Ársrit Ræktunarfélags Norðurlands - 01.01.1968, Síða 18

JÓHANNES SIGVALDASON:
Starfsemi Rannsóknarstofu Norðurlands
í Ársriti Rf. Nl. 1966 er yfirlit yfir fyrstu starísemi Rann-
sóknarstofu Norðurlands, greint frá hvaða efnagreiningar
höfðu verið framkvæmdar og skýrt frá nokkrum niðurstöð-
um. I greinarkorni því, sem hér er hafið er ætlunin að segja
frá því, sem starfað hefur verið að þessi tvö ár síðan síðasta
skýrsla sá dagsins ljós.
Það sem unnið hefur verið.
Jarðvegsefnagreiningar og áburðartilraunir.
Fyrri part ársins 1966 var unnið að efnagreiningum jarð-
vegssýna, er bárust haustið 1965. Eins og fram er tekið í
síðustu skýrslu voru það um 1780 sýni víðs vegar að af Norð-
urlandi. Niðurstöður þessara efnagreininga voru sendar til
héraðsráðunautanna fyrir apríllok það ár.
Vorið 1966 var á rannsóknarstofunni unnið að því að gera
samanburð á efnagreiningaraðferðum bæði að því er varð-
ar jarðveg og fóður.
Sumarið 1966 var unnið á tveimur vígstöðvum, ef svo má
að orði kveða. I fyrsta lagi var starfað inni á rannsóknar-
stofu þar sem reynt var að ákveða brennisteinsmagn í jarð-
vegssýnum. Gekk miður vel að ákvarða brennisteininn og
fengust af þeim sökum litlar niðurstöður það sumar en und-
irbúin var aðferð, sem síðan var notuð árið eftir. Auk þessa
var þetta sumar ákvarðað kalsíum-, natríum- og magníum-
magn í u. þ. b. 600 jarðvegssýnum úr Ljósavatnshreppi og
Bárðadal í Suður-Þingeyjarsýslu. Nokkuð af niðurstöðum
tir þessum rannsóknum voru lagðar fram á ráðunautafundi
í Reykjavík snemma árs 1967. í öðru lagi voru framkvæmd-