Ársrit Ræktunarfélags Norðurlands - 01.01.1968, Blaðsíða 23

25
steinefnamagn heysins. í hinu kalda sumri 1967 er fosfór
og kalímagnið lægra en í öðrum árum á þessu tímabili. Má
af því ætla að upptaka plantnanna af þessum efnum tak-
markist af hitastiginu. Aftur á móti virðist magn af kalsí-
um (kalki) og magníum minna háð veðráttunni. Til þess að
sýna þennan mismun milli ára betur eru í töflu 2 birtar
niðurstöður efnagreininga frá sama bæ öll þessi ár.
Eins og taflan ber með sér er fosfór og kalímagnið áber-
andi lægst árið 1967. En aftur á móti virðist hið kalda sum-
ar minni áhrif hafa haft á upptöku af tvígildum jákvæðum
jónum svo sem kalsíum og magníum.
Starfsfólk Rannsóknarstofunnar.
Á haustnóttum 1965 var ráðin starfsstúlka hjá Rannsókn-
arstofunni, Matthildur Egilsdóttir frá Akureyri. Vann hún
við efnagreiningar af veturinn, en hætti störfum í byrjun
júní 1966. Sumarið 1966 var ráðinn til starfa nemandi úr
Menntaskólanum á Akureyri að nafni Ásbjörn Jóhannesson
frá Ytri-Tungu á Tjörnesi. Starfaði hann lijá stofunni frá
júníbyrjun og frarn til septemberloka er skólanám hófst. Frá
desember byrjun 1966 var aftur ráðin stúlka, Dóróte Jóns-
dóttir, Akureyri og starfaði hún til maíloka 1967. Sumarið
1967 voru starfandi hjá Rannsóknarstofu Norðurlands tveir
stúdentar frá Menntaskólanum á Akureyri 1967, þeir Hauk-
ur Antonsson frá Dalvík, og Helgi Bergs úr Reykjavík. Vann
Haukur frá því 20. júní og til septemberloka en Helgi vann
júlí og ágúst. Síðast í nóvember 1967 var svo enn ráðin
starfsstúlka Margrét Sigtryggsdóttir frá Akureyri stúdent
frá M.A. 1967. Starfaði Margrét hjá Rannsóknastofunni til
ágústloka 1968.
Rannscknarstofa Norðurlands þakkar öllu þessu fólki vel
unnin störf fyrir stofuna.