Dagblaðið Vísir - DV - 04.06.2003, Blaðsíða 12

12 INNLENDAR FRÉTTIR MIÐVIKUDAGUR 4. JÚNÍ2003
\
j, r

Guðný Hrund Karlsdóttir tók
við starfi sveitarstjóra á Rauf-
arhöfn ífyrrasumar,aðeins31
árs að aldri. Hún er fædd og
uppalin í Keflavík, lauk prófi í
viðskiptafræði frá H.í. og
starfaði við þjónustu og for-
ritun á bókhaldshugbúnaði
hjá Streng hf. í Reykjavík í
fjögur ár áður en hún ákvað
að flytjast með unga dóttur
sína til Raufarhafnar.
Hvers vegna? Jú, fyrst og fremst
til þess að gefa dóttur sinni tæki-
færi á að alast upp í litlu sjávar-
þorpi, segir Guðný Hrund. En eftir
að Jökull ehf. tilkynnti á fimmtu-
daginn var að 50 til 56 starfs-
mönnum yrði sagt upp og aðeins
20 endurráðnir virðist mörgum
sem framtíð sjálfs þorpsins sé í
hættu. Guðný Hrund tekur ekki
svo djúpt í árinni.
Ekki náðarhögg
„Ég tel að byggðarlagið standi
ekki og falli með þessu, þótt þetta
sé vissulega mikið áfall. Þetta gæti
þýtt að þeir sem hafa hugsað sér til
hreyfings færu fyrr en ella, en íbúa-
tafan hefur verið nokkuð stöðug
síðustu misseri og þótt þetta sé
reiðarslag er þetta ekki náðar-
högg.“
- Telurðu að kvótakerfið eigi sök
á þessari stöðu?
„Kvótakerfið kallar á hagræð-
ingu, sem kallar á samþjöppun,
sem kallar á fækkun starfa. Fram-
kvæmd aflamarkskerfisins hefur
því miður ekki orðið smærri byggð-
arlögum til framdráttar, hverju svo
sem þar er um að kenna. Ég tel lík-
ur á að svipuð staða komi upp víð-
ar á landinu og að stjórnvöld þurfi
að móta stefnu um hvernig skuli
bregðast við. Hingað til hafa lausn-
ir stjórnvalda ekki verið nægilega
markvissar - ég nefni refa- og min-
karæktina sem dæmi - en mér sýn-
ist á þeim viðbrögðum sem við höf-
um fengið undanfarna daga að
breyting gæti orðið þar á.
Varðandi kvótann er ástæða til
að leggja áherslu á að kvótinn sem
er skráður á Raufarhöfn kemur ekki
endilega sveitarfélaginu til góða því
að bátur getur verið skráður hér án
þess að landa nokkurn tímann afla
„Kvótakerfið kallar á
hagræðingu, sem kallar
á samþjöppun, sem
kallar á fækkun starfa.
á staðnum, eða tengjast Raufar-
höfn á nokkurn hátt."
Sóknarfæri fyrir hendi
Guðný Hrund segir ýmis sóknar-
færi fyrir hendi á Raufarhöfn og
mannauður sé þar í ríkum mæli.
Þarna sé einhver besta náttúmlega
höfn landsins og rík fiskimið
skammt fyrir utan. Nokkur afli
komi að landi og spurningin sé
fyrst og fremst hvernig hann verði
best nýttur. Hins vegar gæti þurft
„þolinmótt fjármagn", þ.e. fjár-
magn sem krefst ekki tafarlausrar
arðsemi, til þess að nýta tækifærin
sem séu fyrir hendi.
Guðný Hmnd segir að ef takist að
treysta atvinnulífið sé framtíðin
björt, enda bjóði Raufarhöfn upp á
hvaðeina sem fólk þurfi í sínu
hversdagslega lífi og öll aðstaða sé
til fyrirmyndar; heilsugæsla,
gmnnskóli, félagsheimili, tónlistar-
skóli, hótel, íþróttamiðstöð,
íþróttafélag og fleira, að ógleymd-
um fjölbreyttum útivistarmögu-
leikum í ósnortinni náttúru.
