28
þúsund áhorfendur í sæti og teldist
fullgóður fyrir úrvalsdeildarlið.
Þess má geta að sérstakt hlutafélag
er um eignarhald á Brittania Stadi-
um og á Stoke leikvanginum á móti
bæjarfélaginu og telst það fyrir-
komulag frekar teljast styrkur en
veikleiki fyrir nýja eigendur. En
fyrri eigendur munu hins vegar
ekki hafa haft bolmagn eða vilja til
að leggja samtímis til þá fjármuni
sem hefur þurft til að bæta liðið.
Það er hins vegar hugmynd íslend-
inganna aö nú sé hægt að fara að
einbeita sér að þvi.
Engum til góðs
Nýkaupsmenn vOja vekja
fólk til umhugsunar um
hvort leyfa eigi sölu léttvíns
og bjórs í matvöruverslun-
um. í því skyni hafa þeir
sett upp vínbúð í verslun
sinni í Kringlunni sem af-
girt er með þéttriðnu vír-
neti. Vín- og ölþyrstir við-
skiptavinir verða að láta sér
nægja að horfa á flöskurekk-
ana meðan þeir aka inn-
kaupakörfunum fram hjá,
með steikum og öðru góð-
gæti í. Bogi og örvar setja
málið síðan i skoplegt sam-
hengi í sjónvarpsauglýsing-
um, að hætti Dananna
tveggja í margfrægum aug-
lýsingum ónefnds ölfram-
leiðanda norðan heiða. Ný-
kaupsmenn segjast treysta
sér til að axla þá ábyrgð að selja léttvín og bjór
og að auki telja þeir íslendinga reiðubúna að axla
þá ábyrgð sem felst í auknu verslunarfrelsi.
Nýkaupsmenn virðast ekki gera sér grein fyrir
að verslun með áfengi er alvörumál og að þeir
eru að skjóta sig í fótinn með þessum æflngum.
Þeir vilja selja vímuefni sem sýnt er og sannað að
leiða muni viðskiptavinina í glötun því þeir geta
engan veginn axlað þá ábyrgð sem felst í auknu
verslunarfrelsi. Enda er þetta verslunarfrelsi út-
lent fyrirbæri og ekki í neinum takt við íslenska
lifnaðarhætti. Aukið verslunarfrelsi að hætti út-
lendra mun breyta drykkjuvenjum landsmanna
og leiða þá í glötun því í flestum tilvikum hefst
misnotkun vímuefna með áfengisneyslu. Síðan
stigmagnast vímuefnanotkunin þar til viðskipta-
vinurinn er kominn á ystu nöf, rúinn heilsu,
sjálfsvirðingu og viðskiptatrausti. Nei, hér verð-
ur að spoma við fótum ef ekki á illa að fara. Auk-
iö verslunarfrelsi er engum til góðs, allra síst ís-
lendingum. Erlent verslunar-
frelsi varðar leiðina til glöt-
unar. Það er kunnara en frá
þurfi að segja.
íslendingar eru þrælaþjóð
i eðli sínu sem kyssir vönd-
inn þegar best liggur á henni.
Það vita forstjórar olíufélag-
anna og tryggingafélaganna,
að ógleymdum forstjóra
ÁTVR. Það ættu forráða-
menn Nýkaups að vita. Til að
þjóðin haldi sönsum og missi
ekki vitið i endalausri vimu
erlends verslunarfrelsis og
áfengis er nauðsynlegt að
þeir fari sér hægt. Þeir mega
heldur ekki gleyma þjóðhags-
legum ávinningi bens-
íneyðslu og árekstra sem
fylgir akstri þúsunda íslend-
inga að útsölustöðum Hösk-
uldar. Þar verða minni hagsmunfr að víkja fyrir
meiri. Það er kominn timi til að íslendingar fari
að haga sér eins og íslendingar þar sem áfengi er
annars vegar, hefji almennilegt brennivín aftur
til vegs og viröingar. Það er ekkert eins gott fyr-
ir sál og líkama og almennilegt helgarfyllirí.
