Dagblaðið - 29.05.1978, Side 30

34
DAGBLAÐIÐ. MÁNUDAGUR 29. MA1 1978.
Erlend myndsjá
Tina Turner, söngkonan fræga, er hress að vanda og
fagnar lagasmiðnum og söngvaranum Neil Sedaka i sam-
kvæmi einu í New York nýlega. Tilefnið var að lokið er við
kvikmynd sem nefnist — King of the Gipsiers —.
Það varð erfiðara en áður að svala þorstanum eftir að
Ohio áin fyllti skemmtigarða í borginni Williamstown í
Vestur-Virginiufylki i Bandarfkjunum af leir og öðrum
framburði, þegar hún flæddi yfir bakka sína. Yfirvöld
segiast þó ætla að lagfæra skemmdirnar.
Sú ríkasta íS víþjóð
Svíaríki var búið að vera undir stjórn jafnaðarmanna í nærri
hálfa öld þar til samsteypustjórn hægri fiokkanna tók við.
Aldrei varð þó úr þvi að prúðmennin sem stjórnuðu verkalýðs-
flokknum kássuðust mikið upp á milljónamæringana sænsku.
Hún nýtur góðs af þvi, konan á myndinni. Nafn hennar er
Mártha Philipson og er hún sögð rikasta kona Sviþjóðar. Á
hún meirihlutann i sænska umboðinu fyrir Mercedes Benz bif-
reiðar og fleira og hagnaðarhlutur hennar fyrir siðasta ár er
sagður nema jafnvirði um það bil sex hundruðum milljóna
islenzkra króna.
- mjög heppin
Vorum heppin
„Við leyndumst í húsi okkar í eina
viku og reyndum að láta eins lítið á
okkur kræla og hægt var,” sagði
Kevin Press, brezkur tæknimaður,
sem slapp naumlega frá hildarleiknum
i Kolwezi 1 Zaire. „Vatnið var af
skornum skammti og við báðum
stöðugt til guðs að enginn af villi-
mönnunum rækist inn. Við vorum
sannarlcga heppin þvi margir vina
okkar eru ekki lengur i tölu lifenda.
Já, sannarlega vorum við heppin.” Á
myndinni er Kevin ásamt konu sinni,
Ann, og þrem börnum.
Dauðinn á ferð!
•
Hryðjuverkamennirnir sem nefna sig
Rauðu herdeildirnar eru ekki alveg
nýir af nálinni. Árið 1971 tók einn
sjónarvotta að bankaráni í Genova
þessa mynd þar sem tveir hryðju-
verkamannanna flýðu á brott og skutu
til dauða einn bankastarfsmanninn'
sem reyndi að stöðva þá. Myndin var
síðan aðalsönnunargagnið sem nægði
til að þeir voru dæmdir fyrir morðið.
Ránið og morðið á stjórnmálamannin-
um og fyrrum forsætisráðherra
landsins hefur nú valdið miklum
deilum milli opinberra aðila og ekkju
hins myrta. Segir hún að manni sínum
hafi verið neitað um að fá til umráða
brynvarðar bifreiðir fyrir hann og lif-
verði hans.
Alltaf mun töluvert vera um það að eigendur farmskipa, sem sigla vitt og breitt um heiminn, ráði til starfa íbúa þriðja
heimsins þar sem hægt er að fá ódýrt vinnuafl. Stundum komast fulltrúar alþjóðasamtaka sjómanna í málið og þá þýðir lítið
fyrir útgerðina að mögla. Að þessu komust forráðamenn japansks skips sem bar að landi í Danmörku fyrir nokkru. Þurftu
þeir aö greiða sautján skipverjum sínum jafnvirði rúmlega þriggja milljóna íslenzkra króna. Voru þeir allir frá Filippseyjum
og höfðu verið ráðnir á skipiö þar.