Frjáls verslun - 01.05.1972, Page 73

um einbýlishúsalóðir, á fimmta
hundrað um íbúðir í fjölbýlis-
húsum og 25 verktakar og
byggingameistarar um þau tvö
fjölbýlishús, sem þeim aðilum
eru ætluð þar. Til úthlutunar
eru 42 einbýlishúsalóðir og 8
fjölbýlishús, þriggja hæða með
80-90 íbúðum. Þá er ennfrem-
ur um þrjú sjö hæða fjölbýlis-
hús að ræða á þessum slóðum,
eitt mun borgin sjálf reisa fyr-
ir aldraða, en hinum tveim
verður úthlutað til bygginga-
aðila eins og áður segir. Gatna-
gerðin vegna þessa nýja hverf-
is við Stóragerði hefur verið
boðin út, og er fyrirhugað, að
lóðir þar verði byggingarhæfar
í október.
Um meðferð umsókna, sem
berast frá verktökum og bygg-
ingameisturum, sagði skrif-
stofustjóri borgarverkfræðings,
að haft væri í huga, hvort við-
komandi hefði áður verið í
byggingastarfsemi, hvernig
verðlagi á íbúðum hafi verið
háttað hjá honum, hvort geng-
ið hafi verið frá lóð á réttum
tíma og hvort að öðru leyti
hafi verið farið eftir skilmál-
um um byggingasvæðið. Þeir,
sem uppfyllt hafa þessi skil-
yrði, hafa haft forgang við síð-
ari úthlutanir.
FÆRRI
BYGGINGAAÐILAR
Af hálfu Reykjavíkurborgar
er lögð á það megináherzla að
úthluta traustum aðilum lóð-
um. Það er orðið erfiðara en
áður fyrir nýja verktaka og
byggingameistara að fá úthlut-
un. Búizt er við, að þessi verk-
efni færist á færri hendur, og
að sterk samtök myndist, sem
geta byggt ódýrt. Lóðirnar
verða stærri og húsin sömu-
leiðis. Þetta kallar á stærri og
sterkari aðila til að byggja. Þó
verður að reikna með, að ein-
stakir meistarar muni áfram
vinna minni verkefni.
Hér að framan hefur verið
rætt um lóðaumsóknir, úthlut-
un og skilyrði. En hvað tekur
svo við, þegar lóðin er fengin?
Þá kemur gatnagerðargjaldið,
sem menn verða að standa skil
á.
G ATN AGERÐ ARG J ALDIÐ
Lágmarksgatnagerðargj ald
fyrir raðhús er 95 þús. krónur,
160 þús. fyrir gerðishús og
330 þús. fyrir einbýlishús,
stærra en 550 fermetrar. Um
fjölbýlishúsin gildir sú regla,
að gatnagerðargjaldið fer eftir
hæð hússins. Fyrir fjögurra
hæðahús og minna ergjaldið71
króna á hvern rúmmetra með
lágmarksupphæð samtals 145,-
000 kr. Sé húsið yfir fjórar
hæðir er gatnagerðargjaldið kr.
57 á rúmmetra.
Um greiðslu gatnagerðar-
gjalds er þess krafizt, að helm-
ingur sé borgaður innan
mánaðar frá úthlutun, en
afgangurinn, þegar bygginga-
framkvæmdir hefjast. Bygg-
ingarheimild er ekki veitt fyrr
en kvittun fyrir gatnagerðar-
gjaldinu er fyrirliggjandi. Að
auki koma svo holræsagjald,
heimtaugargjald og bygginga-
leyfisgjald.
IÐNAÐAR- OG VERZLUNAR-
LÓÐIR
Hér hefur verið fjallað um
íbúðarhúsalóðir, sem til út-
hlutunar koma á næstunni. En
hvað um aðstöðu fyrir ný hús
fyrir iðnað og verzlun?
Iðnaðarlóðirnar, sem nú er
úthlutað, eru aðallega í Ár-
túnshöfðanum. Hefur til þessa
gætt nokkurrar tregðu hjá
mönnum gagnvart því að óska
eftir aðstöðu þar efra, en það
viðhorf hefur mjög breytzt upp
á síðkastið og má segja, að
ásókn sé nú í lóðir þar. Tvær
götur á eftir að gera þar bygg-
ingarhæfar.
Samkvæmt aðalskipulagi
Reykjavíkur er ráðgerð stækk-
un iðnaðarsvæðisins á þessum
slóðum, þannig að það teygi
sig austur fyrir Bæjarháls,
sunnan Vesturlandsvegarins.
Þetta nýja svæði verður til-
búið til úthlutunar um það
leyti sem Ártúnshöfðinn er
fullnýttur.
Múlahverfið er nú allt að
því fullnýtt og sama er að
segja um Iðngarða.
Gatnagerðargjöldin fyrir iðn-
aðarlóðir eru mjög mismun-
andi. í Ártúnshöfðanum er
gjaldið 150 kr. á rúmmetra
lágmark, en getur farið upp
í 400 kr. eða meira í gömlu
hverfunum. í Múlahverfinu
hefur t. d. reynzt erfitt að gera
lóðir byggingarhæfar vegna
þess, að íbúðarhús hafa staðið
í veginum fyrir framkvæmd-
um. Hefur borgin þurft að
kaupa þessi hús til að láta
fjarlægja þau, en kostnaður-
inn, sem af þessu hlýzt, komið
fram í gatnagerðargjaldi. Af
þessum sökum kostar rúm-
metrinn í Múlahverfinu sums
staðar allt að 480 krónum.
Við ákvörðun verzlunarað-
stöðu er tekið mið af því, að
verzlun sé reist fyrir hverja
2000 íbúa. Hjá skipulagsyfir-
völdum er ákveðið, hvaða
verzlanir séu nauðsynlegar í
hverju tilviki, og hve hlut-
fallslega mikið rými í verzlun-
arhúsi, hver búð skuli fá.
Næst verður verzlunarlóð út-
hlutað í Breiðholti III, norður-
hluta, en ekki er enn ákveðið,
hvenær það vei’ður. Þar mun
rísa verzlunarmiðstöð. í suð-
austurdeild Breiðholts III verð-
ur í sumar úthlutað aðstöðu
fyrir tiltölulega litla verzlunar-
miðstöð, en sunnan Breiðholts
I verður stóra miðstöðin, ætl-
uð öllum Breiðholtshverfum,
eins konar miðbær þeirra. Ekki
er endanlega gengið frá skipu-
lagi þessarar miðstöðvar, en
það verður fljótlega og þess
væntanlega ekki langt að bíða,
að úthlutun geti farið fram.
FV 5 1972
73