Frjáls verslun - 01.09.1977, Qupperneq 76

------------------------------ AUGLYSING
HILDA HF.:
Flytur út íslenskar ullarvörur fyrir
500 milljónir króna í ár
Hilda hf., Suðurlandsbraut (i
flytur út íslenskar ullarvörur
fyrir rúmlega 500 milljónir
króna á þcssu ári. Stærsti hluti
framleiðslunnar fer á Banda-
ríkjamarkað, eða 65—70%, en
cinnig eru fluttar út vörur til
Kanada, Þýskalands, Danmerk-
ur, Hollands, Belgíu cg Ástral-
íu svo eitthvað sé nefnt.
16 fyrirtæki um allt land
framleiða vörur fyrir Hildu hf.,
auk hundruð prjónakvenna.
Hönnun á flíkunum er í hönd-
um Hildu hf., en gæðaeftirlit
með framleiðslunni er mjög
strangt. Hilda hf. hefur sérstak-
an mann, Bjarna Ámason,
klæðskera, sem annast þetta
gæðaeftirlit, og veitir fram-
leiðsluaðilum leiðbeiningar í
því sambandi.
Vörurnar eru eingöngu fram-
leiddar til útflutnings, en ekki
seldar hér innanlands. Á hverju
ári heldur Hilda hf. fundi með
umboðsmönnum og fulltrúum
verslana, sem selja íslensku
ullarvörurnar, þar sem farið
er yfir framleiðslu síðasta árs,
rætt hvaða breytingar þurfi að
gera og hvað framleiða ætti
næsta ár, svo eitthvað sé nefnt.
Framleiddar eru fjölmargar
tegundir af jökkum og kápum,
m.a. eru framleiddar 7 tegund-
ir af prjónuðum kvenjökkum,
5 tegundir af ofnum jökkum, 3
tegundir af prjónuðum kápum,
2 tegundir af ofnum kápum, 1
gerð af slá og 1 tegund af pon-
cho, auk 7 gerða af prjónuðum
peysum og fjölmörgum gerðum
af húfum, vettlingum, treflum
og sokkum.
Framleiddar eru 5 gerðir af
prjónuðum karlmannapeysum,
1 tegund af fóðruðum prjóna-
jökkum og 1 tegund af ofnum
karlmannajökkum. Fyrirhugað
er að leggja meiri áherslu á
karlmannaflikurnar, en þær
hafa átt miklum vinsældum að
fagna.
Það er Max hf., sem framleið-
ir ofnu jakkana og hefur fatn-
aðurinn fengið mikið lof erlend-
is fyrir hversu vandaður hann
er.
Hilda hf. hefur lagt mjög
mikla áherslu á að bjóða vör-
ur í hæsta gæðaflokki. Á iðn-
sýningunni í LaugardalshöJl-
inni vöktu vörurnar mikla at-
hygli fyrir gæði og útlit m.a.
og var mikið spurst fyrir um
þær. Forráðamenn fyrirtækis-
ins þeir Tómas Holton og Þrá-
inn Þorvaldsson hafa þó í
hyggju fyrst um sinn að láta
framleiða íslenskar ullarvörur
eingöngu fyrir utanlandsmark-
að, þar sem eftirspurn er svo
mikil að ekki er unnt að sinna
innanlandsmarkaði einnig.
Markaðsþáttur FRJÁLSRAR VERSLUNAR kynnir vörur og vörumerki.
Birtir ítarlegar, áreiðanlegar og tæknilegar upplýsingar, scm gefa kaupend.um
meiri valkosti.
Markaðsþáttur FRJÁLSRAR VERSLUNAR — ný aðferð, sem skilar árangri.
FRJÁLS VERZLUN — kynningardeild — Ármúla 18.
70
FV 9 1977