Dagblaðið Vísir - DV - 02.11.2002, Blaðsíða 33
LAUGARDAOUR 2. NÓVEMBER 2002
// e / C) a rb l ci ö I>V
33
%
Ray Brown, 1926-2002:
Stjaman slokknar
Um þessar mundir minnast fjölmiðlar
víða um heim hins mikilsvirta djassleikara
og kontrabassaleikara Rays Brown. Það er
skoðun fjölmargra að Brown hafi verið
einn besti bassaleikari djassins. Hann lék
með stærstu stjörnunum, enda Vcir hann
stórstjama - eins og íslenskir djassáhuga-
menn fengu að kynnast á Jazzhátíð Reykja-
víkur fyrir nokkrum árum þegar Ray
Brown tríóið lék á fjölum íslensku óper-
unnar fyrir djasshátíðargesti. Hann lék þá
á hljóðfæri Gunnars Hrafnssonar, bs, sem
léði honum bassann sinn þar sem bassi
Browns hafði skemmst á leiðinni til ís-
lands. Ray Brown hafði skamman tíma til
að aðlagast lánsbassanum, en ekki virtist
það halda aftur af honum, rúmlega sjötug-
um manninum
Ray Brown kom fyrst til íslands á Lista-
hátíð í fylgd með „The Modern Jazz Quar-
tet“.
Hann lék ekki með kvartettinum í það
skiptið. Hann kom með sem eins konar far-
arstjóri.
Að loknum tónleikunum í Laugardags-
höll héldu félagar MJQ rakleiðis -í veislu
sem var haldin í Ameríska sendiráðinu við
Laufásveg. Ray Brown var þeim ekki sam-
ferða, þar sem hann varð eftir til að ganga
frá hljóðfærunum. Þegar hann kom svo
klukkustund síðar í sendiráðið vildu örygg-
isverðir ekki hleypa honum inn - sögðu
veisluna vera fyrir MJQ kvartettinn og
þeir væru mættir allir fjórir, en veislan
væri aðeins fyrir þá og aðra djassáhuga-
menn. Þegar Brown var að snúa frá kom
Þórunn Jónsdóttir (heiðursfélagi Jazzvakn-
ingar) aðvífandi og gat komið vörðunum í
skilning um að hér væri á ferðinni frægur
djassleikari!!
Ray Brown hefði orðið 76 ára gamall
þann 13. október. Hann var þekktur fyrir
hljóðritanir sínar með píanóleikurum s.s.
Gene Harris, Benny Green, Monty Alex-
ander og Geoff Keezer, sem lék með honum
á Listahátíð. Þekktasti píanóleikarinn sem
Brown lék með er meistari Oscar Peterson.
Ray Brown lék með Peterson í 15 ár.
Hljóöritanir Browns fyrir Verve eru frá-
bærar. Þessar hljóðritanir, bæði með Peter-
son og án Peterson, eru með þeim bestu
sem djassbassaleikarar hafa gert.
Þær skipa Ray Brown á bekk með Oscar
Pettiford, Jimmy Blanton, Scott LaFaro og
Charles Mingus. Síðasta hljóðritun með
Ray Brown tríóinu (Monty Alexander, pno,
og Russell Malone, gtr,) hefur nú verið gef-
in út af Telarc. Diskurinn ber nafn þeirra
þriggja, án annars titils.
Ray Brown var tvítugur að aldri þegar
hann gékk til liðs við stórsveit Dizzy
Gillespie, trpt, - hljómsveitina sem átti
mikinn þátt í að greiða götu BeBop-hreyf-
ingarinnar á fimmta áratugnum. Hann
hefði orðið fyrsti bassaleikari MJQ, ef
hann hefði ekki verið bundinn samningi og
hjónabandi við söngkonuna Ellu Fitzger-
ald. Þau voru hjón í fjögur ár.
Ólafur Stephensen