Engir þurfalingar
Raddir heyrast nú sem fyrr um að
skynsamlegra sé fyrir ríkissjóð að
aðstoða fólk við að flytjast frá
byggðarlögum sem eiga erfitt upp-
dráttar en að setja fjármágn í at-
vinnulíf á slíkum stöðum. Guðný
Hmnd mótmælirþessu eindregið.
„Þetta var prófað á Grænlandi á
sínum tíma; fólk af ákveðnum stöð-
um var allt flutt í blokk í Nuuk.
Þetta Ieiddi til grfðarlegra félags-
legra vandamála. Svo þyrfti aldeilis
að borga fólki fyrir húsin sín hér ef
það ætti að geta keypt sér sambæri-
leg hús í Reykjavík. Mér sýnist lík-
legt að fjöldi byggðarlaga gæti lent í
áþekkri stöðu og varla hefur höfuð-
borgarsvæðið bolmagn til að kaupa
upp allt húsnæði á landsbyggðinni.
Ég get heldur ekki séð að allir Reyk-
víkingar hafi atvinnu.
Ég ítreka að það er ekki eins og
Raufarhafnarbúar hafi verið
þurfalingar í samfélaginu. Við höf-
um lagt þjóðfélaginu til gífurleg
verðmæti í gegnum tíðina - horfum
ekki aðeins til síðustu ára heldur
áratuga. Við þurfum aðstoð til að
komast yfir þennan hjalla og þá ef-
ast ég ekki um að við munum skila
okkar til þjóðarbúsins hér eftir sem
hingað til. Til lengri tíma litið er
ódýrara fyrir þjóðfélagið að hjálpa
okkur í gegnum þessa erfiðleika.
Veltum okkur ekki upp úr ódýrri
skólabókarhagfræði."
Sátt
Þrátt fyrir bjartsýnistóninn er
ekki annað hægt en að spyrja sveit-
arstjórann unga hvort hún sjái eftir
því að hafa flust úr höfuðborginni
til þess að glíma við slíka erfiðleika.
„Nei, starfið hefur vissulega verið
mjög erfitt en það sem stendur upp
úr er að dvölin hér hefur verið
ómetanleg fyrir dóttur mína. Ég
myndi aldrei vilja taka það af henni
sem líf í svona samfélagi hefur gef-
ið henni. Velferð barnanna er al-
gjört grundvallaratriði," segir Guð-
ný Hrund Karlsdóttir.
olafur@dv.is
Vegur til Raufarhafnar með
bundnu slitlagi árið 2010
Um einn milljarður króna er
áætlaður til nýframkvæmda
á Öxarfjarðarheiði frá þjóð-
veginum sunnan Kópaskers
austur um Öxarfjarðarheiði
til Þórshafnar með vega-
mótum á miðri heiðinni til
Raufarhafnar.
Vegurinn hefur af heimamönnum
verið kallaður Hófaskarðsleið. Fram-
kvæmdir byrja haustið 2004 eftir að
mat á umhverfisáhrifum hefur farið
fram. Markmiðið er að leggja veg
með bundnu slitlagi frá Húsavík til
Þórshafhar. Framkvæmdin er ein af
þeim framkvæmdum sem ríkis-
stjómin ákvað að flýta til þess að örva
atvinnulífið á landsbyggðinni en 570
milljónum hefur þegar verið varið til
nýbyggingar um Tjömes og niður í
Kelduhverfi fram hjá Auðbjargar-
staðabrekku.
Árið 2007 verður vegur kominn
austur f Krossvík sunnan Raufarhafn-
ar með bundnu slitlagi og síðan
áfram austur til Þórshafnar. Þá er eft-
ir að leggja 15 km veg norður með
Ormarsá til að koma Raufarhöfn í
vegasamband við hringveginn með
bundnu slitlagi. Sá vegur er enn eklci
á áætlun en gæti verið kominn í notk-
un árið 2010, hugsanlega 2008 til
2009 ef framkvæmdum verður flýtt,
t.d. vegna þrýstings frá þingmönnum
Norðausturkjördæmis. -gg@dv.is