Endalaust gutl í víni og bjór á knæpum og klám-
stöðum hefur svæft vitund manna um þjóöleg
gildi. Og boðberar erlends verslunarfrelsis ganga
á lagið. Dagfari
Vilhjálmur?
Enn hefur ekki verið skipað í
stöðu seðlabankastjóra eftir að
Steingrímur Hermannsson lét af
störfum. Þriðja bankastjóraskrif-
stofan í höÚ mamm-
ons er þvi mann-
laus. Lengi var því
haldið fram að
Halldór Guð-
bjarnason mundi
setjast í umrædd-
an stól. Af því
varð þó ekki og
tók Halldór við
starfi forstjóra
Visa íslands. Nú gengur það
hins vegar íjöilunum hærra að
Vilhjálmur Egilsson, alþingis-
maður tyrir Sjálfstæðisflokkinn og
framkvæmdastjóri Verslunarráðs,
verði seðlabankastjóri frá og með
áramótum. Menn spyrja þá vænt-
anlega hvað verði um helminga-
skiptaregluna en óskrifaðar reglur
segja sætið tilheyra Framsókn. Því
er þá svarað að Davíð sjálfur skipi
í stöðuna ...
Græðir
Þegar Haraldur Haraldsson í
Andra keypti Áburðarverksmiðj-
una var hún rekin með miklum
halla og vegna aukinnar verðbólgu
leit út fyrir veruleg-
ar kostnaðarhækk-
anir og enn meira
tap. En Halla og fé-
lögum tókst að
snúa vöm í sókn,
hagræða og
lækka kostnað.
Svo mikið að
áburðarverð til
bænda helst
óbreytt. í því sambandi má geta að
starfsmönnum hefur fækkað úr 84
í 62. Spá menn því að ef fram held-
ur sem horflr muni ekki líða á
löngu áður en Áburðarverksmiðj-
an fari að sýna hagnað. Viðsnún-
ingur í rekstri er tíundaður í
fréttabréfi verksmiðjunnar sem
nefnist Græðir. Finnst mönnum
við hæfi að ef Haraldur fer að
græða verulega verði að kalla
fréttabréfið Stórgræðir eða Græðir
á tá og fmgri...
í uppmælingu
Því var kastað fram í Sandkorni
í gær að nektardansmeyjar gætu
orðið félagsmenn í Rafiðnaðarsam-
bandinu þar sem þær byggðu upp
svo mikla spennu í
starfi sínu. En hvar í
fylkingu sem önd-
vegissúlukonur ís-
lands lenda bíða
margir spenntir eft-
ir að lesa samn-
ingstexta þeirra og
hvort verði ofan á,
tímakaup eða
uppmæling. Enn
fremur er spurt hvort greitt verði
fyrir unna stund eða hvort miðað
veröur við felida spjör í uppmæl-
ingu. Hver sem niðurstaðan verður
er víst að hart á eftir að takast á um
hver fær að meta vinnuframlag
hinnar nýju stéttar til launa ...
Fúlir flúðu Jens
Jens Einarsson, ritstjóri Eið-
faxa, skrifaði um hestamennsku í
Skagafirði i pistli í síðasta Eiðfaxa
og fannst Skagfirðingum lítið til
þeirra skrifa koma.
Þegar Sveini Guð-
mundssyni á Sauð-
árkróki var boðið
sæti við sama borð
og Jens á Lands-
þingi hesta-
mannafélaga
fannst Sveini
betra að vera
annars staðar.
Hjartarson flutti þá þessa vísu:
Tæplega þeir taka sjens
að treysta nokkru orði.
í fúlu skapi flúðu Jens
og fluttu sig að öðru borði.
Umsjón Haukur L. Hauksson
Netfang: sandkorn @ff. is