Frjáls verslun - 01.05.1973, Síða 7

Bræðurnir Ormsson hf.
Á 100 fennetra svœði í Laugardalshöllinni sýn-
ir fyrirtœkiö Brœðurnir Ormsson heimilistœki
og hljómburðartœki svo og sjónvörp frá þýzka
fyrirtœkinu AEG. Hljómburðartœkin og sjónvörp-
in eru reyndar með vörumerkinu Telefunken en
það er eign AEG-risafyrirtœkisins, sem hefur að-
alstöðvar sínar í Niirnberg í Þýzkalandi.
AEG samstæðan á fjölda fyrirtækja og verk-
smiðjur, dreifðar um heiminn, sem framleiða raf-
magnsvörur og tæknibúnað undir mörgum þekkt-
um vörumerkjum. Sem dæmi má nefna 10 kjarn-
orkuver, sem þeir hafa smíðað og sett upp í Þýzka-
landi, stórvirkar tölvur, radar og fjarskiptatæki,
gervitungl og vélar í stór skip, drif fyrir járn-
brautir og fleira og fleira, sem of langt yrði að
telja upp.
Fyrirtækið Bræðurnir Ormsson h.f., sem stofn-
að var árið 1922, fékk mjög fljótlega umboð fyrir
allar deildir AEG en hefur aðallega flutt inn frá
því heimilistæki og rafala. Fyrsti stóri rafallinn
kom hingað árið 1926 og var hann settur upp í
Múlakoti í Fljótshlíð, en þangað var hann flutt-
ur á hestum. Á sýningunni ,,Heimilið ’73“ eru
sýndar eldavélar af mörgum gerðum, þvottavél-
ar, kæliskápar, frystiskápar og ýmis smærri raf-
magnstæki svo sem ryksugur, glóðarsteikingar-
ofnar og brauðristar, — allt frá AEG, Frá AEG
Telefunken eru þarna útvarpstæki, plötuspilar-
ar, segulbönd, magnarar og sjónvörp. M. a. er
þarna litsjónvarpstaóki sem á eru sýndar lit-
myndir af myndsegulbandi en AEG fann upp
svokallað PAL-kerfi fyrir litsjónvörp, sem nú er
notað í mörgum Evrópulöndum en það hefur
áhrif á litstillingu myndarinnar. Einnig eru
þarna garðsláttuvélar með rafhlöðum frá AEG
en fyrirtækið í Þýzkalandi tekur þátt í kostnað-
inum við þessa sýningu.
ELEKTRÓNISKU ÞVOTTAVÉLUNUM
SEINKAÐI.
Við spurðum Erlu Dúrr í heimilistækjaverzlun-
inni, hvort ekki væru þarna neinar nýjungar á
sviði heimilistækja, en Erla hefur haft veg og
vanda af uppsetningunni. Hún kvað því miður
ekki svo vera því að sendingu af elektróniskum
þvottavélum og strauvélum, sem ætlunin hefði
verið að sýna, hefði seinkað og hefði ekki náð
tímanlega. Þar hefði einnig verið um að ræða
þvottavélar sem breyttu gufunni í vatn og gætu
þess vegna staðið hvar sem væri í íbúð.
TVÍMÆLALAUS ÁRANGUR.
Bræðurnir Ormsson hafa alltaf tekið þátt í sýn-
ingum sem þessari, þegar þær hafa verið haldnar,
og að sögn Karls Eiríkssonar, framkvæmdastjóra,
hefur aukning í sölu verið greinileg að þeim
loknum, þá ekki sízt hvað varðar landsbyggðina
utan Reykjavíkursvæðisins.
Eiríkur Ormsson stofnaði þetta fyrirtæki árið
1922 eins og áður sagði ásamt Jóni bróður sín-
um, en hann dró sig fljótlega í hlé frá rekstrin-
um. Auk AEG umboðsins hafa Bræðurnir Orms-
son einkaumboð fyrir mörg önnur fyrirtæki og
er þá kannski helzt að nefna Bosch, þýzkt fyrir-
tæki sem framleiðir olíuverk fyrir díeselvélar í
bila og aðrar vélar, rafkerfi svo og heimilistæki.
Ennfremur Hávemeier & Sander, þýzkt fyrirtæki,
sem framleiðir lyftur og munu nú vera hér á
landi um 170 lyftur frá því fyrirtæki. Þá er að
nefna Hellesens rafhlöður sem eru danskar, og
ýmsar vörur fyrir röntgentæki á sjúkrahúsum
frá franska fyrirtækinu DuPont.
Stálumbúðir hf.
Á svæði Stálumbúða á heimilissýningunni get-
ur að líta flúr- og glóperuljós af ýmsum gerðum
sem notuð eru á heimilum. Fyrirtœkið framleið-
ir aðallega flúrljós, bæði til heimilisnotkunar og
fyrir atvinnuhúsnœði alls konar, en einnig noklc-
uð af umgjörðum fyrir venjulegar glóperur.
Að sögn Kristins Guðjónssonar forstjóra hef-
ur notkun flúrljósa á heimilum færzt mjög mik-
ið í vöxt á undanförnum árum, enda hafa fram-
farir verið miklar í framleiðslu flúrpera og er
nú t. d. hægt að fá 10 mismunandi litbrigði á
flúrperum. Stálumbúðir h. f. framleiða umgjarð-
ir utan um a. m. k. 200 gerðir af flúrljósum og
er þá bæði um að ræða hringlaga perur og af-
langar. Þess má geta að flúrperur gefa 3—5 sinn-
um meira ljósmagn en glóperur miðað við raf-
magnseyðslu.
HOLLENZKIR GLÓPERULAMPAR.
A sýningunni núna sýna Stálumbúðir, auk eig-
in framleiðslu, glóperulampa frá hinu heims-
þekkta fyrirtæki Raak, sem þær hafa umboð fyr-
ir hér á landi. Þetta eru eingöngu lampar til heim-
ilisnota og eru margir hverjir mjög skrautlegir
og nýstárlegir.
Stefán Benediktsson, arkitekt, hefur séð um
uppfærslu báss Stálumbúða og val á Ijósum til
sýninga þar í samráði við Ólaf S. Björnsson, Ijós-
tæknifræðing, sem er starfsmaður Stálumbúða
h. f. Fyrirtækið hefur alloft áður tekið þátt í
vörusýningum, og er við inntum Kristin eftir
því, hvort hann teldi sýningar sem þessa hafa
1 för með sér mikla aukningu í sölu, taldi hann
það ekki ólíklegt. Þó væri ekki svo gott að dæma
um, hvaðan aukningin kæmi, en hún hefur verið
stöðug og vaxandi nú um árabil.
Stálumbúðir h. f. voru stofnaðar árið 1948 en þá
höfðu eigendur fyrirtækisins framleitt flúrlampa
í sex ár, eða síðan á árinu 1942.