Ársrit Ræktunarfélags Norðurlands - 03.03.1959, Blaðsíða 20

100
ingu Skjervolds, einfaldlega vegna þess, að þótt kúastofn
okkar væri notaður sem ein kynbótaeining er hann of lítill
til þess að bera það nautahald, sem bezti árangur útheimtir.
Við yrðum því að sætta okkur við minni nautafjölda til að
velja úr og þá minni eða hægari kynbótaframfarir, að dómi
Skjervolds. Hér við bætist svo, að eins og sakir standa, er
ekki unt að kynbæta kúastofninn íslenzka sem eina heild.
Þá er það val nautafeðranna. Skjervold telur að beztur
árangur náist ef valdir eru tveir beztu bolarnir úr árgang-
inum. Þetta kann að vera rétt, ef úrvalið snýst aðeins um
einn eiginleika eða haasta lagi tvo, svo sem nythæð og mjólk-
urfitu, þ. e. afurðir í mjólk, en það verður talsvert hæpnara
ef tillit skal taka til margra fleiri eiginleika, svo sem bygg-
ingar, holdlagni, auðmjöltunar, lireysti o. s. frv. Auðvitað
má segja að gefa megi einkunnir fyrir hvern eiginleika og
velja þau nautin, er fái flest samanlögð stig, en sú leið finnst
mér þó hæpin. Ég tel hæpið að loka nokkurt naut úti frá
því að liafa kynbótaleg áhrif á stofninn, serri hefur einn af-
burðagóðan erfðaeiginleika, af þeim er við sœkjumst eftir,
ef það spillir ekki stofninum hvað aðra eftirsótta eigin-
leika áhrærir. Þannig tel ég réttmætt að velja til framhalds
stofninum naut, sem hefur mjög góða erfðaeiginleika til
mjólkur, þótt geri ekki nema halda í horfinu hvað mjólkur-
fitu áhrærir og öfugt, og ég tel vel geta komið til mála að
velja til frambúðar naut, er gefur auðmjólkaðar dætur með
góða júgurgerð, jafnvel þótt það hækki hvorki teljandi
mjólk eða fitu.
Auðvitað er gott og blessað og æskilegast að fá alla góða
eiginleika sameinaða í hámarki í einu og sama nauti, en
það mun reynast örðugt, og því verðum við að fara þá leið
að hafa nokkra hlutverkaskiptingu milli nauta um kyn-
bæturnar.
Venjulega er að vísu mest áhrezlan lögð á afköstin, mjólk
og fitu, og höfum við þegar náð furðu vel á veg og hvað
þessa eiginleika áhrærir og er sanni næst, að við getum flýtt