Dagblaðið Vísir - DV - 17.08.2002, Page 9

LAUGARDAGUR 17. ÁGÚST 2002
H e Igct rb loö D V o
Handboltahetjur hjálpa
við flóðavamir
Þjóðhetjur íslendinga á hand-
boltavellinum stóðu í gær vaktina
á götum úti í Þýskalandi og lögðu
hönd á plóginn við að reyna að
stemma stigu við vatnselg flóðanna
sem gleypa nú sífellt fleiri borgir
og bæi. Á meðfylgjandi myndum
sjást Ólafur Stefánsson, landsliðs-
maður í handbolta og atvinnumað-
ur með Magdeburg í Þýskalandi,
og Alfreð Gíslason, þjálfari Mag-
deburgar, hjálpast að við að moka
sandi í sekki sem notaðir eru til að
byggja varnargarða til að verjast
flóðunum.
Áin Saxelfur rennur gegnum
Magdeburg en vatnsborð árinnar
mældist í gær níu metrum hærra
en venjulegt er.
í DV í gær var rætt við Alfreð
sem þá var í óðaönn að flytja hús-
muni og annað innbú upp á efri
hæð húss síns. Það er á flóðasvæði
og hefur vatn þegar flætt inn í
kjallarann. Búist er við að vatns-
borð þar muni hækka enn meira
og neðri hæð hússins verði flóðun-
um að bráð. Alfreð hyggst flytja
inn í hús sem hann er með í bygg-
ingu og er á öruggu svæði. I dag á
að rýma þrjú hverfi í Magdeburg
sem liggja nálægt Saxelfi en Alfreð
býr í einu þeirra.
Ólafur Stefánsson sagði að búist
væri við að bylgjan lenti á Magdeburg
í dag eða á morgun frá Dresden sem
hefur orðið verst úti af þýskum borg-
um. Ólafur býr utan mesta hættusvæð-
isins og segir hann hús fjölskyldu sinn-
ar vera öruggt. -fin
„Strákarnir okkar“ hjálpa til í Þýskalandi
Ólafur og Alfreð hafa fyllt poka af sandi til að nota í varnargarða gegn flóðunum. Alfreð hnýtir fvrir en Ólafur hvílist. Ljóst er að þeir og aðrir
hjálparstarfsmenn þurfa að fylla marga slíka ef vatnsborðið heldur áfram að hækka.
Sigfús Sigurðsson býr á hættusvæði í Magdeburg:
Handboltahöllin gæti
orðið að sundlaug
Þegar DV náði tali af Sigfúsi
Sigurðssyni, handboltakappa i
Magdeburg í Þýskalandi, heyrðist
vart mannanna mál vegna sirenu-
væls hinna fjölmörgu sjúkra- og
vatnsdælubíla sem þeyttust fram-
hjá veitingahúsinu þar sem Sig-
fús snæddi hádegisverð. Heimili
hans hefur þó ekki orðið flóðun-
um að bráð, þó svo að það sé á
hættusvæði og líklegt þykir að
hann þurfi á næstu dögum að
vaða hnédjúpt vatn til að komast
að byggingunni sem hann býr i.
íbúðin hans er þó á þriðju hæð og
þarf hann þvi varla að hafa
áhyggjur.
„Það er mun rólegra í dag
(föstudag) en í gær. En hér eru
vinnuvélar og sendibílar á fullu
að byggja varnargarða og maður
getur sjálfur ekki mikið annað
gert en að moka sand í poka og
reyna að hjálpa til þannig. En það
er ekki rigning eins og stendur
sem er mjög gott. Eins og heyrist
kannski á vælinu í sjúkrabílun-
um á bak við mig eru þeir mikið
notaðir til að flytja fólk og hús-
gögn frá hættusvæðum. Það er
búist við að það þurfi að flytja á
brott allt að 20 þúsund manns fyr-
ir morgundaginn," sagði Sigfús.
Af öðrum handboltaköppum
sem starfa hjá Magdeburg má
nefna Ólaf Stefánsson og þjálfar-
ann, Alfreð Gíslason. Sá síðar-
nefndi þurfti að rýma kjallarann
sinn í fyrradag vegna flóðanna en
Ólafur sleppur alveg þar sem
hann flutti af hættusvæðinu fyrir
nokkrum mánuðum. Hann býr nú
í austurhluta bæjarins sem er í
engri hættu.
„Bara núna síðustu mínúturn-
ar hef ég talið 13 vatnsdælubíla
keyra fram hjá mér. Þaö er því
nóg að gera,“ bætti hann við. En
hvað með félaga hans i liðinu,
hvernig verða þeir úti? „Það litur
Sigfús Sigurðsson
Maður getur sjálfur ekki mikiö
annaö gert en að moka sandi í
poka og reyna að hjálpa til
þannig.
