Dagblaðið Vísir - DV - 17.08.2002, Qupperneq 42

50
HelQctrblacf DV LAUGARDACUR IV. AOÚST 2002
Notaöir hilar hjá
Suzuki hilum hf.
Suzuki Baleno GL, 4 d., bsk.
Skr. 5/99, ek. 38 þús.
Verð kr. 890 þus.
Suzuki Vrtara JLX, 5 d., bsk.
Skr. 6/00, ek. 45 þús.
Verð kr. 1490 þús.
Suzuki Vitara JLX.3 d. bsk.
Skr. 7/98, ek 75 þús.
Verð kr. 970 þus.
Suzuki Jimny JLX, bsk.
Skr. 7/99, ek. 76 þús.
Verð kr. 990 þus.
Nissan Terrano II Lux dísil.
Skr. 11/98, ek. 62 þús.
Verð kr. 2290 þús.
Honda CRV sjsk.
Skr. 9/97, ek. 80 þús.
Verð kr. 1490 þús.
Toyota RAV-4, 5 d., sjsk.
Skr. 6/96, ek. 76 þús.
Verð kr. 1150 þús.
Subaru Legacy GL 2,0, bsk.
Skr. 10/93, ek. 151 þús.
Verð kr. 570 þús.
Toyota Touring 1,8 4WD
Skr. 7/97, ek. 125 þús.
Verð kr. 860 þús.
Sjáöu fleiri á suzukibilar.is
$ SUZUKI
---✓///«-----------
SUZUKI BÍLAR HF.
Skeifunnl 17, sími 568-5100
Formúla 1

Aftur af stað eftir frí,
nema Arrows
Ágúst er nú rétt rúmlega hálfnað-
ur og þrettánda keppni mótaraðar
Formúlu 1-kappakstursins verður
ræst á Ungverjalands-hringnum í
nágrenni Búdapest á morgun. Öku-
menn og annað starfslið er nú mætt
til starfa eftir langþráð frí á miðju
sumri og hafa fengið tækifæri til að
sleikja sólina við strendur um allan
heim. Þrjár vikur eru nú liðnar síð-
an Þýskalandskappakstrinum lauk
á stórbættri og skemmtilegri Hoc-
kenheim-braut þar sem Michael
Schumacher vann sína níundu
keppni ársins á heimavelli. Þrátt
fyrir að þetta sé opinbert sumarfrí
Formúlunnar er ekkert víst að allir
hafi leyft sér þann munað. Flest
keppnisliðin hafa unniö hörðum
höndum á heimavígstöðum við und-
irbúning fyrir flmm síðustu keppn-
ir ársins og endurbætur á núver-
andi keppnisbíl. Enn fremur hafa
liðin sett allt á fullt í hönnun og
smíði á keppnisbílum fyrir næsta
ár. Ekki er ráð nema í tima sé tek-
ið. Þó hafa ekki allir átt náðuga
daga og er skemmst að segja að Ar-
rows virðist vera komið í heldur
slæm mál og tilkynnti það sl. þriðju-
dag að það muni ekki taka þátt í
keppninni í Ungverjalandi um þessa
helgi.
Frentzen hættur hjá Arrows
Á fyrrihluta þessa árs var haft
eftir Bemie Ecclestone, sirkusstjóra
Formúlunnar, að i ljósi breyttra að-
stæðna á heimsmörkuðum, væri
ljóst að eitt til tvö lið yrðu horfin af
sjónarsviðinu áður en keppnistíma-
bilinu lyki. Auðvitað vonuðu flestir
að hann hefði rangt fyrir sér en
annað hefur komið á daginn.
Minardi hefur verið í verulegum
vandamálum, en áskotnaðist sjón-
varpsfé það sem frátekið var fyrir
Prost-keppnisliðið sem fór á haus-
inn i vetur, og má segja að það hafi
bjargað Minardi og Paul Stoddart
frá brotthvarfi úr Formúlu 1. Það
var svo lýðnum ljóst í júlí, þegar Sil-
verstone-kappaksturinn var í upp-
siglingu, að Arrows var í verulegum
fjárhagskröggum og hafði dregið að
greiða Cosworth fyrir útvegun
þeirra á keppnisvélum. Tom
Walkinshaw, einn stærsti eigandi
liðsins og stjómandi, bjargaði mál-
um á síðustu stundu og greiddi
rúmlega 400 milljónir króna úr eig-
in vasa svo liðið gæti keppt á
heimavelli sínum. Ágreiningur á
milli fjárfesta innan liðsins hefur
valdið því að ekki hefur tekist að
selja liðiö til fjársterkra aðila og er
vitað að Greg Pollock, fyrrum
keppnisstjóri, hefur boðið í annað
sinn í pakkann sem verður ódýrari
með hverjum deginum sem líður. í
franska kappakstrinum mætti Ar-
rows einungis tii að aka nokkra
hringi í tímatökum með það eitt að
markmiði að ná ekki inn fyrir 107%
timaregluna til að komast hjá sekt-
um FIA sem í kjölfarið gagnrýndi
liðið harðlega fyrir framkomuna. í
Þýskalandi kepptu þeir samkvæmt
reglum, en báðir ökumenn féllu úr
keppni. Þar á meðal Heinz H.
Frentzen sem nú hefur sagt skilið
við Arrows í ljósi stöðunnar og seg-
ist ekki taka þátt í þessum skrípa-
leik og hefur nú farið að leita að
öðrum tækifærum. Arrows haföi
ekki tilkynnt staðgengil hans, og
óvíst hvort til hans þurfi að koma
þar sem FIA gæti í kjölfar óvissunn-
ar í kringum liðið tekið af því
keppnisréttinn í Formúlu 1.
