Dagblaðið - 24.03.1980, Blaðsíða 11

DAGBLAÐIÐ. MÁNUDAGUR 24. MARZ 1980.
II
„ Tel aö Carter forseti
standi enn með mér”
—sagði keisarinn fyrrverandi er hann yf irgaf Panama á leið sinni til Egyntalands
DC-8 leiguþotan, sem keisarinn
fyrrverandi i Iran notar nú fór frá
herflugvelli á Azoreyjum i nótt. Þar
með hélt keisarinn áfram ferð sinni
til Egyptalands en þar hefur verið út-
búin sérstök aðstaða fyrir hann í
einni álmu hersjúkrahúss í Kairó.
Ekki var gerður nema tveggja stunda
stanz á Azoreyjum vegna eldsneytis-
töku.
Við brottförina frá Panama í gær-
kvöldi ræddi keisarinn stuttlega við
fréttamenn. Þar kom fram að hann
telur að Jimmy Carter Bandarikja-
forseti standi honum enn við hlið og
muni vernda hann.
Keisarinn fyrrverandi var spurður
hvort hann hefði orðið fyrir von-
brigðum með afstöðu Bandarikja-
stjórnar síðustu daga. Svaraði hann
því til að slíkri spurningu vildi hann
ekki svara. Hún væri pólitísk en
varðaði ekki heilsu hans.
Þegar keisarinn var þá spurður
hvort hann færi þá frá Panama fyrst
og fremst vegna heilbrigðisástæðna
svaraði hann: Það er mögulegt.
Hann fór frá Panama sem hefur
verið hæli hans síðan um áramótin
aðeins degi áður en fransstjórn
ætlaði að hefja formlegar kröfur um
að hann yrði framseldur. íransstjórn
hefur lýst því yfir að brottför keis-
arans frá Panama muni mjög tefja
fyrir að samningar náist um frelsun
gislanna í bandaríska sendiráðinu í
Teheran.
Langt er síðan Anwar Sadat for-
seti Egyptalands sagði að keisarinn
fyrrverandi og fjölskylda hans væri
velkomin til Egyptalands og mundi fá
heimild til að dveljast þar svo lengi
sem þau óskuðu.
Síðan keisarinn fór frá fran í
byrjun siðasta árs, hefur hann verið i
Egyptalandi, Marokkó á Bahama-
eyjum, í Mexikó, Bandarikjunum, og
þar til í gær í Panama.
Keisarinn var í Bandarikjunum,
nánar tiltekið á sjúkrahúsi i New
York, vegna krabbameinsaðgerðar,
þegar stúdentarnir tóku bandaríska
sendiráðið í Teheran herskildi og
hafa haldið þar gíslum síðan.
Krefjast þeir að keisarinn verði fram-
seldur til íran.
Búin hefur verið út ein álma af her-
spítala i Kairó fyrir keisarann fyrr-
verandi.
London:
Italska sendi-
ráðið í Ijós-
um logum
Þrjár öflugar sprengingar urðu i
byggingu ítalska sendiráðsins í London
i nótt og logaði byggingin frá jarðhæð
og upp allar sex hæðirnar. Ekki munu
neinir hafa slasazt í sprengingunum en
fólk sem bjó í nálægum húsm var flutt
brott vegnaeld-ogsprengihættu.
Gyðingar til
Hebron á
vestur-
bakkanum
Ákvörðun Israelsstjórnar um að
heimila gyðingafjölskyldum að setjast
að i arababorginni Hebron á vestur-
bakka árinnar Jórdan hefur vakið
mikla reiði meðal leiðtoga Palestínu-
araba og Egypta. Er talið að ákvörðun
um að setja upp skóla í nokkrum
byggingum í borginni, sem voru í eigu
gyðinga þar til árið 1929 er arabar
hrökktu þá á brott verði mjög umdeild
á alþjóðavettvangi.
Þrír n jósnarar
felldir
Herstjórnin í Suður-Kóreu tilkynnti í
gær að herflokkur hennar hefði fellt
þrjá vopnaða norðurkóreanska njósn-
ara innan landamæra Suður-Kóreu.