út fyrir að allt fari á bólakaf hjá
nokkrum þeirra. Þeir eiga sumir
heima aðeins steinsnar frá Elbu,
það eru kannski ekki nema um 20
metrar frá útidyrahurðinni að ár-
bakkanum.
Við áttum reyndar í gær að
koma saman í íþróttahöllinni þar
sem kynna átti nýja leikmenn hjá
liðinu og spila fyrsta almennilega
leik tímabilsins en þar sem svæð-
ið sem höllin er á hefur verið lýst
sem hættusvæði varð ekkert úr
því um sinn. Sagt er að ef til þess
kæmi gæti myndast um 2-3 metra
djúpt stöðuvatn í höllinni sjálfri.
Þannig að það er ekki mikið sem
maður getur gert eins og málin
standa núna. Maður vonar bara
það besta en við íslendingarnir
tökum þessu öllu af stakri ró og
skiljum ekkert í stressinu í Þjóð-
verjunum," sagði Sigfús á léttu
nótunum og greinilegt að hann og
félagar hans takast á við ástandið
af miklu æðruleysi.
-esá
A gotuvigjunum
Ólafur skóflar saudi í pokann hjá
Alfreð.
Níu
metra
hækkun
Rúmlega 100 manns hafa látist í
flóðunum í Mið-Evrópu og mörg
hundruð þúsund verið flutt í neyð-
arskýli meðan beðið er eftir að
vatnið sjatni. Allt frá Þýskalandi
og Austurríki til Svartahafsstrand-
ar Rússlands hafa úrhellisrigning-
ar gert það að verkum að ár hafa
flætt yfir bakka sína, stíflur brost-
ið og aurskriður fallið.
í norðurhluta Austurríkis eru
flóðin í rénun en í gær var vatnið
fyrir sunnan lítið byrjað að
minnka. I Austurríki er fólk farið
að velta fyrir sér ástæðu þess að
flóðin urðu svo mikil og afleiðing-
ar þeirra svo alvarlegar sem raun
ber vitni. Enginn neitar því að
gríðarlegum og langvarandi rign-
ingum er um að kenna en um leið
spyr fólk hvort mannlegar yfirsjón-
ir og mistök eigi einhvern þátt í
hvernig fór. Reiðin hefur fundið
sér farveg.
Vísindamenn og umhverfissinn-
ar beina spjótum sínum að yfir-
völdum í fjallabæjum og -þorpum.
Þeir hafa á undanfórnum árum gef-
ið grænt ljós á umfangsmikið skóg-
arhögg á bökkum ánna sem nú
hafa flætt yfir bakka sína eða auk-
ið á vatnsmagn stóru fljótanna með
sömu afleiðingum til að rýma til
fyrir sumarbústöðum, iðnaðar-
svæðum og lóðum. Blöð hafa birt
tíu ára gamlar myndir af ám þar
sem tré þekja bakkana við hliðina
á nýlegum myndum þar sem sést
að búið er að höggva öll trén. Þvi
er haldið fram að rætur trjánna á
bökkum ánna í hlíðum Alpanna
hefðu bundið megnið af hinu gríð-
arlega vatnsmagni sem faflið hefur
af himnum ofan undanfarið og gert
það að verkum að það hefði seytlað
mun hægar út í vatnsföllin.
Einnig er sagt að fyrirbyggjandi
aðgerðir yfirvalda, svo sem að
dýpka botn áa meö jarðýtum, og
bygging frárennslisskurða hafi
reynst gagnlitlar eða -lausar. Gráð-
ugir bæjarstjórar hafi fleygt út um
gluggann aldagamalli þekkingu og
fórnað „náttúrulegum" flóðavörn-
um til að laða að fyrirtæki með þá
stundarhagsmuni að leiðarljósi að
ná endurkjöri í embætti sín.
í Þýskalandi náðu flóðin sögu-
legri hæð í gærmorgun. Hækkun á
vatnsborði árinnar Elbu náði þá
9,13 metrum en fram að því var
mesta hækkunin 8,77 metrar árið
1845. Frekari rigningum er spáð
um helgina. Um 20 þúsund manns
voru flutt frá borginni Magdeburg
en borgarstjóri hennar hefur varað
við að hann búist við að borgin
verði undir þriggja metra djúpu
vatni snemma um helgina. í gær
veitti ríkisstjórn Þýskalands 100
milljónir evra til flóðasvæðanna og
öruggt er að það verður ekki nema