Frjáls verslun - 01.08.1969, Blaðsíða 51

FRJALS VERZLUN
51
TÆKNI — NÝJUNGAR
MECAPLAST -
BYLTiNG Á SVIÐl MiÓLKURUMBÚÐA
Rœtt við Vigíús Friðjónsson.
Fyrir tæpum tveimur árum
sendi svissneska fyrirtækið Meca-
plast S/F frá sér nýjar tegundir
mjólkurumbúða, sem þegar eru
taldar hafa valdið byltingu á sviði
slíkra umbúða. Þó að mjög skamm-
ur tími sé liðinn frá því, að um-
búðir þessar voru fyrst kynntar á
heimsmarkaðinum, hafa þær nú
náð mikilli útbreiðslu og vinsæld-
um víða um heim, þó einkum í
Evrópu enn sem komið er. Sviss-
lendingar, Hollendingar og Beigar
hafa þegar tekið slíkar umbúðir i
notkun og Danir, Svíar, Norð-
menn, V-Þjóðverjar og fleiri
þjóðir hafa fest kaup á fram-
leiðsluvélum Mecaplast.
Frjáls verzlun hafði af því
spurnir, að Vigfús Friðjónsson í
Reykjavik hefði kynnt sér þessa
nýju framleiðslutækni hjá Meca-
plast S/F í Svisslandi og fengið
umboð fyrir vélar og tækjakost á
ísiandi. Snéri blaðið sér til Vigfús-
ar og bað hann að gera grein fyr-
ir hinni nýju tækni.
Vigfús sagði, að Mecaplast S/F
hefði, áður en hafizt var handa um
teikningu og hönnun mjólkurum-
búðanna, gert víðtækar og um-
fangsmiklar rannsóknir meðal
neytenda víða um heim um óskir
þeirra og kröfur til mjólkurum-
búða. Niðurstaðan hafi svo orðið
Mecaplast, sem lýsa má sem fer-
hyrndri mjólkurflösku með miðju,
sem mjög vel fellur í lófa þess, er
tekur flöskuna upp. Flaskan, sem
framleidd er úr plasti um leið og
mjólkin er sett á hana, er mjög
stöðug á borði, fellur vel inn í
kælihólf ísskápa og auk þess er
tappi hennar ætíð fastur við flösk-
una og er því mjög góð vörn gegn
óhreinindum og bakteríum. Það er
talið mjög mikilvægt að hafa
tappann fastan við flöskuna,
þannig að engin hætta sé á, að
hann detti af og óhreinkist, eins
og svo algengt var með lausu
tappapa.
Mjólkurframleiðendur benda
sérstaklega á 4 höfuðkosti Meca-
plasts:
1. Umbúðirnar vega aðeins 25
grömm með tappa.
2. Tekur lítið pláss vegna fer-
hyrndrar lögunar.
3. Sama vélin framleiðir, fyllir
og lokar flöskunni, þannig að ekk-
ert geymslurými þarf fyrir tómar
umbúðir.
4. Mjög auðvelt er að flytja
Mecaplast, og er hægt að velja um
7 pakkningastærðir, 4-6-8-10-12-18,
eða 20 flöskur. Þrjár fyrst nefndu
stærðirnar eru í eins konar sam-
pökkun, þannig að vélin skilar til-
teknum flöskufjöldi með plast-
himnu utan um. Himna þessi er
mjög sterk, þannig að auðvelt er
fyrir húsmóðurina að bera flösk-
urnar með sér, er hún gerir morg-
uninnkaupin. Þegar heim kemur