Sagt var í tilkynningunni að hjá líkum
hinna föllnu hefðu fundizt þrjár byss-
ur, framleiddar í Tékkóslóvakíu, tólf
handsprengjur og skotfæri.
Kadarímestu
klípunni
Janos Kadar, formaður Kommúni-
staflokksins í Ungverjalandi og for-
sætisráðherra landsins, mun í dag setja
tólfta þing flokksins. Sagt er að efna-
hagshorfur í Ungverjalandi hafi ekki
verið alvarlegri áður á þeim 24 árum
sem liðin eru síðan Kadar tók við
stjórnvelinum eftir uppreisnina árið
1956.
Samkvæmt óstaðfestum heimildum
urðu sprengingarnar vegna sprengja
sem komið hafði verið fyrir i
byggingunni en að sögn brezku leyni-
lögreglunnar Scotland Yard, sem sendi
sprengjusérfræðinga á vettvang, var
ekki kunnugt um orsakir
sprenginganna í morgun.
Nær allt slökkvilið Lundúna barðist
við eldinn, sem kom upp um þrjúleytið
í nótt. Var hann, að sögn slökkviliðs-
manna, svo magnaður að allar hæðir
sendiráðsbyggingarinnar voru alelda.
Sprengingarnar voru mjög öflugar
og þeyttust bæði gluggar og hurðir á
fyrstu hæðinni langt út á götu í þeim.
Skömmu siðar var byggingin öll
alelda, að sögn yfifmanna
slökkviliðsins.
Erlendar
fréttir
I þessu sjúkrahúsi í borginni Ljubljana berst Tito forseti Júgóslaviu viö dauðann. Er hann fellur frá er nokkur óvissa um
framtfð Júgóslavíu og ekki þá síður vegna þess að landið á í efnahagslegum erfiðleikum.
Suður-Afríka:
Upplýst um byltingar-
hugmyndir hersins
Mikið uppistand hefur orðið í
Suður-Afríku vegna útgáfu á
skjölum, sem upplýsa um ráðagerðir
innan hers landsins um að hafa af-
skipti af stjórn landsins. Var þar ráð-
gert að grípa inn í aðgerðir stjórnar-
innar.
Pieter Botha, forsætisráðherra
Suður-Afríku, hefur krafizt þess að
sjá upphaflegu skjölin hjá yfirstjóm
hersins. Stjórn hans sem lent hefur í
ítrekuðum hneykslismálum stendur
nú heldur ótraustum fótum vegna
mikillar andstöðu hægri manna i
eigin flokki gegn hugmyndum for-
sætisráðherrans um aukin réttindi til
svartra ibúa landsins.
í blaðinu The Sunday Times,
sem gefiö er út í Jóhannesarborg
voru birtir kaflar úr skýrslunni. Þar
sagöi meðal annars frá ráðagerðum
um að herinn tæki til sinna ráða til að
útiloka alla andstöðu gegn fjárlaga-
frumvarpi forsetans. Aðalumræða
um þau á að fara fram i þingi
landsins næstkomandi miðvikudag.
Talið er að framlög til hermála verði
helzta deiluefnið.
Talsmaður hersins hefur fullyrt að
Pieter Botha forsætisráöherra, sem
er einnig varnarmálaráðherra, hafl
ekki haft neina hugmynd um tilvist
þessarar áætlunar. Mundu her-
foringjar ræða við forsetann strax í
dag um mál þétta.
Að sögn The Sunday Times var
áætlunin nefnd Sálfræðihemaður
vegna umræðna um fjárframlög til
hemála og dagsetning þess var hinn
12. febrúar síðastliðinn.
Var þar meðal annars rætt um að
trufla starfsemi fjölmiðla, rugla
stjórnarandstöðuna i ríminu og trufla
á allan hátt andstöðu gegn stjórn
landsins.
Ríkisstjórn Pieter Bother er rétt
nýlega talin hafa náð sér eftir annað
hneykslismál, þegar uppvist var um
ólöglega notkun á opinberum fjár-
munum til að réttlæta kynþáttastefnu
stjórnarinnar í fjölmiðlum.