Alex Yoong í æfingabúðir
Nú er það ljóst að eftir slakan ár-
angur í tímatökum það sem af er ár-
inu, hefur Alex Yoong, annar öku-
manna Minardi, verið sendur í frí
yfir næstu tvær keppnir. Alex, sem
er borinn og barnfæddur Malasíu-
búi, hefur ekið fyrir ítalska liðið
síðan í italska kappakstrinum á síð-
asta ári, en hefur verið hægastur í
öllum þeim timatökum sem hann
hefur tekið þátt í, utan eina. Þrisvar
á þessu ári hefur hann ekki náð
107% tímamælingu og því ekki feng-
ið að keppa. Þetta er litlu liði sem
þarfnast allrar athygli mjög dýrt og
því hefur verið kallaður til stað-
gengill Yoongs á meðan hann verð-
ur afstressaður og settur í æfinga-
búðir. Anthony Davidsson, prufu-
ökumaður BAR-liðsins, kemur til
með að aka á morgun nái hann inn
fyrir tímamörkin í tímatökunum i
dag. „Þetta er frábært tækifæri, þar
sem Formúla 1 hefur verið eitthvað
sem mig hefur dreymt um síðan ég
var krakki,“ sagði hinn 23 ára Breti
sem á að baki 12.000 km akstur í
prufubílum BAR og var annar í
bresku Formula Ford-keppninni á
eftir Takuma Sato í fyrra. „Ég vil
skila af mér metnaðarfullri og fag-
mannlegri vinnu fyrir Paul Stodd-
art og mitt meginmarkmið verður
að komast inn í keppnina." Paul,
sem nú er að klára sitt annað
keppnistímabil i Formúlu 1, er mik-
01 mannvinur og á greinUega ekki
auðvelt með að taka þessa ákvörð-
un. „Það var erfið ákvörðun að
„hvOa“ Alex I tvær keppnir. En það
er ljóst að hann á í vandræðum með
tímatökuhraðann um þessar mund-
ir.“
Þarf að spýta í lófana
Á meðan litlu liðin keppast um að
halda lifi eru Ferrari og WUliams að
kljást um aUt aðra hluti. Yfirburðir
Ferrari hafa verið með ólíkindum
þetta ár og unnið tíu af þeim tólf
keppnum sem afstaðnar eru og ljóst
að BMW WUliams er ekki að halda
því skriði sem það var komið á í
fyrra er það vann fjórar keppnir.
Nú hafa ökumenn breska liðsins
sagt að verði þeir ekki samkeppnis-
hæfir í Ungverjalandi um þessa
helgi, myndi það gefa vísbendingu
um getu þeirra fyrir næsta ár. Þeir
eru farnir að pressa verulega á
bættan bU og hjólbarða og vUja fara
að skrúfa fyrir sigurgöngu Michaels
Schumachers sem er nú þegar kom-
inn með 104 stig af 120 möguleigum.
„Drifkrafturinn er ekki lengur að
klára í öðru sæti á eftir bróður min-
um,“ segir Ralf Schumacher eftir
þriggja vikna frí þar sem hann hef-
ur hlaðið batteríin fyrir komandi
sJ
keppnir. „Þetta snýst nú um að ná
Ferrari að gæðum áður en tímabU-
inu lýkur. Búdapest kemur tU með
að segja okkur hversu sterkir við
komum tU með að verða í framtíð-
inni.“ Juan Pablo Montoya hefur
tekið undir þetta hjá félaga sínum
og segir að ef þeir komi ekki tU með
að geta veitt Ferrari harðari keppni
í næstu fimm keppnum, sé borin
von að þeir verði í stöðu tU að berj-
ast um heimsmeistaratitUinn á
næsta ári. Ross Brawn, tæknistjóri
Ferrari, hefur litlar áhyggjur af
meistaratitlum um þessa helgi, þó
markmiðið hjá liðinu sé að tryggja
sér liðatitUinn sem fyrst. Ferrari
tryggði sér bæði ökumanns- og liða-
titUinn i Ungverjalandi og reikna
með að verða í góðum gír í keppn-
inni á morgun. Hvort þeir komi tU
með að aka á einu eða tveim stopp-
um kemur tU með að velta á braut-
arhita og öðrum aðstæðum. „Ung-
verjalandshringurinn getur sannar-
lega endurgoldið þér ríflega fari
maður rétt að, en á meðan við höf-
um engar áhyggjur af meistaratitl-
um komum við sennUega tU með að
verða svolítið uppátækjasamir í
keppnisáætlun," sagði Ross Brawn í
Ungverjalandi í vikunni. -ÓSG
STAÐA ÖKUMANNA
Sæti Ökumaður Lið Stiq
1. Michael Schumacher Ferrari 106
2. Juan Pablo Montoya Williams 40
3. Ralf Schumacher Williams 36
4. Rubens Barrichello Ferrari 35
5. David Coulthard McLaren 32
6. Kimi Raikkonen McLaren 17
7. Jenson Button Renault 11
8. Nick Heidfeld Sauber 7
9. Giancarlo Fisichella Jordan 6
10. Felipe Massa Sauber 4
STAÐA LÍÐA
1. Scuderia Ferrari 141
2. BMW Williams F1 76
3. West McLaren Mercedes 49
4. Renault F1 15
5. Red Bull Sauber Petronas 11
6. Benson & Hedqes Jordan 6
7. British American Racinq 5
8. Jaquar Racinq 3
9. Arrows F1 Team 2
10. Toyota 2